ماذا يقال اثناء الرؤية الشرعية

[لمسة ابداع]

المشاركة الأصلية كتبت بواسطة mouh25

ربي يجازيكم


شكرا لكل من وضع رد
عفوااااااا

اريد معرفة هل ابدي رائ في الفتاة او لا ابدي راي
ايه لا عجبتك قول الله يبارك باه يطلعلها المورال و تضحك باه تشوف سنيهااا
و كبف اقوم بفتح موضوع احترام الوالديين
وزيد قولها والديا بلاما نوصيك عليهم كون تقيسسهم اكي قستيني انا
و لا اريد الخروجها بالماكياج هل اقول هذا او لا
من حقك تقول ولا تحب نهار تولي تهدر معاها وتقولها كيف كيف

و اريد ان تنصحوني اكثر تجارب شخصية اقوال اقولها ,,,,,الخ

كاش ما زدت تفكرت اني نقولك

[solinne]

الرؤية الشرعية لازم يكون محرم معكما من الافضل ان يكون الاخ الاصغر عليها اذا موجود واذا كان اخوها كبير لا حرج في ان تدخل والدتك معك حتى لا تستحي اما عن الحديث فياتي من تلقاء نفسه
مثلا انا اخو زوجي كان كل مرة يشوف فيها بنت يسالها اذا عندها فيس بوك ههه نعم والله واذا جاوبت البنت بنعم يروح دون رجعة

[باهي جمال]

الانسان المتدين يتقيد بالشرع الحقيقي وليس الشرع المتوارث مثلا اغلب الشباب يعتقد ان زوجة المستقبل يجب ان تكون في خدمة الوالدين والشرع حقيقة يامره هو بخدمتهما لا زوجته وقضية السكن مع الاهل اراه شرطا غير شرعي كذلك فمن اراد ان يبر والديه يمكن ان يبرهما وهو يسكن لوحده وقد يعقهما وهو معهم في سكن واحد

[immy_totti]

انا ما عنديش نصيحه ما جربتش من قبل حبيت برك ندعيلك بالخير و الصلاح انشالله

[solinne]

مفهوم الزوجة لا يفقهه الكثير من الجزائريين
مثلا ليس من واجب الزوجة التنظيف والغسل والطبخ ووووو يعني اذا فعلت ذلك تؤجر وان لم تفعله لا تؤثم فمفهوم الزوجة بعيد كل البعد عن مفهوم الخادمة كذلك هي غير مطالبة بخدمة والدا زوجها ولا برهما فهاذان الامران متعلقان بالابن وان فعلت هي يكون لها الاجر الكبير وقس على ذلك

[mouh25]

اريد معرفة هل ابدي رائ في الفتاة او لا ابدي راي مثال اقول بسم الله ماشاء الله

و اريد ان تنصحوني اكثر تجارب شخصية اقوال ,,,,,الخ

[عثمان الجزائري.]

المشاركة الأصلية كتبت بواسطة mouh25

اريد معرفة هل ابدي رائ في الفتاة او لا ابدي راي مثال اقول بسم الله ماشاء الله

و اريد ان تنصحوني اكثر تجارب شخصية اقوال ,,,,,الخ

أخي موح نعم يمكنك قول بسم الله ما شاء الله إذا أعجبتك فمن باب إجتناب إصابة إنسان آخر بعين شرع لنا قول ذلك، أما في الحالة العكسية فإنك تكمل اللقاء الشرعي عادي جدا ثم بعد الخروج يمكنك الإتصال بالوسيط أو بوالدها و تخبره أن الله لم يؤدم بينكما.

[باهي جمال]

المشاركة الأصلية كتبت بواسطة solinne

مفهوم الزوجة لا يفقهه الكثير من الجزائريين
مثلا ليس من واجب الزوجة التنظيف والغسل والطبخ ووووو يعني اذا فعلت ذلك تؤجر وان لم تفعله لا تؤثم فمفهوم الزوجة بعيد كل البعد عن مفهوم الخادمة كذلك هي غير مطالبة بخدمة والدا زوجها ولا برهما فهاذان الامران متعلقان بالابن وان فعلت هي يكون لها الاجر الكبير وقس على ذلك

هذا هو الفهم الصحيح

[أمل94]

اخي لم افهم سؤالك بالظبط لكن يبدو انك تستفسر عن اجراءات الرؤية الشرعية ومايجب عليك القيام به .اذن اخي شي عادي تذهب برفقة عائلتك لبيت الخطيبة ومبعد تريحو الرجال مع بعض والنسا مع بعض وبعدما تشربو القهوة ولا تفطرو المهم يجي خوها يعيطلك ويدخلك لصالو تع النسا تلقى عايلتك وخطيبتك مع يماها ولا اختها المهم كي تدخل قوللهم السلام عليكم وسلم علا يماها برك ولا كاش نسا كبار ايه ومبعد يقولولك هذي عروستك قوللهم الله يبارك. ومبعد وجههلها وابل من الاسئلة واش راكي.؟شحال فعمرك.؟وين قريتي؟.وين تخدمي؟ .....الخ....وماتنحشمش اخي هذا حقك .وبعدما تدي نظرة على حياتها تكون تأملت شكلها مليح ولك الحق ان تقول لها معليش توقفي نشوف.طولك عادي اخي من حقك .المهم ومبعد تسكت انت ومتبدي حتا راي .وكي ترجع لداركم وتخمم مليح مع نفسك ردولهم فالهاتف يلا مبروك علينا ولا مكتبش ربي وانشاله رب يسهلك ونسيت ثان باش نوصيك الاشخاص لي تديهم معاك من النساء اطلب منهم مايعطولها تاوسة(نقود)مايزغردو لان ذلك دليل على القبول .وراه عيب باش تزغرتو وتسمعو الناس ومبعد تقولو مكتبش ربي نظن فهمتني الاخ.مديرحتا عفسة الا بعد التوافق والقبول وفقك الله اخي أي استفسار انا في الخدمة

[أمل94]

والشروط لي راك تتحدث عليها تع طاعةاالوالدين و....و...من الاحسن ماتذكرهاش فاللقاء الاول.اتركها بعد التوافق ولك ان تقولها لها في الخطبة .او عبرالهاتف ....وتتجنب قولها فاللقاءالاول يوم الشوفة وفقك الله

[mouh25]

و الله العظيم لقد ارحتوني كثيرا بنصلئح القيمة

اذا اسالها
اقول لها السلام عليكم
كيف حالك
واش امور الدراسة
ماذا ايضا و كيف انهي الحوار????????

[nassim vip]

ربي سهــــل أخي
و نتمانلك اليسر في الرؤية ان شاء الله

[azzam 01]

راك مقلق خويا بالزاف ....اهدأ ورتب أفكارك ..وحدة وحدة...راه أمر بسيط وعادي ...الشيطان برك يخوفك ...لانك رايح تكون أسرة مسلمة جديدة...لاقدر الله لو كان شي حرام ....الشيطان مايقلقكش ...توكل على الله ومبروك مسبقا

[أمل94]

كيم قال الاخ نظن راك متوتر شويا نوووووووورمال الاخ عادي متخافش الامر مهوش راح يكون جدي وصارم كيم راك تتخيل فيه أكيد راح يكون هرج وبلبلة وضحكات ومزح الهدرة تجي وحدها متخافش وقلت كفاه نختم كلامي متختموش مع اهل الفتاة بعدما تنتهي التفت ليماك ولا اختك المهم لي راحو معاك قوللهم هذاك هو قيس منروحو ....وبقيهم على خير وروح .ربي يوفقك

[mouh25]

و الله ربي جازيكم

بقي شئ اخير لما اسالها عن دراستها و تجيب و هو السؤال الاخير لي هل اصمت او اقول شئ ???????????????????

هذا الش الاخير الذي مازال يقلقني