أمي ام ابي ؟ - الصفحة 2

محفوظ البسكري · 2016-01-28, 11:41

منا سخونة ومنهيه تحرق

أمك ثم أمك ثم أمك

انا عندي واحد صحيبي عمرو 23 ساكن مع يماه امو مطلقة ويسكن مع خوالو كي يروح لباباه واش دير مرت ابوه تقول لبناتها صغار روحو سبو خوكم وعايروه وقولو كذا و كذا مرت كنت قاعد معاه لقيتو محروق شوي من ايدو قلتلو واش بيك قالي مرت بابا كانت تضحك معايا وحطتلي مغرف سخونة على ايدي وقواتاو واش درت قالي ما درتلها والو شافت فيا و لات تضحك المهم دارت فيه المنكر

خوالي شغل حاقريين لا واحد يتهلا فيه شغل عالة عليهم وساكن في دار جدو مع اخوالو

AMINA.Z · 2016-01-29, 21:12

اقتباس:

المشاركة الأصلية كتبت بواسطة محفوظ البسكري

منا سخونة ومنهيه تحرق

أمك ثم أمك ثم أمك

انا عندي واحد صحيبي عمرو 23 ساكن مع يماه امو مطلقة ويسكن مع خوالو كي يروح لباباه واش دير مرت ابوه تقول لبناتها صغار روحو سبو خوكم وعايروه وقولو كذا و كذا مرت كنت قاعد معاه لقيتو محروق شوي من ايدو قلتلو واش بيك قالي مرت بابا كانت تضحك معايا وحطتلي مغرف سخونة على ايدي وقواتاو واش درت قالي ما درتلها والو شافت فيا و لات تضحك المهم دارت فيه المنكر

خوالي شغل حاقريين لا واحد يتهلا فيه شغل عالة عليهم وساكن في دار جدو مع اخوالو

سبحان الله ...هذا مثال من الواقع...... و يتوافق تماما مع ما ذكرته لك ......لاننا جزائريون و نعرف جيدا العقلية

blanche rose · 2016-01-30, 07:54

اخوتي المفروض رانا حياديين
وصاحب المشكلة ما قاللناش شكون الظالم فيهم..
وتوظيف الحديث الذي يتحدث عن الام للوقوف الى جانب الام وفقط امر غير عادل..
ففي القرآن أوصى الله عز وجل بالوالدين معا..
ولا يجب ان ننسى أن الله عز وجل وحده من يعرف الظالم منهما..
فهناك نساء مظلومات وأخريات ظالمات..
وهناك رجال مظلومون وآخرون ظالمون..

وصاحب الموضوع ما قالش انو الاب رايح يتزوج او لا..

بعد الطلاق الطرفين يحاولو ينتقمو من بعضاهم عن طريق الاولاد
وكل واحد يحب يبين بلي لولاد معاه..

هذا تفكير المطلقين والظروف هي اللي ارغمتهم على هذا..
لكن حنا رانا حياديين والمفروض انو علابالنا انو استخدام الابناء كسلاح خطأ..

الام نعم محتاجة ابنها..لكن محتاجاتو يصرف عليها ويعاونها ماشي يقعد يساميها ويستنى حتى هو المصروف من جدو وخوالو...

لازم ما يحسسش والديه انو يحب طرف ضد آخر..لكن ممكن يعطي رأيو بطريقة ذكية في المشكلة ويقول لمن ظلم..المفروض لوكان درت كذا او كذا..بالاك تهدأ النفوس ويرجعو

أفضل حل هو مسك العصى من الوسط..مرة عند الأب ومرة عند الأم..

واذا صاحب المشكلة شاطر يقدر يرجع والديه ويدعيلهم بالهداية..

ام رضوان · 2016-02-02, 00:23

السلام عليكم
ياااااااربي يالحنين ياالرحيم لم شمل هذه العائلة وماتحرمهم من بعضهم
يارب فرج كرب هذا الشاب لانو بين نارين
قولو امييييييين
ادعي ربي ياوليدى وابكي وتضرع يجمعكم مع بعض تحت سقف واحد
ويبعد عليكم الشر.
امين

AMINA.Z · 2016-01-29, 21:08

عيش مع الوالدة .....بالرغم من انو صعب نظرة الاخوال ممكن يشوفوكم عالة عليهم ....مي حتى اختهم و راح يشوفوها عالة ...تخلي امك وحدها بلا كتاف !!!!!!
باباك روح انت و اختك عندو في عطلة الاسبوع
لانو ممكن جدا يعاود الزواج و ماكش راح تكون مرحب بيك في البيت من طرف الزوجة الجديدة
و نظن امك من حقها بعد الطلاق يكون عندها بيت مستقل ....كي طالب بحقها في البيت المستقل ..راح تتهناو من الذل و من المشاكل.

ManouraHilwa · 2016-02-02, 16:30

برهما الاثنين معا وكن ذكيا خذ المصروف و الحماية منه وخذ الحنان منها وانت الفائز اللهم اجمع والدا هذا الشاب في بيت واحد امين