مكافئة ابناء الشعب

[omar5050]

اخي bigboy العزيز السلام عليكم
الاحظ من نبرات صوتك انك متحمس
انت تقول اننا "اصبحنا اضحوكة بين الدول و خير دلييل على سكوتنا هو ماغرسه النظام فينا من خوف و مدلة و القاء الوم على النساء" وانا لا اوافقك الرأي فيجب على الانسان في بعض الاحيان ان يسكت وهذا بالنسبة لي راجع لقوة شخصية الفرد لان العقلاء يرون تبعات هذه المضاهرات والمسيرات وما الى ذلك فلو كانت مضارها اكبر من نفعها فالجلوس احسن ولو كان العكس فانا اول واحد تجدني معك اخي . وضع في ذهنك كذلك انك يجب ان تتكل على نفسك وحدك لان اغلب الشعب في وقت الصح ما تلقى حتى واحد معاك تلقى روحك وحدك لان العرب اتفقوا على الا يتفقوا نحكيلك حكاية صرات معايا كي كنت نقرى في الجامعة رئيس القسم خرج اربع طلبة اكسكلي لسبب ما حنا الطلبة حبينا نديروا احتجاج على قرار رئيس القسم واتفقنا فكان احد الطلبة وزميلي هو المكلف بجمع التوقعات لنطعن في قرار رئيس القسم اغلب الطلبة قدموا توقيعاتهم و وعندما واجهنا رئيس القسم بمطلبنا والمتمثل في اعادة الطلبة المطرودين الى مزاولة الدراسة قال لنا رئيس القسم لي مايدخلش ضرك يقرا نخرجو اكسكلي كي صحابو لخرين هل تعرف مذا حدث الطلبة الذين كانوا يجمعون التوقيعات هم كانوا اول الخونة ودخلوا وراحوا يقراو من 50 طالب قعدو ثلاث طلبة مدخلوش يقراو انا كنت واحد منهم ورئيس القسم قالنا راكم انتوما اكسكلي كي صحابكم لخرين وهددنا ومباعد تراجع على قراروا ورجع كامل الطلبة المطرودين لي دايرلهم اكسكلي ومن هذاك النهار قلت للخونة لي كانو يجمعوا في التوقعات "اذا كنتو اتوما راكم رجال انا ما منيش راجل" واخذتها عبرة ماعتش ندير الثقة في ايا من كان لان اغلب الشعب في ضربت الصح خواف على روحوا وعلى مصلحتوا.
راني ننصحك لوجه الله مادير الثيقة في حتى واحد في ضربت الصح راك تلقى روحك وحدك.
ثانيا اخي انت تتكلم عن التغيير الوضع يقول الله تعالى في محكم تنزيله " إن الله لا يغير ما بقوم حتى يغيروا ما بأنفسهم" سؤال مني لك هل واقع الامة الان يسمح بالتغير سواء كان اقتصاديا ثقافيا دينيا اخلاقيا انا في رايي الخاص مشكل الامة العربية والجزائر مشكل اخلاقي بالدرجة الاولى لو وجدت الاخلاق لتوفر العدل ستنعدم المعريفة والرشوة والمحسوبية وياخذ كل ذي حق حقه لو كنا امة عندها اخلاق لوقر الصغير الكبير ولحس الغني بالفقير ولحترم المسؤول من يعول من الموظفين ولكن ابتعدنا على الاخلاق ووضعنا مفاهيم جديدة فاصبحنا كاننا في غابة.
ونقول لك من وجهت نظري ان الدولة لن ولن تستطيع توظيف اغلب الشباب لانه وبكل بساطة نحن دولة من دول العلم الثالث ليس لدينا اقتصاد ولا مؤسسات تساهم في خروج الدولة من التبعية الاقتصادية عندنا فقط مؤسسات ادارية كالبلديات والمدارس و المحاكم و البترول الذي اصبح بثمن بخس وبدراهم معدودات..الخ من المؤسسات التي لا ولن تساهم في القضاء على البطالة
اذا كنا نحب بلادنا كما ندعي يجب تغيير ذهنية الفرد الجزائري وضرورة خلق اقتصاد كامل متكامل مثل الدول المتطورة عندها انا اقول لك ستنعدم البطالة اما في الوضع الراهن فنحن نكذب على انفسنا قبل ان نكذب على غيرنا.

[sadako]

المشكل واضح بوتفليقا ربح الانتخابات عن طريق اصوات النساء بوتفليقا اعطى العمل والحقوق للنساء الحل اطردو النساء وتتوفر لكم مناصب شغل الامر سهل احتمعو على كلمة واحد واخرجو اخدو حقكم

[bigboy]

شكرا صديقي عمر 5050 لقد مررت بتلك التجارب في الجامع و ما بعدها حتى الماستار لكن اليوم وصل السكين للعظم و انهكتنا السنون نعم سنوات قاسية من انحداء للرؤوس الم يحن الوقت لهذا الجيل ان يرفع راسه عاليا و يشاهد بقية الامم التي سبقتنا باستغلال لطاقات شبابها و ليس بكبهم و تحطييم امالهم
نعم مازلت احلم و اتمنا ان نتغير و نغير و الله حرام علينا شبابنا الذي اضعناه في اتباع عجزة فاشللين لايهمهم الا مصالح انفسهم و اولادهم و لا يخافون من الرب و لاكن كل ما يخيفهم هو انحائهم من الكرسي و الله هم يخافون ثورة الشارع
واقولها الخروج الى الشارع و المطالبة بحقنا المهضوم

[Ange Mouni]

السلام عليكم ورحمة الله تعلى وبركاته
اعجبني موضوعك اردت المشاركة راك تقول اخي نكونو كما الدول متحضرين اوكي ماشي مشكل علىه الغرب اكل يخدمو في الادارات فقط مكاش خدمة اخرى سبحان الله وخلاص تحيرو مرات والله في الاشرطة كنت ننتفرج فيهم قراو فالجامعة وقع يحلو مطاعم الاكل الخفيف يعني يبيعو سونديشات في كل الاماكن في الشوارع وماشي عيب الشء هدا بالعكس يساهمو باش تطور البلاد نتعهم ويحبطو من غلاء المعيشة ولا راني غالطة هنا باش تخرج تفطر برا لازملك تدي مايات الف وحدك ومنعرف الاكفاتك وتبانلك هدي نورمال بسكو اغلبية الشباب يحبو غير الواجد ميحبوش يكرسو ريسانهم يقولك نخدم في بيرو والشهرية طالعة علاه نعيي روحي .... الخ ومكاش واحد يقولك يدير مشاريع صغيرة مثلا كما لونساج راحو خرجو الاغلبية فوغقونات ومكاش وين يخدمو بيهم راحو يقاريوهم في ديارهم ولا يدورو بيهم في زنقا من بلاصة لبلاصة هدا تخمام سليم عجب والله والي عندو الاراضي نلاقاها بلا خدمة فارغة قاحلة شكون يخدمها منين نتوما الشباب تقةولو رانلا حاين نخرجو برا في الشارع وديرو مضاهرة هل هدا حل في ميزك نت مفهمنت ؟

[Ange Mouni]

السلام عليكم ورحمة الله تعلى وبركاته
اعجبني موضوعك اردت المشاركة راك تقول اخي نكونو كما الدول متحضرين اوكي ماشي مشكل علىه الغرب اكل يخدمو في الادارات فقط مكاش خدمة اخرى سبحان الله وخلاص تحيرو مرات والله في الاشرطة كنت ننتفرج فيهم قراو فالجامعة وقع يحلو مطاعم الاكل الخفيف يعني يبيعو سونديشات في كل الاماكن في الشوارع وماشي عيب الشء هدا بالعكس يساهمو باش تطور البلاد نتعهم ويحبطو من غلاء المعيشة ولا راني غالطة هنا باش تخرج تفطر برا لازملك تدي مايات الف وحدك ومنعرف الاكفاتك وتبانلك هدي نورمال بسكو اغلبية الشباب يحبو غير الواجد ميحبوش يكرسو ريسانهم يقولك نخدم في بيرو والشهرية طالعة علاه نعيي روحي .... الخ ومكاش واحد يقولك يدير مشاريع صغيرة مثلا كما لونساج راحو خرجو الاغلبية فوغقونات ومكاش وين يخدمو بيهم راحو يقاريوهم في ديارهم ولا يدورو بيهم في زنقا من بلاصة لبلاصة هدا تخمام سليم عجب والله والي عندو الاراضي نلاقاها بلا خدمة فارغة قاحلة شكون يخدمها منين نتوما الشباب تقةولو رانلا حاين نخرجو برا في الشارع وديرو مضاهرة هل هدا حل في ميزك نت مفهمنت ؟

[magyouda]

اسكت انت ما عندكش الحق كاع تهدري نتوما المدمات لطيحتو علينا البق

[أحمد زابانة]

المشاركة الأصلية كتبت بواسطة Ange Mouni

السلام عليكم ورحمة الله تعلى وبركاته
اعجبني موضوعك اردت المشاركة راك تقول اخي نكونو كما الدول متحضرين اوكي ماشي مشكل علىه الغرب اكل يخدمو في الادارات فقط مكاش خدمة اخرى سبحان الله وخلاص تحيرو مرات والله في الاشرطة كنت ننتفرج فيهم قراو فالجامعة وقع يحلو مطاعم الاكل الخفيف يعني يبيعو سونديشات في كل الاماكن في الشوارع وماشي عيب الشء هدا بالعكس يساهمو باش تطور البلاد نتعهم ويحبطو من غلاء المعيشة ولا راني غالطة هنا باش تخرج تفطر برا لازملك تدي مايات الف وحدك ومنعرف الاكفاتك وتبانلك هدي نورمال بسكو اغلبية الشباب يحبو غير الواجد ميحبوش يكرسو ريسانهم يقولك نخدم في بيرو والشهرية طالعة علاه نعيي روحي .... الخ ومكاش واحد يقولك يدير مشاريع صغيرة مثلا كما لونساج راحو خرجو الاغلبية فوغقونات ومكاش وين يخدمو بيهم راحو يقاريوهم في ديارهم ولا يدورو بيهم في زنقا من بلاصة لبلاصة هدا تخمام سليم عجب والله والي عندو الاراضي نلاقاها بلا خدمة فارغة قاحلة شكون يخدمها منين نتوما الشباب تقةولو رانلا حاين نخرجو برا في الشارع وديرو مضاهرة هل هدا حل في ميزك نت مفهمنت ؟

يا اختي الكريمة أنت و من أمثالك الكثير . يضنون أن الأمور سهلة جدا لكسب القوت و الرزق في الجزائر ، هي ليست بتلك السهولة التي تضنون ، تقولون ساندويشات و مكتبات و بقالات و خضر و فواكه ..... تبا لكم لم تنزلوا إلى أرض الواقع و ما أسهل الكلام بدون تطبيق . نعطيك مثال فقط على بيع الساندويشات . أولا يجب أن تكون مقيم بمكان شعبي يعني مثلا حي جامعي ، تكون لديك دفتر او سجل تجاري و هذا ليس بالأمر الهين الحصول عليه خاصة في زمان المحسوبية و الرشوة " + تسلك عليه غرامة مالية باستمرار + إذا كان تقوم بكراء محل لبيع السندويشات كما تقولين يجب أن تضعي في الحسبان قيمة كراء المحل و أقل شيء 20000 دج للشهر . و بعدها تنطلقي في رحلة البحث عن المستحيل بإرجاع الخسارة التي تخسرينها كل شهر عن طريق تدوير المال ببيع الساندويشات كما تقولين .... و الله كأنما الرزق في الطريق و نحن لم نعثر عليه ، تتكلمون فقط ... و الله الأمور صعبة جدا و ضعي في الحسبان أننا كشباب ننطلق من الصفر يعني لا يوجد رأس مال و لا من يعينك فوالديك كفاهم شر إعالة الأسرة بأكملها و الشهر ما يلحقش على خوه ....