موضوع بعد غياب .....شاركونا

[سحابة مسافرة]

المشاركة الأصلية كتبت بواسطة النجمة القطبية

انتى من ناحية تقولي الكلام مجرد شعارات
ومن ناحية اخرى تعطينا مثال عن حماة اختك انها تعاملها مثل امك تماما ربي يباركلها
اين الشعارات ادن !!!!!!!!!!!!!!

نعم شعارات هاذا الرد على كلامك في الموضوع
و المثال لي اعطيتو انا راهي وحدة في المليون

[كاميلا]

عندي ام واحدة !! شكون قالك كاين اللي يجي في بلاصتها ! نهار طايشت في السبيطار على الساعتين تاع الليل شكون اللي جاني !! امي حبيبتي مش الام اللي تتكلمي عليها انا لا اعرفها حقا
وقطعت كل تعاملي معاها بعد كل المحاولات بائت بالفشل هدايا عشاء مساعدات كلام حلو الخ الخ اثره اصبح عكسي قابلته بالمنكر والظلم والكدب لدرك مش فاهمة انا وش درتلها !!
اخر اصداراتها في موت جدتي تتشفى وتضحك كي عيطتلها خبرتها بالجنازة وبعدها تعايرني بجدوز جدتي المرحومة وامي تتكلم على المنطقة تاعهم بالسوء اصل جداتي شاوية وتتفوه بالسوء والعرق جباد والاصل موش مليح الخ كنمودج للعبارات
هنا تمركي ااسطوب تغلط فيا وعقبتلها شحال من مرة وتحمد ربي مقلتش ومحكيتش لولدها واش صاري فيا تغلط في اهلي خط احمر هنا نلزم انا حدي ويبرد قلبي تولي في نظري كيفها كيف البراني نقلل معاها الكلام والزيارات وهدا واش درت والحمد لله زوجي في عدة مواقف دارتهم مسمعش لكدبها كون راني من زمان تطلقت على هادي منحكيلوا والو خاطر راني حاسة بيه باللي واعي لشر امه ولهدا منزيدش عليه اما في مايخص علاقتها بيه لا احشر انفي بينهم ولو حتى بكلمة

[كاميلا]

ساعات نقول وشمن زهر عندي الناس دخلوا العايلات لقاو عجايز كي اللويز كي الدهب وانا ديما عاكستلي

[النجمة القطبية]

[quote=كاميلا;3995134002]ساعات نقول وشمن زهر عندي الناس دخلوا العايلات لقاو عجايز كي اللويز كي الدهب وانا ديما عاكستلي

ربي يعوضك ويصلح الامور بيناتهم وان شاء الله تفطن ويهديها ربي قبل فوات الاوان لان هادى الدنيا فانية
موفقة

[~أميرة أميري~]

يا اختي كاين وكاين انا لحد الآن ماشفت منها والو مازلت مخطوبة وعرايسها كامل عايشين لاباس بيهم ومتهليا فيهم ومخليتهم عايشين حياتهم وجامي سقسات وحدة واش راكي ديري ولا زاحمتها في حياتها
انا من ناحيتي راح نديرها فوق راسي وحتى وادا بادلتني العكس راكي كيما قلتي راهي ام واكيد راح تكون في صف وليدها اكتر وانا راح نتقبل منها هاد الشي ومحال نحسسها اني سرقتلها وليدها ،،، راح نعاملها مثل امي واكثر يكفيني انها جابتلي السبع نتاعي وتهلات فيه ،،، وماشفت منها والو تعيطلي غير بنتي وتبوس وتعاود هههه ،،، وزيد راني عارفة مليح واش قاسات باش كبرت ولادها ورجعتهم رجال وهدا الشي يخليني حتى انا مفتخرة بيها ،،، ربي يحفظها ويحفظ كامل الامهات

[امونة14]

نقولك كفاش حرمتني بامومة انها فرقتني من راجلي قاتلهم قبل ماتجيب دراري معاه نطلقها
وفعلا صار طلاق وحلمي بامومة تبخر وزيد كانت تقولي لازم تاكلي حبوب منع حمل
يعني كانت ضد فكرة اني نجيب اولاد مع ولدها باش كي طلقني يجيها كل شي ساهل
لوكان لبنتها ترضالها هاك طبعا والف مرة نقولها لا هي بناتها ترضالهم غير كل خير
وفي الاخير نقول كل حماة وكفاش لكن قلييييييييييييييييييييييييييييييييييل بزاف تلقاي وحدة تعاملك مليح لكن ليس مثل امك فلا تقارن حماة مع ام