دخول اهل الزوج بيتي في غيابي

[annayiz]

انا مع راي الاخت الالماسة عندها الحق

[sinner]

السؤال لي يطرح نفسو علاه يجو ينظفو دارك في غيابك علاه ماينظفوش معاك يعني تتعاونو انا نقبل انهم يجو ورايا معليهش تصادف المرا تكون مش في الدار واهلها يجوها عادي وتبقى دار بنهم بصح ينظفو داري وانا مش حاظرة مانقبلهاش .....انا دارانا لي هم دارنا مانتقبلش ينظفوها وانا مش حاظرة
واش نقولك اختي اصبري وماتربحيش العيب

[نوشكا]

انا كي تزوجت جديدة عانيت من هاد المشكل. انا خدامة وراجلي يجيب امه للدار وانا في الخدمة و المشكل مايقولوليش انا اكتشفت بالصدفة ان امه تاتي في غيابي لداري. انا رفضت و قلتهالو في وجهو علاه يماه تجي كي نكون غايبة و تزيد يخبيو عليا هاد الزيارة. قلتلو كي نكون في داري تجي مرحبا بيها نحطها فوق راسي بصح كي نكون نخدم علاه تجي .خاصة وانه ولدها اي راجلي يزورها يوميا. غضبوا مني غضب شديد وقاطعوني اهل زوجي بعض الاشهر مباعد تقبلوا الموضوع. وعادت تجي كي نكون انا حاضرة. لانه ما كانش حتى مبرر يخليها تجي في غيابي.وزيد تخبي عليا.انا خدامة والبيوت اسرار.كيما انا تاني مانقدرش نرةح لدارها في غيابها. انصحوني راني غالطة

[أماني بلعلى]

السلام عليكم
مناش تخافي صكري باب الغرفة ، ونصيحة من عندي متخليش فرصة باش يدخلو موراك وافهميها كيما تحبي باش متزعفي وديري الثقة في روحك وخليهم يديرو واش يحبوا ، جهزي بيتك قبل ما تخليه نظفيه مليح وصكري التواقي مليح ( كارتونيهم) باش ما تدخلش الغبرة صكري الأبواب مليح من تحت بقطع القماش المبلولة بالمبيدات الحشؤية كشما يدخلك ، ديري لصقات نتاع الفئران باش يتحكم كي يدخل وميخربلكش لحوايج سورتو الفراش ، أمبالي الفراش مليح ، وكي تجي لدارك ان شاء الله تلقاي كلش ساهل تكبي الماء على جال باش تروح الغبرة برك ومرة زوج يصيبو الدار لاباس عليها يعودو ميجيوش وكلش كلش ديري الثقة في روحك في روحك في روحك ... ودايمن الكلمة الطيبة كي تشوفيهم والله يعطيكم الصحة تعبتكم معايا دايما مشقيتكم ربي يبارك فيكم ......... الثقة الثقة .... متزعفيش من كلامي على خاطر نفس القصة صراتلي يقولي راجلي ومبعد علاه راه الدود يصب .... وأنا نقولو منحبش نشقيهم و نحسهم يتمزاو يعني يمنيو بزاف رانا درنا وطاطاطاطا ... كنت نحس بلي راهم ينتاهزو أي فرصة باش يبلتكوا من ورائي ولكن بالشوية ربيت الثقة في روحي و خلي يديرو واش يحبو.......
عذرا على التدخل

[BOUCHAIRKAMILIA]

[size="7"]اختي بما انك طرحتي الموضوع للنقاش فانت تدركين ان الامر غير عادي وغير مقبول . فبماان لديك بيتا مستقلا فالامر مختلف .عن حالة الاخوات اللئ يسكن مع اهل ازواجهن اما انت فلك منزل مستقل .فمرحبا باهل الزوج ولكن بعد الاستاذان ولوكان لمساعدتك وبنية حسنة توجب اعلامك وحضورك اولا ولو بحجة المساعدة والا فهذا تطفل وتدخل في امورك الخاصة ويجب ان يعلم زوجك ان هذه امور خاصة بالنساء حتى لا يتدخل . واعلمي اختي ان البيوت اسرار والعائلات لا تتشابه هناك من تعرف الاصول وهناك من يجب ان تتعلمها ./size]

[يسمينة البجائية]

يا اختي تقدري تخلي باب البيت مفتوح . و خليهم يدخلو بصح تخلي باب الخزانة و البلاكار مفتوح ؟ فيه كيلوتات نتاعك و نتاع راجلك و دراهمو و حوايجو الشخصية .

اجمعي كلش داخل الخزانة و البلاكار و خلي غير الحوايج لكبار مثل التلفاز و الكانابي و الزرابي و خلاص

[مومي23]

صراحة تصرف خاطئ
ادا كان زوجك موجود و ياتون للزيارة و لا يجدوك ليست مشكلة
اما يتصرفون في البيت من ورائك هدا خط و يصحح بالتي هي احسن

[Basketteuse]

يا اختي ، صراحة حيرتيني ! ما هذا الحب الكبير اللي خلاهم يجيو ينظفولك الدار وانت غايبة؟!!!!! وزيد يلمسولك امورك الخاصة ! ٠؟وزيد عندهم مفتاح دارك؟!!!!!!!!
ماقلتيلناش علاقتك معاهم كيفاش؟ ك حل ماعندك ماتديري مادام راجلك موافق، اصبري والجئي الى الله ، وداومي على أدعية الصباح والمساء
وقولي دائما بِسْم الله الذي لا يضر مع اسمه شيء في الارض ولا في السماء وهو السميع العليم

[بنت فاميليا]

وماذا عن اهلك أنت لو دخلوا بيتك بحجة التنظيف في غياااااااااااااابك ؟؟؟؟؟؟؟؟؟؟؟؟ أتمنى أن تجيبي على هذا السؤال

[ام نهوله]

المشاركة الأصلية كتبت بواسطة بنت فاميليا

وماذا عن اهلك أنت لو دخلوا بيتك بحجة التنظيف في غياااااااااااااابك ؟؟؟؟؟؟؟؟؟؟؟؟ أتمنى أن تجيبي على هذا السؤال

انا مع سؤال الاخت ليس بدافع الاستفزاز و لكن جوابك على هذا السؤال مهم بالنسبة لك كما نود ان نعرف كيف هي علاقتك معهم لان الامر ليس مفهوم تماما هناك امر غائب لا ادري ما هو
اما حبيبتي السطايفية فوالله لم انصح ابدا بامر انا لست فاعلته فانا اخرج و اترك كل ابوابي مفتوحة بما فيها خزانتي و كل مجوهراتي و مال زوجي و لم احس يوما بالخوف او الاحراج لانني اثق فيهم ثقة عمياء لكن عائلة عن عائلة تختلف طبعا

[staifia]

يااختي عندك الحق مش عقلية يدخلوا بيتك في غيابك هادي مش تربيةغرفتك خاصة بيك والمفروض مايدخلوش ويفتشوا في اغراضك. الخاصة

واللي راهم يقولوا نورمال علاش ماتكونوش واقعيين. علاش تقبلوها على روحكم ??? والله ماتقبلوها

[بنت فاميليا]

المشاركة الأصلية كتبت بواسطة staifia

يااختي عندك الحق مش عقلية يدخلوا بيتك في غيابك هادي مش تربيةغرفتك خاصة بيك والمفروض مايدخلوش ويفتشوا في اغراضك. الخاصة

واللي راهم يقولوا نورمال علاش ماتكونوش واقعيين. علاش تقبلوها على روحكم ??? والله ماتقبلوها

يا اختي السطايفية واش من حق راكي تهدري عليه ..........العائلات يختلفو
نسألك لو كنت في بيت أهل زوجك ولما يخرجو يغلقو جميع أبواب الغرف عليك ما عدا الحمام تزعفي ولا واش تديري وأكيد رايحة تحسي بلي ماكانش ثقة منهم فيك وتكبري الحالة ووووو
أما لما ديرها الزوجة فنورماااااااااااال عادي ....يا بنتي كيفاش راكم تحكمو
عندي زوجة أخي وهي ما شي زوجة أخ بل أخت بسبب تصرفاتها لي سحرتنا بيها وخلاتنا نحبوها فوق اللازم ماشاء الله تبارك الله عليها
ومن بينها هاذ الأمر علاش دايمن تبداو بالحيلة وتقراو النقص في أهل الزوج الأصل هي المعاملة بحسن النية والإستثناء هو التحرز
نكون معاك إذا كانو ما عندهمش حدود ويتعداو ووووو

[staifia]

المشاركة الأصلية كتبت بواسطة ام نهوله

انا مع سؤال الاخت ليس بدافع الاستفزاز و لكن جوابك على هذا السؤال مهم بالنسبة لك كما نود ان نعرف كيف هي علاقتك معهم لان الامر ليس مفهوم تماما هناك امر غائب لا ادري ما هو
اما حبيبتي السطايفية فوالله لم انصح ابدا بامر انا لست فاعلته فانا اخرج و اترك كل ابوابي مفتوحة بما فيها خزانتي و كل مجوهراتي و مال زوجي و لم احس يوما بالخوف او الاحراج لانني اثق فيهم ثقة عمياء لكن عائلة عن عائلة تختلف طبعا

المشاركة الأصلية كتبت بواسطة بنت فاميليا

يا اختي السطايفية واش من حق راكي تهدري عليه ..........العائلات يختلفو
نسألك لو كنت في بيت أهل زوجك ولما يخرجو يغلقو جميع أبواب الغرف عليك ما عدا الحمام تزعفي ولا واش تديري وأكيد رايحة تحسي بلي ماكانش ثقة منهم فيك وتكبري الحالة ووووو
أما لما ديرها الزوجة فنورماااااااااااال عادي ....يا بنتي كيفاش راكم تحكمو
عندي زوجة أخي وهي ما شي زوجة أخ بل أخت بسبب تصرفاتها لي سحرتنا بيها وخلاتنا نحبوها فوق اللازم ماشاء الله تبارك الله عليها
ومن بينها هاذ الأمر علاش دايمن تبداو بالحيلة وتقراو النقص في أهل الزوج الأصل هي المعاملة بحسن النية والإستثناء هو التحرز
نكون معاك إذا كانو ما عندهمش حدود ويتعداو ووووو

سلام
يا ام نهولة و بنت فاميليا
هي راهي تقول يفتشو في اغراضي الخاصة هذا شي معقول ؟؟؟ احنا كبنات انتي او انا او وحدة اخرى حتى ومش متزوجات وفي دارنا يعني دار اهلنا
لوكان يفتشو في اغراضك الخاصة تتقلقي فما بالك في بيت اهل زوجك وهي راهي تقول بيت مستقل يعني حتى في غيابها تقدر تسكر باب غرفتها وتخلي الغرف الاخرين مفتوحين ،،، كي يكونو ناس متفهمين و واعيين ما يفتشوش في اغراضها مافيها والو لكن اذا العكس هادي مش عقلية يا ختي
كاين ناس من ناس وعلى حساب العقلية ،،
ترضاي انتي يفتشو خزانتك ؟؟ يشوفو وش كاين كامل ؟؟ او ربما حتى يقدروا يدو كاش حوايج او يديرولك كاش حاجة مش مليحة
رانا شفنا بزاف المليح واللي مش مليح والله وحدة نعرفها غير كانت تخلي غرفتها مفتوحة كي تروح عند اهلها وكي ترجع تلقا حوايجها مكانش وناقصين
كيفاش في هاذي الحالة ماتسكريش بابك ؟؟؟
لكن اذا يقولها راجلها خليه مفتوح ماعندها مادير ، وكي تروح عند اهلها تدي ذهبها ودراهمها وحواجها وخلاص
نتمنى تكونوا فهمتوني
انا عن النية و النقص لالا مش هكا نهار تعيش مع اهل الزوج تعرفي العقلية ،، اذا ملاح هكداك خير وادا مش ملاح لازملهم حدووود

[*سيرين نور عيني *]

شوفي حنونة انا لوكان منك نغلق داري و مانخلي حتى واحد يدخل انا هكدا ندير
المفتاح غير انا و راجلي لي عندنا و كي مانكونوش ف الدار نغلقو و نروحو
و كيفاش هادا يسقمو حوايج راجلك?? و يدخلو للشومبرة ديالك
لالا يا حنونة ماتديريش لامان اغلقي بابك و لا ماقدرتيش ديري اغراضك و اغراض زوجك الخاصة ف الغرفة و اغلقي عليها بالمفتاح و خليلهم الدار
هدا اذا ماحبش راجلك تقفلي كامل الدار هادا حقك و ماتسمعيش لي يقولك نورمال
مالا علاش دارلك دارك وحدك??
كل واحد يديرها في روحو و يشوف

[روح مراد]

أنا عندي بيت مستقل و لكن في نفس البيت الكبير طابق لوحدي العجوزة عندها المفتاح
أنا نغلق باب بيتي ديما و نخليلها الدار تدخل كيما تحب ، طيب، تاكل ، دوش .... حرة و عائلتها كامل يدخلو لداري في غيابي و في حضوري واحد ما يجي و لكن أنا نغلق بيتي و الباقي و الله ما ندخل روحي صح ماشي مليح خاصة الوحدة كي تكون خدامة و تخرج صباح، مرات راجلي يخلي حوايجو في صالدوبان أو الصالون، و مرات نخلي الكوزينة ماشي ممسوحة ... و لكن الله غالب ما نقدرش نمنعها من الدخول