اكاد انهار 2

[ابو ارسلان]

قصة الاخت الكريمة نبهتنا على قضية مهمة في تربية الاطفال
هذه الحوادث موجودة في مجتمعنا و تحدث باستمرار لكن يتم غمها و دفنها بينما تبقى الضحية تتالم
على الوالدين رعاية ابنائهم رعاية حقيقية و يكونوا يقظين خاصة عندما يكون الاطفال في عائلة كبيرة
1. عدم ترك الطفل او البنت يلعب مع اطفال اكبر منه سنا
2. ملاحظة موقف و تصرف الطفل من اقاربه الرجال فان كان هناك خوف او ارتباك فلا بد من معرفة السبب
3. احيانا تترك ام ابنتها او ابنها الصغير عند بيت جده او جدته او عند الجيران فيكون غياب الوالدين فرصة لحدوث مثل هذها لمشاكل
4. و هناك امر كثيرا ما نراه و هو اللباس المثير الذي تلبسه الامهات لبناتهن و هن صغيرات سراويل ضيقة او مينيجيب ظنا منهن انه يجعل بناتهن جميلات ولا يعلمون ان هناك ذئاب بشرية تلتهم الصغير قبل الكبير.
5. تأنيب الصغار و ان وجب معاقبتهم على التساهل في التعامل مع الغرباء
6. يجب على الوالدين محاورة ابنائهم و استدراجهم لمعرفة ما اذا كانوا يتعرضون لمشاكل سواء في البيت او المدرسة او الشارع

[ZAHRA NADIA]

حسبي الله ونعم الوكيل اختي عليك باللجوء الى القران فانه راحة للنفوس و ندعيلك الله ان شاء تتجاوزي هذه الازمة واذا لزم عليك الحال ننصحك تشوفي طبيب نفساني لانه خسارة فتاة بالمستوى نتاعك تخسر حلاوة الحياة على خاطر واحد نذل ونتمنالك الخير في حياتم اختي.

[nesrinwarda]

السلام عليكم
في الحقيقة أن كل لي ردو كانو نساء الا الأخ naaman3 ، كنت حابة نشوف اراء الإخوة الرجال و هذا لأن الموضوع يحتاج إلى حزم و هكذا تقدر تعرف صاحبة الموضوع ردة فعل والدها و إخوتها و ممكن توعوها بأشياء أخرى.
و الله أعلم

[basma 31]

انتي ماكيش وحدة معقدة بالعكس انتي وحدة طقتي تتقبلي مشكل كبير صرالك في حياتك و الدليل انك جيت و كتبتي الموضوع باش الناس تشاركك في الالم تاعك وبالنسبة لهداك الانسان الجاهل راهو ظلمك بلا سبا و نسا بلي دار دنب اللي يمحيلو اي حسنة في حياتو ... ربي حرم الظلم على نفسو علاداك ختي عيشي حياتك و نساي هاد المشكل لانو حاجة كانت فوق الجهد نتاعك و مادام كاين ربي متخميش كاين اختو ولا بنتو ولا اي واحد عزيز عليه و يصرالو الشي اللي صرا معاك
شدي في ربي و عيشي حياتك و هداك الرخيس قاع مديريلوش حساب
ربي يوفقك فيما يحبه و يرضاه

[سفير الأيام]

نقولك الصح والله غير gـــــــــــلعتي مني النص


حكايتك صرات لبزااااااااااااااااااااف عباد ............ بصح واش نقولك قوي قلبك وخرجي من ازمتك واللي تقدر عليك ما هو بيديك وخرته ربي يعوضك كل لحظة الم عشتيها


اختي ....... هدا العبد في الاحق حيوان اللي كيفه لازم له الموت وادا كنت تشوفيه كل يوم لازم تلقي حل

يماك هي الاقرب ليك صرحي لها واش في قلبك غادي تفهمك ما تخافيش وحتى هي تاخد حدرها منه

[نورالهدى بيولوجيست]

حاولي تنساي اختي و نوصيك ماتحكي لحتى واحد شيئ كما هذا حتى امك اذا ماكانتش قوية بما يكفي ماتحكيلهاش ربما تنهار

اللي ننصحك بيها انو دائما مثلا قبل صلاة الفجر او وراء صلاة المغرب زيدي ركعتين اشكي فيهم للمولى العالي سبحانه و تعالى و صكري على روحك دار و احكي احكي اللي حابة تقوليها و فشي قلبك مرة بعد مرة والله ترتاحي و يزول عليك الهم

نوصيك بحاجة اخرى مادامك عاملة ماتنسايش الصدقااااااااات مدي الدراهم لأي واحد محتاجك سلكي ديون اي واحد مش قادر دخلي الفرحة في قلوب الناس المحتاجين و والله والله كل همك يزول و تتغيري للأحسن و ماتنسايش الاستغفاااااار دااااايما

مانيش ننصح فيك من راسي و لا سامعة هاذي راني مجربتها و ناجحة معايا 100000% في كل اموري الصغيرة منها و الكبيرة

فرج الله كربك اختي