أختي أظن أنني أفضل من يستطيع مساعدتك لان بيننا العديد من النقاط المشتركة
بنت 19سنة .. طالبة طب ... لدي اختان تكبرانني سنا و لم يتزوجن بعد يعني مستحيل عليا انا نتزوج قبلهم !!
و لكن يا اختي انا لا افكر قط بالزواج في هذه السن صحيح كونن اقراننا فعلن هذا و لكن هل تستطيعين تحمل مسؤولية بيت ؟؟ و احيطك علما ان دراسة الطب صعبة لا بل و صعبة جدا بالنسبة لمن له انشغالات غير الدراسة خصوصا السنة الاولى ...
انا ايضا بنت و عندي ميولات و اريد الزواج و بناء عائلة و زوج يحبني و لكن علينا ان نكون واقعييت مع 22سنة مليحة يعني ..
بالصح نشاركك بواش راني معمرة راسي انا دركا باش منفكرش فيه مع انني لا ارفض فكرة الخطوبة ... و لكن ليس قبل اخواتي
- تعلم اللغات الفرنسية و الانجليزية و تحسيت مستواي
- دراسة الطب صحا هادي لابد
-نحوس نتعلم كاش حرفة و خصوصا الحلاقة و الخياطة و لما لا تعلم صنع الحلويات كنت ماشية ندخل نخدم عند وحدة منها خدامة منها نتعلم و لكن نظرا لبعض الظروف مدخلتش و صحا نزيد نتعلم الطبخ مليح ف الدار باش منتقلقش غير نتزوج نكون مرا نتاع الصح برا و الداخل مع العلم اننا الحمد لله لسنا محتاجين امي استاذة و ابي مدير في احدى الشركات ...
-راني دايرة صفحة ف الفايسبوك نكتب فيها قصص بالفرنسية و راني نخمم ندير فيها فيديوهات بدون ارفاق الصورة ندير فيهم عبر و تاني ان شاء الله نزيد بعض الوصفات للطبخ و الحلويات و للتجميل ... مزال عاد بديتها
- راني نعرس و نبحر و نعيش كوني لازلت بدون مسؤوليات و بدون اولاد و و و
- راني بديت نحفظ القران و ان شاء نزيد نشوف كاش مدرسة قرانية راها غير قدامنا باش نتعلم التجويد و تفسير القران باش نزيد نفهم الدين نتاعنا
- ههه و نزيد نسمن ف هاد الوقت باش نهار نجي عروسة يجيوني لبلايز و الشدة و الكراكو ههه و هاد الصوالح و تاني وجهي يزيد يصفى مليح من الحب اصلا فيا قليل بالصح باغياته يصفى ...هههه
- شفتي كاين بزاف فاش نخممو من غير الزواج المبكر جدا و تاني بلاك نطيح ف راجل لا قدر الله شوية صعيب على الاقل نكون نتقن الطبخ و الخياطة و هاد الصوالح لي نستحقوهم حنا النساء باش ندبر عيشتي صح و الطب لي منسمحش فيه بالصح مداك المشوار طويل فيه منيش باغية غير نقرا و صايي باغية نكون جايبتها هاك و هاك !! =) كما ماما هههه و نكون مرا مع روحي
-
( تقرير عن مشاركة سيئة )، و الموجودة أسفل كل مشاركة .
2015-07-30, 21:32
العرض المتطور
