هل اخطات

[نسيم الريح ش]

اعطي لنفسك فرصة اخرى وزيدي اصبري ودعي ربي فرجه قريب ان شاء الله

[أم رقية نسرين]

سلام ختي ربي يكون معاك و يصبرك بصح حاجة وحدك حافظي على دارك مهما يكون تكسبي اجر ان شاء الله يمكن تكون فترة فقط راه يمر بيها زوجك و تعدي ان شاء الله. و نتي لا تدققي في تصرفاته. ولا في وقت خروجه او دخوله للبيت و رح تشوفي بإذن الله بلي راح يتبدل و ماتخليش فرصة لهدي الطفلة تديه منك ياربي يبعثلها كش واحد يتزوجها ويهنيك منها
اصبري ختي و احتسبي و لا تنسي ان الله لا يعجزه شيء في الأرض ولا في السماء اسأل الله العظيم ان يفرج همك

[fofo annabia]

ربي يفرج عليك ويبعث الاستقرار فيه اختي صح الكثير من الازواج يخونو زوجاتهم ادا حرام و ما قالش عليه ربي لازم اختي تشوفي وش الحاجة الناقصة فيك و تحاولي تعالجاها النساء لكل كيف كيف و انا متاكدة بلي انتي خير من اللي خانك معاها بلاك هو يلقى في حوايج البرا ما يلقاهاش معاك راجعي تصرفاتك و معاملتك معاه ما تانبيهوش ولا تفكريه بالخيانة كوني مرا واثقة من روحها و تجاهلي موضوع الخيانة و ديما تعاملي برفق و حنان باه تخليه حس بلي لحنانة في دارو مشي لبرا الراجل كي بيبي لازم تعامليه باللعقل يولي شوف ليك و النهار طلع انا هدي نصيحتي اعملي باها و رديلي لخبر ربي فرج عليك وكثري من الدعاع وداومي على صلاتك خاطر هي لتفرج

[إكليل]

السلام عليك و رحمة الله تعالى و بركاته.

لقد قرأت مشكلتك أختي و ربي يكون في عونك فقط أحببت أن أقول لك إن كان يحبها فلما لم يتزوجها .

[حنين فتـاة]

اصعب موقف تمر بيه الزوج انو تشوف راجلها لي راهي تطيح وتنوض على جالو وعلى جال ولادو راه يخون فيها وحارمها من الحب الشرعي ويمد فيه لطفلة من الشارع
انصحك انك تخبري عجوزتك اذا جات معاك في صفك او حاولي تتفاهمي معاه وتصارحيه لانو اذا ما صارحتيهش رايح الامر يجيه على القوسطو يعني رايح تخلي المجال ليه وللفتاة باش يزيدو يتماداو
انتي دورك يا اختي هو الحفاظ على زوجك من الزنا ومن غلطات وراح تتحاسبي عليه عند ربي امالا حاولي تستشيري احد من عائلتك او يمكن باباك او خاوتك واو شيخك او عجوزتك ومتخليش راجلك يزيد يغرق اكثر واكثر وحاولي تخبري عن اهل هدي الطفلة باش يحكموها
كوني قوية وشجاعة متخليلهاش الفرصة باش تسرق زوجك راه مللك وملك ولادك انتي فقط