اعضاء المنتدى المخضرمين نحتاجكم هنا

[sawsanafleur]

موضوع مميز يرجعنا للوراء لايام الطفولة التي لا تنسى....كانت دشرتنا مثل اغلب المداشر شبكة الانابيب والحنفيات موجودة ولكن الماء كان يزورنا مثل الحلم .......بعد رجوعنا من المدرسة نجد البيادن تنتظرنا لنبدا بعد ذلك رحلة الذهاب والاياب الى بئربمضخة يملكها احد المستثمرين الفلاحيين......كنا نتسابق من يملا اكبر قدر من الماء ...لم تكن الظروف سهلة علينا ولكن الشئ الذي اذكره جيدا اننا كنا سعداء ولم تكن الابتسامة تفارق شفاهنا ......الان تيسرت الحياة كثيرا ولكن...........

[*سندوسة*]

المشاركة الأصلية كتبت بواسطة sawsanafleur

موضوع مميز يرجعنا للوراء لايام الطفولة التي لا تنسى....كانت دشرتنا مثل اغلب المداشر شبكة الانابيب والحنفيات موجودة ولكن الماء كان يزورنا مثل الحلم .......بعد رجوعنا من المدرسة نجد البيادن تنتظرنا لنبدا بعد ذلك رحلة الذهاب والاياب الى بئربمضخة يملكها احد المستثمرين الفلاحيين......كنا نتسابق من يملا اكبر قدر من الماء ...لم تكن الظروف سهلة علينا ولكن الشئ الذي اذكره جيدا اننا كنا سعداء ولم تكن الابتسامة تفارق شفاهنا ......الان تيسرت الحياة كثيرا ولكن...........

اهلا اختي
واعرة شوية كي تجو مالقراية نيشان للاعمال الشاقة نظن كاين لي كانو يقولوله حتى تسقي لما مراهش كاين فدار عاد تجي تاكل هههه

ربي يجيب لخير اختي ويرجع ابتسامة زمان

[*سندوسة*]

المشاركة الأصلية كتبت بواسطة ماريـام

كنا نروحو نعمرو من العيون عند الناس لانو منطقتها عالية شوية و مرات ميوصلش الماء

نذكر مرة كانو خاوتي صغار بزاف و امي مكانتش تستعمل ليكوش في التربية تاعنا كانت تجيب قماش و تغسلو
في مرة من المرات عمرت باسينة ماء سخون و حطت الشطايط القماش في الباسينة

المهم نسات العين مفتوحة اصلا كانت تخرخر يعني مافيهاش الماء و خلات انبوب تاع الماء طويل في الباسينة

راحت تخدم شغلها كي ولات لقات الباسينة تسلتت ههههههههههههههه الماء تبخر اكيد ناس بالموتورات سحبو الماء تاع الشطايط يع يع يع هههههههههههههههههههه

اما الطوايش درنا بزاف طوايش بالبيادن تاع الماء في صغرنا

والله قتلتيني بالضحك وعيفتيني مزيا راني متعشية ههه

ماسمعتوش بعدها عن حالة تسمم فالقرية ههه امزح فقط

نورتي الموضوع مشكورة

[نارينا]

كان حينها الماء متوفر في مدينتي لكن الشيء الوحيد الذي يؤلمني هو ان الوالدة رحمها الله

كانت تعطيني كل بوادين الماء الفارغين ومهمتي على الصباح كي تجي العين هي نعمرهم

مهمة قاسية ونفرح اليوم اللي تروح فيه العين ...يعني مانزقيش الماء خلاصصصص

[*سندوسة*]

المشاركة الأصلية كتبت بواسطة نارينا

كان حينها الماء متوفر في مدينتي لكن الشيء الوحيد الذي يؤلمني هو ان الوالدة رحمها الله

كانت تعطيني كل بوادين الماء الفارغين ومهمتي على الصباح كي تجي العين هي نعمرهم

مهمة قاسية ونفرح اليوم اللي تروح فيه العين ...يعني مانزقيش الماء خلاصصصص

ربي يرحمها ويوسع عليها

ياختي نارينا غير تروحي تسقي خير
ولا ماتلقيش شوية ما حتى باش تغسلي يديك شكون خير اكيد تروحي تسقي
الحمد لله لي فاتت على خير

[ghecham mohamed]

فكرتيني في الايام الزينة
واحد النهار رحنا نسقو في الماء جيت نقطع الطريق كي القافز
خبطني طوموبيل ستر الله ما صرالي والو هزوني للسبيطار دارولي بلاط خفيف
و طلقوني و المشكل الطوموبيل تاع واحد عريس مسكين غاضني عاش لحظات رعب أليمة
هههههههههههههههههههههه

[*سندوسة*]

المشاركة الأصلية كتبت بواسطة ghecham mohamed

فكرتيني في الايام الزينة
واحد النهار رحنا نسقو في الماء جيت نقطع الطريق كي القافز
خبطني طوموبيل ستر الله ما صرالي والو هزوني للسبيطار دارولي بلاط خفيف
و طلقوني و المشكل الطوموبيل تاع واحد عريس مسكين غاضني عاش لحظات رعب أليمة
هههههههههههههههههههههه

اهلا اخي
والله ضحكتني الحمد لله لي ربي ستر
ونتا علاه جيت في طريق هذاك لعريس مسكين هههه

شكرا لمرورك بالموضوع اخي وليس لمرورك بالطريق هه امزح فقط

[عبد الرؤوف24]

السلام عليكم
دكرتينى ايام زمان كنا صغار كل حومة مدايرة قريق تاعها كنا نروحو تلعبو ومن بعد ينقلب الامر الى حرب وكان هناك اربيتر بزافرة تاع 5دناننير والفريق الخاسر يسلك قارورت مشروبات للاخر
أيام لاتنسى

[*سندوسة*]

المشاركة الأصلية كتبت بواسطة عبد الرؤوف24

السلام عليكم
دكرتينى ايام زمان كنا صغار كل حومة مدايرة قريق تاعها كنا نروحو تلعبو ومن بعد ينقلب الامر الى حرب وكان هناك اربيتر بزافرة تاع 5دناننير والفريق الخاسر يسلك قارورت مشروبات للاخر
أيام لاتنسى

وعليكم السلام ورحمة الله وبركاته


هههه كثيرا ماتحول اللعب الى حروب وتستعمل مختلف الاسلحة ههه منها التراشق بالحجارة ولا يخفى عليا وجود جواسيس
فكرتني كي كنت صغيرة كنت فالحومة رئيسة العصابة والضيف لي يدخل جديد للحومة المرة الاولى نعطوه الامان ونطلبو صداقته ويلا مابغاش نقلبوهاله غربة ههه ونديرو فيه لعجب


ولو تكرمت اخي الكلمة لي لونتهالك مافهمتهاش

[eBusiness]

موضوع جميل، بارك الله فيك يا بنت الأكابر

[*سندوسة*]

المشاركة الأصلية كتبت بواسطة eBusiness

موضوع جميل، بارك الله فيك يا بنت الأكابر

مرورك هو الاجمل اخي
وفيك بارك الرحمن
وين راهي مغامراتك مع سقي لما يامخضرم ولا راك حشمان غير قول ولا نتا ماسقيتش

[eBusiness]

المشاركة الأصلية كتبت بواسطة سندوسة يسمين";3993222256][B][I][FONT="Arial

مرورك هو الاجمل اخي
وفيك بارك الرحمن
وين راهي مغامراتك مع سقي لما يامخضرم ولا راك حشمان غير قول ولا نتا ماسقيتش [/FONT][/I][/B]

وردك هو الأروع يا بنت الأكابر
لا، لست حشمان ولكن بسبب تنقلاتي هذه الأيام نال مني التعب ولم أجد البارحة إلا أن أرد بإيجاز
أما عن السقي صدقا لم يكن لدينا مشكل مع الماء لأنني سكنت بلاد الما والهوا كما يقولون وحاليا لا أرى مشكلة ماء في العاصمة مثلا فالحنفية تسيل على مدار السنة والحمد لله لكن أكيد كان هناك مناطق فيها مشاكل كبيرة بخصوص الماء فمثلا حينما كنت أزور وهران في وقت مضى كانت المدينة تعاني من نقص المياه لكن الان المشكل حل والحمد لله... كم كنت أكره أن أحمل كل تلك البراميل وأصعد بها أدراج العمارة
أما عن إستخدام الماء لسقي البساتين (يعني الحمد لله الماء كاين بواف عندنا حتى أننل نسقي به الحقول)، كان عمي الصغير مهووس بلعبة الدومينو وحينما يكون يسقي البستان مع أبي رحمه الله عندما تقطع الساقية كان يأمره أبي بأن يتبع الساقية حتى يجد المكان الذي قطعت فيه فكان عمي الصغير يصعد مباشرة إلى المقهى للعب الدومينو بدل متابعة الساقية هههههه فكم من مرة أخرجه أبي رحمة الله عليه ماسكا إياه من أدنه من المقهى ههههههه

[*سندوسة*]

المشاركة الأصلية كتبت بواسطة eBusiness

وردك هو الأروع يا بنت الأكابر
لا، لست حشمان ولكن بسبب تنقلاتي هذه الأيام نال مني التعب ولم أجد البارحة إلا أن أرد بإيجاز
أما عن السقي صدقا لم يكن لدينا مشكل مع الماء لأنني سكنت بلاد الما والهوا كما يقولون وحاليا لا أرى مشكلة ماء في العاصمة مثلا فالحنفية تسيل على مدار السنة والحمد لله لكن أكيد كان هناك مناطق فيها مشاكل كبيرة بخصوص الماء فمثلا حينما كنت أزور وهران في وقت مضى كانت المدينة تعاني من نقص المياه لكن الان المشكل حل والحمد لله... كم كنت أكره أن أحمل كل تلك البراميل وأصعد بها أدراج العمارة
أما عن إستخدام الماء لسقي البساتين (يعني الحمد لله الماء كاين بواف عندنا حتى أننل نسقي به الحقول)، كان عمي الصغير مهووس بلعبة الدومينو وحينما يكون يسقي البستان مع أبي رحمه الله عندما تقطع الساقية كان يأمره أبي بأن يتبع الساقية حتى يجد المكان الذي قطعت فيه فكان عمي الصغير يصعد مباشرة إلى المقهى للعب الدومينو بدل متابعة الساقية هههههه فكم من مرة أخرجه أبي رحمة الله عليه ماسكا إياه من أدنه من المقهى ههههههه

ربي معاك اخي والله يسهل امورك

الله يبارك على بلادكم
حمل الاثقال وصعود السلالم ههه صعيبة بززاف

رحمة الله على الوالد الكريم
عمك مسكين عنده ماتعذب في لعبة دومينو كي يحلى اللعب يقطعوهله

[toulay]

سلام عليكم

فالمكان لنسكن فيه كانت العين طول باش تجي ايا انا كنت نروح نعمر في واحد العين يجو فيها محسوب الناس كامل تاع لبلاصة تاعنا ولا خطرات كنت نروح لدارهم لصحبتي نعمر لخاطرش هوما كانت توصلهم العين لانهم هابطين وحنا دارنا جاية في طلعة
والان صح العين متجيناش كل يوم بصح الحمد الله

شكرا على الموضوع

[*سندوسة*]

المشاركة الأصلية كتبت بواسطة toulay

سلام عليكم

فالمكان لنسكن فيه كانت العين طول باش تجي ايا انا كنت نروح نعمر في واحد العين يجو فيها محسوب الناس كامل تاع لبلاصة تاعنا ولا خطرات كنت نروح لدارهم لصحبتي نعمر لخاطرش هوما كانت توصلهم العين لانهم هابطين وحنا دارنا جاية في طلعة
والان صح العين متجيناش كل يوم بصح الحمد الله

شكرا على الموضوع

وعليكم السلام ورحمة الله وبركاته
العفو اختي

الحمد لله خرجتو بأقل خسائر ههه
والله انا لحاجة لي تغيضني لي يلبسو هادو فعز البرد ويروحو يسقيو

خصوصا الجنس اللطيف