كل ما يخص مدرسة الهندسة.بجاية + المدرعات.باتنة

[MrBlaugrana05]

المشاركة الأصلية كتبت بواسطة haroun-43

انا بعتلوي 15 ماي وكتاه نروح انا حاب نفوت طبيب في اقرب وقت يعني وكتاه يقلبو سراجن

على حساب الغاشي , كي تدخل بالأحد أو الإثنين ... تجوز للطبيب ممكن في نفس اليوم ممكن بعد يوم أو يومين و لا دخلت فالويكاند راك تستنى حتى يوم العمل (الأحد)

[ziani a7med]

+هارون انا كيما انت نحوس نروح ديراكت بلا ترنزيست يادرا ويكتا نروح ++ .عندكم معلومات على الميتاسيون وين ؟

[MrBlaugrana05]

المشاركة الأصلية كتبت بواسطة ziani a7med

+هارون انا كيما انت نحوس نروح ديراكت بلا ترنزيست يادرا ويكتا نروح ++ .عندكم معلومات على الميتاسيون وين ؟

وين ماشي الأخ بجاية أو باتنة ؟؟؟

[الصمايم]

بارك الله فيكم اخوتي على النصائح

هل من شباب متجهة الى باتنة ؟ في 22 ماي

[haroun-43]

مشكل في حرارة في باتنة منطقة حارة مناه داخلية

[MrBlaugrana05]

المشاركة الأصلية كتبت بواسطة haroun-43

مشكل في حرارة في باتنة منطقة حارة مناه داخلية

الحرارة دركا هذي حاجة ربي , وأظنها أحسن بكثير من المناطق الأكثر سخونة أو المناطق المحاذية للبحر لانها تقتل ب "ليميديتي" خاصة للناس لي تعاني حساسية و ضيق التنفس .. المهم على العموم لي مشا لباتنة ان شاء الله ما يندمش

[billel2010]

السلام عليكم
بالنسبة لي عندو ضعف في النظر هل يستوجب احضار النظارات اي لازم يكون لابس نظارات لإجتياز الفحص المضاد أم ان الملف الطبي والفحص من طرف طبيب الثكنة يكفي ؟؟؟؟ ارجوا الاجابة

[MrBlaugrana05]

المشاركة الأصلية كتبت بواسطة billel2010

السلام عليكم
بالنسبة لي عندو ضعف في النظر هل يستوجب احضار النظارات اي لازم يكون لابس نظارات لإجتياز الفحص المضاد أم ان الملف الطبي والفحص من طرف طبيب الثكنة يكفي ؟؟؟؟ ارجوا الاجابة

لازم النظارات الأخ .. و لا عندك دواء جيبو تاني + 2 نسخ من الدوسي ميديكال تدفع وحدة و وحدة تغارديها عندك للضرورة ,لأن الطبيب يقلب النظارات قبل الملف و ممكن حتى ما يشوفش الملف gاع
بالتوفيق

[haroun-43]

انا عندي دوسي تاع كفالة كي نوصل تم وين نقدر ندفعو+ ملف الطبي واش لازم يكون فيه

[MrBlaugrana05]

المشاركة الأصلية كتبت بواسطة haroun-43

انا عندي دوسي تاع كفالة كي نوصل تم وين نقدر ندفعو+ ملف الطبي واش لازم يكون فيه

الدوسي تاع الكفالة ما عنديش معلومة عليه و لكن بالاك تمدو للطبيب فلافيزيت لأنك ما تزيدش تشوفو أما الدوسي ميديكال أدي 2 نسخ و احكم وحدة فالدار , يكون فيه أي ورقة تاع المرض لي تبع فيه (اوردونونس + كونت روندي + راديوات + لي تاست ) ملف كامل و ما تنساش تدي دواك لأنو كاين جماعة جابو دوسي قد لرض و من بعد قالهو نتا مريض و دوسي كيما هذا و الدواء تنساه و ما تجيبوش

..

[haroun-43]

المشاركة الأصلية كتبت بواسطة mrblaugrana05

الدوسي تاع الكفالة ما عنديش معلومة عليه و لكن بالاك تمدو للطبيب فلافيزيت لأنك ما تزيدش تشوفو أما الدوسي ميديكال أدي 2 نسخ و احكم وحدة فالدار , يكون فيه أي ورقة تاع المرض لي تبع فيه (اوردونونس + كونت روندي + راديوات + لي تاست ) ملف كامل و ما تنساش تدي دواك لأنو كاين جماعة جابو دوسي قد لرض و من بعد قالهو نتا مريض و دوسي كيما هذا و الدواء تنساه و ما تجيبوش

..

شكراااااا
نورمالو سجيت كلش هات برك مانسيت والو

[kamel alge]

المشاركة الأصلية كتبت بواسطة haroun-43

انا عندي دوسي تاع كفالة كي نوصل تم وين نقدر ندفعو+ ملف الطبي واش لازم يكون فيه

السلام عليكم
اهلا خويا هارون واعضاء 119
بالنسبة ليا رحت فالدفعة لي فاتت جانفي 2016 وخرجت بملف طبي وكان معي شخص عندو ملف كفالة

الملف الطبي اي شيء يثبت المرض انا ديت غير شهادة من عند طبيب العيون كي دخلت عند الطبيب هازها في يدي لقيتو ومعاه لجنة 2ولا 3 اخرين و طبيبة اخرى سالتني كشما عندك مرض عطيتها الورقة شافت فيها فوتتها للطبيب هز راسو شاف معايا وكتب فيها وخرجت والحمد لله فت كونتر فيزيت وخرجت

بالنسبة لملف الكفالة ماعندك وين تدفعو يقعد عندك حتى يجو هوما يسقسو شكون لي عندو ملف تمدهولهم ولا في حالة ما لبسوك تمدلهم الملف اذا كان صحيح يلبسو واحد اخر في بلاصتك ويخرجوك فائض

[haroun-43]

لي عندو مرض بواسر هل فيه امل يسرح؟