كيف أتعامل معهم؟

[ميما اللئيمة]

اختي العزيزة ، مبدئيا احترم التزامك و تمسكك بمبادئك بصح لازم تكون عندك ثقّ في نفسك اذا حابة ممكن تحكي مع البنات و متخليش عقليتهم تاثر علا عقليتك ، واذا حابة متحكيش معاهم ثقي بقرارك و متهتميش برايهم لي عجبتيه مش حيبنيلك قصر و لي معجبتيهش مش حيحفرلك قبر يخبطو راسهم ، نقولك اقتراح ؟! كي تكوني فالطريق يعمي من لي تخرجي من الدار حتا تدخلي لباب القسم و تحكمي بلاصتك وانتي مهبطة راسك و تسمعي فلقران في ليزيكوتوغ هه .. و كي تكوني فالقسم اكي مشغولة بالدرس يعني ماتشوفي جن ماتسمي عليه ، ماتعسيهمش دك متتفيقيش بلي قاعدين يعسو فيك .. خليهم يعسو ولا يروحو يبيعو الخرشف

[bello angel]

يا اختي ماكنتش راح نرد لكن استفزتني بعض الردود

كاين فرق بين الالتزام و العقد النفسية
اسمحيلي انتي مراكش ملتزمة لانو الشخص الملتزم حقا حقا ما يروحش اصلا لمكان فيه الاختلاط
لكنك معقدة نفسيا ادا تحبي ما تجدبيش الانظار ليك فقط كوني طبيعية قالك هاتي الكراس ردي عليه عادي قوليلو لا
تخالطي مع الناس راح ياكلوك؟؟؟
اعرفي لمليح من لقبيح
لمليح صاحبيه و فيدي و استفيدي منو و لقبيح خلي علاقتك سطحية بيه
الرسول صلى الله عليه و سلم قدوتنا و كان يخالط الناس كامل رغم اختلاف دياناتهم و يتحمل اداهم و يدعوهم و لم يكن فضا غليظ القلب و كان يجوه النسا و يسالوه و يجاوبهم
يعني صراحة مفاهيمك غالطة
وانا نضمنلك هاداك الفتي لا معجب بيك لا والو لاو باغي يخطب كيما قالو الاعضاء فقط شايفك كائن فضائي و حاب يكتشفك
و كي يعدي عليك حاب يتاكد منك خرساء او صماء او تحكي نورمال
قرينا في الجامعة و كنا متحجبين و محترمين و عمرنا ما دخلنا في علاقة و كنا نديرو محاظرات و نخرجو امام مئات الطلاب و نهدرو و نناقشو و نفرضو راينا و الحمد لله طورنا نفسنا وكي عاد فارضين احترامنا عمرو واحد ما قال لينا كلمة

[mrmilano1984]

اختي نصيحة ليك نتي باينة بنت محترمة جدا وحاجة مليحة ربما الشاب اقول بلاك نواك علي كل حال لي ينوي صح الزواج يجي لداركم

[naimori]

نتي راكي مليحة الافضل حبسي القراية في الجامعة وتزوجي احسن لك تستري روحك وولد الناس الجامعة ماتعطيك والو ديجا مراكيش تحضري الدروس وغدوا تخدمي في مكان شخص كفؤ معناتها تاكلي حرام وتحرمي من هو اجدر منك

[غزلانْ]

و عليكم السلام و رحمة الله تعالى و بركاته

و تبقى نظرة كل شخص لكن تبقى الجامعة و كل ما فيها

هو في أيّ مكان كان سواء في العمل أو غيره من الأماكن هناك اختلاط أيضا

مشكلتك تكمن في أنّك تأقلمت على "دراسة بثانوية بنات فقط " و لهذا تجدين

صعوبة في مواصلة مع عالم آخر ذكور و لكن دخلت للدراسة و لك أن

تلتزمي بمبدئك " حصول على شهادة " ثم من تنعتينهم أقصد بفئة الشباب

على أنهم سيظللون طريقك قد تكون نظرتك خاطئة كل الخطأ فلتحذري

من فئة البنات فكم من فتاة ساهمت في ضياع صديقتها

و عن الدفتر لو كنت مكانك لقدمته لزميل يدرس معي فليس بالضرورة

مجرد استعارة دفتر هو محاولة منه لجذبك لا تدعي هذه الوساوس تصاحبك

و تيقني هي الجامعة فيها " الطالب " و" الأستاذ" و يكون هناك " تواصل "

و قد يكون '' الأستاذ " بدوره يحاول اعتراضك شأن أيّ طالب

اذ من غير المعقول تطلبين تحصيل بلا توصيل

مجرد استعارة دفتر تباذر لدهنك استدراج من طالب
أنتِ و ظنك السلبي

و خلاصة القول

لك حرية الاختيار بين '' الدراسة بالجامعة و التحلي بمبدئك فمن نشأت على استقامة لا خوف عليها " أو " الانسحاب من الجامعة و ببساطة توقفي عنها ان كنت لا تستطيعين التحكم أو السيطرة فيما أنت عليه "

و تبقى طريقة تعامل و سط جامعي عادية لمن تتحكم في تصرفاتها و ان لم تستطيعين في التحكم في نفسك فودّعيهم بتخليك عن الجامعة و بكل ما فيها هذاااردااا على'' كيف أتعامل معهم ''

و يبقى ردّي لكِ

وفّقكِ الله