أأصحاب 13 و 14 و 15 علمي لي يحوسوا على احدى الشعب الطبية - الصفحة 2

*محب النجاح* · 2015-07-17, 01:28

التقني والرياضي لا يرقى لمستوى العلمي
ناس برك دات شنعة ورياضي نتاع نخبة لكن الواقع يكشف الحقيقة والجامعة تحكم على الجميع
العلمي أثبت جدارته في الجامعة في كل التخصصات وسحق الرياضيين في عقر دارهم تخصصات المحروقات والإعلام الآلي أما الرياضي فتجده يعاني الأمرين مع st و mi و الأمر الذي يثير السخرية تقني لم يدرس علوم يختار طب أسنان وصيدلة في الجامعة أو تقني يدرس الشبه الطبي ههههههههههه

مونيسة خبا · 2015-07-17, 01:32

اقتباس:

المشاركة الأصلية كتبت بواسطة *محب النجاح*

التقني والرياضي لا يرقى لمستوى العلمي
ناس برك دات شنعة ورياضي نتاع نخبة لكن الواقع يكشف الحقيقة والجامعة تحكم على الجميع
العلمي أثبت جدارته في الجامعة في كل التخصصات وسحق الرياضيين في عقر دارهم تخصصات المحروقات والإعلام الآلي أما الرياضي فتجده يعاني الأمرين مع st و mi و الأمر الذي يثير السخرية تقني لم يدرس علوم يختار طب أسنان وصيدلة في الجامعة أو تقني يدرس الشبه الطبي ههههههههههه

الأخ الكريم سبق وذكرتها العلمي ويين تحطوا تلقاه عندو قاعدة في جمييع المواد الرياضيات الفيزياء والعلوم

djamila97 · 2015-07-18, 20:58

تلاميد شهادة البكالوريا 2016 اقبلوا ستكون هده النافدة نقطة تواصل بيننا

ikhlas7 · 2015-07-18, 21:15

لقد انتظرت لمدة طويلة التطرق لهدا الموضوع المهم اشكرك يا اختاه فانا قد تحصلت على معدل 15/20 في شهادة البكالوريا شعبة علوم تجريبة لهده السنة وانا في حيرة من امري ان كنت سوف اتمكن من دراسة تخصص الطب ام لا و هدا لقلة المقاعد وكثرة الطلب على هدا التخصص فكيف لتلاميد شعبة التقني رياضي ان ينافسون على هده المقاعد وهم الدين لم يدرسوا االعلوم الطبيعية و التي تعد اساس دراسة تخصص الطب فهم لا يعرفون حتى ابسط الاشياء مثلا مما تتكون الخلية و كيف لتلميد ان يوجه تخصصه لهندسة مدنية او هندسة كهربائية او هندسة ميكانيكية ثم يريد ان يصبح طبيب التي ترتكز على العلوم الطبيعية ماهدا التناقض ومن يضن ان مادة العلوم سهلة فهو مخطئ فالتخصص في التقني رياضي ممكن ان تحصل على 20 اما مادة العلوم فمن الصعب ان تحصل ولو على 16 لانها تعتمد على التعبير بكثرة ودقة فهم السؤال كما ان في شعبة التقني رياضي مجموع معاملات المواد الاساسية 19 مما يمكنهم من التركيز على هده المواد فقط ويحصلون على اعلى المعدلات اما صعبة العلوم فمجموع معاملات المواد الاساسية هو 16 لا تكفي فيلزم التركيز على كل المواد حتى غير الاساسية فانا اوافقك الراي يا اختاه يجب انتفاضة ويجب على وزير التعليم العالي ان يلتفت الى هدا الوضع و يغيره فالى متى تبقى شعبة العلوم التجريبة مهمشة ولا يعطوها حقا ؟؟؟؟؟

matrixofptc19 · 2015-07-17, 01:30

كي عادت ساهلة علاه مادرتوش رياضيات ولاتقني
خاوتي فكونا من المواضيع التافهة هاذي ناقشناها عندها بزاف
+ روحو عاودو العام الجاي مالا احرار رياضي تديوه بـ 17 علا حساب الهدرة
العلميين فيهم الهدرة برك ... -_-

مونيسة خبا · 2015-07-17, 01:35

اقتباس:

المشاركة الأصلية كتبت بواسطة matrixofptc19

كي عادت ساهلة علاه مادرتوش رياضيات ولاتقني
خاوتي فكونا من المواضيع التافهة هاذي ناقشناها عندها بزاف
+ روحو عاودو العام الجاي مالا احرار رياضي تديوه بـ 17 علا حساب الهدرة
العلميين فيهم الهدرة برك ... -_-

مانديروش رياضي ندددددديرو شعبة لي تناسبنا حنا نحبو العلوم نديروا العلوم باه نكونوا روحنا لأنها تتفق مع الطب نا نديرش رياضي لي ماعندهاش أي علاقة مع الطب باه نخش طب هههذي في بلادنا لي تصرى

matrixofptc19 · 2015-07-17, 01:38

اقتباس:

المشاركة الأصلية كتبت بواسطة مونيسة خبا

مانديروش رياضي ندددددديرو شعبة لي تناسبنا حنا نحبو العلوم نديروا العلوم باه نكونوا روحنا لأنها تتفق مع الطب

وش تكوني روحك حاسبة العلوم لي تقرايها فالليسي حاجة او زايدين علينا غير بالمشابك والخلية والطاقة !!
وهاذو في أسبوعين نكملهم وندخل لافاك نورمال

مونيسة خبا · 2015-07-17, 01:43

اقتباس:

المشاركة الأصلية كتبت بواسطة matrixofptc19

وش تكوني روحك حاسبة العلوم لي تقرايها فالليسي حاجة او زايدين علينا غير بالمشابك والخلية والطاقة !!
وهاذو في أسبوعين نكملهم وندخل لافاك نورمال

رياضيات و الفيزياء تاعكم لي حاجة

matrixofptc19 · 2015-07-17, 01:53

اقتباس:

المشاركة الأصلية كتبت بواسطة مونيسة خبا

رياضيات و الفيزياء تاعكم لي حاجة

هيه حاجة بويسك زايدين عليكم بــ 6 وحدات في الفيزياء والرياضيات ونتوم بزوج برك فالعلوم قوليلي هاذا عدل !!
+ وروحي فوتي باك رياضي احرار يخي العلوم راكي فاهمتها درك والمات تاني والفيزيك روحي فوتي رياضي احرار

matrixofptc19 · 2015-07-17, 01:39

اقتباس:

المشاركة الأصلية كتبت بواسطة مونيسة خبا

مانديروش رياضي ندددددديرو شعبة لي تناسبنا حنا نحبو العلوم نديروا العلوم باه نكونوا روحنا لأنها تتفق مع الطب نا نديرش رياضي لي ماعندهاش أي علاقة مع الطب باه نخش طب هههذي في بلادنا لي تصرى

قريتي البرنامج تاع العلوم للرياضيين !! وقريتي البرنامج تاع الطب فالجامعة ؟
اذا لالا غير ماتهدريش يرحم والديك

مونيسة خبا · 2015-07-17, 02:05

اقتباس:

المشاركة الأصلية كتبت بواسطة matrixofptc19

قريتي البرنامج تاع العلوم للرياضيين !! وقريتي البرنامج تاع الطب فالجامعة ؟
اذا لالا غير ماتهدريش يرحم والديك

يا أخي علابالي واش راني نهدر مانيش نهدر من الهوا أنا طالبة سنة 3 طب و علابالي واش راني نهدر لحوايج لي قريتهم في الليسي في مادة العلوم رانا نتعمقو فيهم زايد حوايج جدد حاجة باينة و الحمد الله درتها لاني نحب العلوم و لقيت فيها العلوم هههه ريحت الرياضيات ما تسعى ما عدا السنة اللولة فيها biostat تقرى فيها الاحصاء تاع السنة الرابعة متوسط الموضوع ما هوش يدور على أحسن شعبة ويناها كل واحد و ميولاتو واحد يحب اللغات واحد العلوم واحد الرياضيات أنا ناقشو التناقض اللي رانا نشوفو فيه يقراو عامين رياضيات ولا تقتي و على اللخر يدير حاجة ما تناسبوش و ثاني اجحاف الدولة في حق العلميين نتوما تخصصاتكم حتى و نحبو نديروها الأولوية ليكم و حنا مدايريلنا تسجيل وطني ههههههه لا يحدث الا في شكوبيستاااااان ملا أفهم مليح الموضوع لي رانا ناقشو فيه و ما نيش رايحة نكون مقفلة كيفك و نقولك ما تهدرش على خاطر هدي حرية تعبير و عيب عليك تقولي ماتهدريش ما لا ماذابيك حسن أسلوبك في الحوار و برك ما تشالي برك يرحم باباك درتلي infarctus cérébrale صحييييت وعيدك مبارك الأخ الكريم

فخامة انا · 2015-07-17, 01:34

بسبب ان الباك تع التقني هاد العام جا سهل
لوكان جا صعيب كيما لعوام لي فاتو واحد مايعارض

matrixofptc19 · 2015-07-17, 01:36

اقتباس:

المشاركة الأصلية كتبت بواسطة فخامة انا

بسبب ان الباك تع التقني هاد العام جا سهل
لوكان جا صعيب كيما لعوام لي فاتو واحد مايعارض

يعطيك الصحة خويا
باختصار الشعب تاعنا كي ماتصلحلوش حاجة يحب يصمطها على غيرو

matrixofptc19 · 2015-07-17, 01:34

+ نتوم العلوم لي قريتوها فالليسي حاتينها حاجة !!
البرنامج تاع الباك فالجامعة تاع العلوم للي يقرى طب ولا طب اسنان يخلصو فسمانة
وش قريتو شوي مشابك وشوية خلية وطاقة زايدة على الرياضي خلعتكم !!
الراضي كذلك يقراو فالمات الموافقات و التعداد و الأعداد الأولية والاحتمالات وفي الفيزياء زايدين بالأعمدة
يعني زايدين على العلميين بــ 6 وحدات و العلميين زايدين على الرياضيا بمجالين في العلوم فقط لا غير
باختصار حنا شواكركم

*محب النجاح* · 2015-07-17, 01:44

يا إخوان في الجامعة يبان الصح
يعني كي يقرا علمي مع رياضي في تخصص طبي تما يظهر شكون فوور في العلوم
وتاني نفس الشيئ مع الإعلام الآلي وإلكترونيك وغيرها
درك تقعدو تحكو ما توصلوا حتى نتيجة لأنو المشكل في نظام التعليم لي سبب هد التخلاط