اريد ان اصبح شريرة

[كتائب القسام]

يا أختي أصبحي شريرة اذا كان يريحك لكن متأكد أنك لن تستطعين فعل ذلك انت طبعت على اللين والخير والمحبة ....لكن وسطك لن يظل هكذا تأكدي أنك سوف تربحيييييييين في النهاية

[نجود اكرام]

السلام عليكم
أختي حبيت نقولك ماتقدريش تتبدلي لأنك تربيتي على الطيبة أنا أيضا كنت نعاني من نفس المشكل كي دخلت للخدمة ما قدرتش نتأقلم تماما معهم عانيت وقت كبير و الحمد لله تحولت من هذا العمل لمكان آخر بالصح الحاجة اللي تعلمتها الصبر على اللي يأذيك مهما يديرولك يجي الوقت اللي يعرفوك و يعرفوا عقليتك و طيبتك و حاولي تسكتي عليهم لأنوا كي تتعاركي معاهم ولا ترديلهم رايحة تفسد العلاقة بيناتكم نقصد من هذا تعاملي بأخلاقك لا بأخلاقهم و اللي يدير الشينة ترجعلوا غير هو هذا ماكان أبقاي كيما راكي طيبة

[hodahodahoda]

هده صفة رائعة تتمتعين بها و انصحك ان لا تتنازلي عنها
حسن الظن بالناس امر رائع
لكن الالنسان يرد بالو
و ما يمشيش بلا ما يعمل حساب
اي الواحدة منا يجب ان تخالط بخلق لكن تحسب لكل شيى و تفكر قبل ما تخطو اي خطوة

[ضفاف الإبداع]

السلام عليكم انا وانت سنكون صديقتان نفس صفاتك اتصف بها ولهذا اعتزلت الناس والعائلة فقط للمناسبات اين يكون الكلام قليل ومحدد فقط عن الاحوال. مواضيع عامة وابحث فقط عن الذين يتصفون بهذه الصفات ابقي يا اختي كماانت فقط اعلمي ان الله معك

[رقيه الحضنه]

المشاركة الأصلية كتبت بواسطة مشكلتي

السلام عليكم

مشكلتي أني عاقلة بزاف ونية كيما يقولولي الناس كامل

مانقدرش نتعارك مع حتى واحد ومشكلتي أني نهدر مع الناس بنيتي ومانقراش الشر فيهم

كون تجي وحدة تهدر معايا منتعاملش معاها بالحيلة حتى لو كانت شريرة

مانقدرش نقيس العباد بالهدرة والمعاني كيما يديرو الناس

راهي مشكلة راني نعاني بزاف حياتي دمرت صراولي مشاكل ومقدرتش حتى ندافع على روحي

نخاف كون نجرح الناس لوخرين بالهدرة كيم جرحوني

متربيتش على الشر والحيلة والتبلعيط نحبك نحبك ونكرهك نكرهك

بصح راني طحت مع عباد يضحكو في وجهك ويضربوك في ضهرك هذي مقدرتلهاش

وضرتني بزاف راني

راني نخمم غير في حاجة وحدة علاش انا ماشي كيم هوما علاش راني نية بزاف

واش لازم ندير كرهت منهم يقولو مسكينة نية وناس ملاح

وزيد أم خطيبي واااعرة بزاف خايفة كي نزوج ياكلولي راسي ومانقدر ندير والو

حتى كي نتعامل معاه البنات يقولولي ماتحكيلوش كلش وانا مانقدرش

نحكي معاه بنيتي ومانقدرش نتعامل معاه بالحيلة كيم يديرو البنات

راني حابة نولي شريرة كرهت من روحي عاقلة قولولي انا غالطة ولا واش ندير

راني غارقة فالمشاكل مع وحد العباد وخطيبي راهو يعلمني واش ندير واش نهدر باش ندافع على روحي بصح

ماقدرتش

اسفة راني طولت بصح عاونوني بكلمة الله يستركم

في كلمه واحده احذري من السقوط في مخالب الاشرار وابتعدي ابتعدي ابتعدي عنهمممم