هل اخطات ؟

[مشكلتي]

السلام عليكم
لا اعرف مادا افعل و لا احب ان اكون ظالمة و انا خائفة ان اكون قد ظلمت
حكايتي مع زوجي الدي يهتم باهله اكثر من العادي مع ان ابوه حي و اخوه ايضا
لا يقلقني اهتمامه بالهله لكن عدم عدله بيننا
انا ليس لدي اي حقوق و الادهى انه لا يطلب حقوقه ايضا
يعني لا يابه لشيء
لا يابه لارضائي ولا يابه ايضا لزعلي
المهم اني مانكسرلوش راسو
نقولو حابة روح لدارنا يقولي روحي مايسالش عليا حتان نجي مني روحي
مرات نلعبها مريضة نلعبها مضايقة
والو كاني لست موجودة
نقولو حابة تنخرجو يقولي
اخرجي كاش من مانعك
نقولو لالا نخرجو انا وياك يقولي لالا لازم نخرح دارنا
حتان وليت احرج
مرة رحت نشري من سوبيرة في حليب
قالي مولا سوبيرة هدا وين جا راجلك مع مو شراو الحليب حشمت
لانو هو شراه لدار باباه
وين نروح يقولولي هدا وين كان هنا راجلك
فاصل نفسة عليا
مايطلبش حقوقو بالمرة
حتى كي نحبو نخرجو نحةسة نقولو نروحو راسي وراسك يقولي لالا
ندي دارنا و الا حبيتي تجي ارواحي واحد ماراح يديلك بلاصتك
في هادي العطلة قتلو اديني وحدي حابة نحس بشبابي معاك
حابة نضحك و نزعق
قالي ماكاش
قتلو صحا خلاص روحو قع بصح اديني لغابة بوشاوي راني حابة نشوفها
قالي لالا ماما ماتحبهاش
قتلو مانروحش
وفعلا مارحتش وراني وحدي بصح
عزوجتي زعفت عليا
كامل زعفو عليا قالولي مافيناش الجرب حتى تكرهينا
وربي عالم انا ماعندي حتى حاجة ضدهم
انا زعفت بصح مش منهم
و ضركا راهم زعفانين و يعمرو في راجلي عليا
واش ندير؟