مشكلتي حماتي

[عين الصقر]

ربي يفرج عليك أختي
خممي الآن في صحة الجنين وبعدها أرجعي لدراك وقيسيها في الثقيل ماتديريش على هدرتها
مادام ماوصلاتكش بالضرب الجسدي. عديها مرا كبيرة وخلاص مع أن الكلام مؤلم أكثر
وخمي في راجلك. راكي تقولي هو على قد حاله. هو راه بينك وبين أمه يعني ماعندو مايدير مسكين. الله غالب

الله يوفقك وطهورا ان شاء الله

[mimi souma]

شوفي الحرقة اللي راكي حاسة بيها راني حاسة بيها نقولك نتي باينة عاقلة وزمان ديالنا مايحبش وحدة عاقلة فرق بين العقالة والتربية لازم تكوني قبيحة ومربية يعني تقادريها راهي في مقام يماك خاطر يمات زوجك بصح هاديك العقالة الزايدة وقت العبيد خلاص عندو بزاف نتي راكي تقولي راكي مقادرتها ماتغضبيش ربي علاجالها وادعيلها ربي يهديها في كل صلاة باش تعف جرتك خاطر الغيرة نورمال بصح الحسد مرض ربي يشافيهم منو وكي يطيحو مع عرايس قباح يولو يشكو منهم يا ختي احتسبيها عند ربي بصح ماتخليهاش تجاوز حدودها معاك يعني نتيا ماترجعيلهاش بصح بيعي بيها اذا ماشي لراجلك لاهلك لراجلها للامام المهم نتي ماتجاوبيهاش بصح ديري قيمة لروحك ممنوع منعا باتا ترخسك وهاديك حكاية تاع كي يماك لالا اسمحولي الام وحدة ماتتعاودش مانبقاوش نكذبو على بعضانا يما اذا مضغتني ماتبلعنيش يما اذا سبتني راح تراضيني بحاجة وحدوخرا اييييييه نحملها من عند ماما ومانحملهاش من عند عجوزتي خاطر انا ماما تسبني بصح ولا مرة في حياتها سبت مرت خويا "القدر مليح" هذا بالنسبة لعجوزتك بالنسبة لراجلك هذاك هو الصح احسني عونو الضغط اللي راهو فيه واذا حسبتيه راح يحس بيك راكي في مسلسل انا فقت روطار بلي الراجل يبات يشعر بصح غير يطيح في مشكل يجبد بيك الحصيرة ونتي قصر الاحلام كامل تشوفيه يريب فارس الاحلام ماكاش رانا مجتمع اناني الرجال تاع الصح ماكاش كاين غير لي يحوس على صلاحو مالا مانقولكش شدي مشوارة وابكي خاطر راجلك ماتهلاش فيك شدي السجادة واشكي لربي وابكيلو غير ليه واحتسبي احلامك عند ربي قيمتك ماشي راجل لي يديرهالك اتهلاي نتي في روحك واتهلاي في لي في كرشك واتهلاي في راجلك لوجه الله ماشي لوجهو واعطيه قيس قيس يعني كيلو حب تديه رجعيه كيلو ماتمرضيش روحك ونتي فهاد الحمل تكوني سونسيبل ماتخليش الشيطان يغلبك الله ابارك راح تولي ام مسؤولة لازم تكبري عقلك باش تكبر قيمتك وراجلك ازعفي معليه بصح بينك وبين روحك ماتديريلو حتى قيمة هو اللي يديرها لروحو

[naamane3]

اذكار الصباح والمساء
تقلب الحمات من عدوة الى صديقة

[ام عبد الله01]

انصحك لو جه الله لا تهجري بيت الزوجية لاي سبب اختي كي لا تندمي لا حقا

لي صديقة صرالها كيما انت مع حماتها كره زوجها من المشاكل و قالها روحي لداركم ريحي من ثم مازادش سال عليها و بعد فترة بعثلها ورقة الطلاق و هي عندها ابنة

وقت صعيب اختي و مهما كانت حماتك قبيحة عامليها بالتي هي احسن لوجه الله و عليك بالدعاء فالدعاء يغير القدر

يسر الله امرك الى ما يحبه و يرضاه

[محبّة الخير]

كاين ناس ما يرحمو ما يخلو رحمة ربي تنزل وبالنسبة للعجوزة لي راكي معاها الله يهديها ولا يديها انا اختي ماتت مع وليدها بسبب الزعاف لي ركباتولها عجوزتها و حماتاتها لقاوها عاقلة وما تهدرش و يتيمة الظلم ظلمات يوم القيامة الله يفرج عليك

[lydiareve]

شكون هدا لي تبغيه وتموتي فيه