هل أنا متطلبة ؟

[KARIO]

اللي راهم يقولولها مطلقة و تتشرطي اتقوا الله في انفسكم قولو خيرا او اصمتوا يعني قمة التخلف هي عندها حق تتشرط اكثر من العازبة لانو مطلقة مرة مشي كيما اللي طلقت مرتين وقتها كامل الناس تحط العيب فيها, نصيحة للاخت التدخين ليس بسبب و المستوى الدراسي يمكن فيه وجهة نظر و لكن متركزيش فهاذ الاشياء شوفي الى ما هو ابعد من ذلك ,اسئلي مليح مليح و خوذي وقتك لانو هاذ الانسان راح تامينه على ولدك اللي هو اغلى شيء عندك, شوفي طريقة تفكيره اذا يقدرك من بعد و يصون ولدك, و نتي مشرحتيلناش الضروف تاعك كيفاش دايرة و خاصة اذا كنت عاملة ولا لا باش ولدك ميكونش عالة عليه من ناحية المصروف و استخيري و فوضي امرك لله سبحانه هو علام الغيوب

[اميرة الابتسامة]

من حقك تشرطي أختي بصح تاني في حدود .. كي يكون متخلق وخدام هذو ديجا الشروط كافيين

وقصة يكون قاري ... اللي قاريين أنا نشوفو فيهم ظركا .. عماااااااو .. واحد جامي قرى تلقايه مثقف عليهم . ماشي نعمم بصح كاينة فئة هكذا

و التدخين هذي نتي وخممي مع روحك اا تقدري تتقبليه أو لا .. وربي يعينك

[صفيان 11]

المشاركة الأصلية كتبت بواسطة thorpe

مازال الزمان ياتينا بكل جديد
مطلقة وعندها ولد وتريد ما تريد
نعم هذا قمة التطلب
مدخن ؟ في يدك تدعيلو تحاولي تبعديه على الدخان
ما كملش دراستو ؟؟ علاه كي رايح يديك رايح يعش معاك بالمعادلات الاسية ونظريات اينشتاين وجون بول سارتر وغيرهم ؟
ارتقي قليلا بتفكيرك
وضربي لحديد مادامو سخون
خير ما يروح وتولي تقولي يجيني واحد لاشتا من الخمارة قابلة لمهم ولدي يتربا في حظن اب
ربي يهديك الاخت ربي يهديك

يا خو راك اعطيطها طريحا مليحة بلاك تفيق اعلا روحها يا خي حالة في الواقع هو لي يشرط غير ولا كتن عندك المال هدي حاجة اخرى

[نسيم الريح ش]

ما تخليش التجربة السابقة تاثر عليك .وحسبي حساباتك مليح حتى ما طيحيش في المشاكل السابقة واستخيري رب العباد ولي فيه الخير ربي يقدمهولك