عْرُوسَة. رَغْمَ سَوَادْ لَوْنهَا بَنَّتْهَا رَفْعَتْ من قِيمَتْهَا - الصفحة 2

ام سوهيل · 2015-01-30, 13:10

مشاء الله عليك غزولة راكي شاطرة يعطيك الصحة وكراهم اولادك ان شاء الله لباس

idron0 · 2015-01-30, 19:30

الله يبارك ويعطيك الصحة يا اختي

أفنان · 2015-01-30, 20:19

من عنوانها حطيتك رايحا تكتبي شعر ........هههههههه

بصح كي دخلت الموضوع وجدت كعكة رائعة وشهية

بارك الله فيك

غزالة الصّحراء · 2015-01-30, 21:21

اقتباس:

المشاركة الأصلية كتبت بواسطة ام سوهيل

مشاء الله عليك غزولة راكي شاطرة يعطيك الصحة وكراهم اولادك ان شاء الله لباس

أهلا بيك يالغاليّة أم سوهيل. واش راكي ؟ ياربّ أتكوني أنت والعائلة بألف خير. يعطيك الصحّة على الرّد المشجّع. أولادي راهم بخير. اللّه يعطيك ألف عافيّة لسؤالك عنهم.

غزالة الصّحراء · 2015-01-30, 21:22

اقتباس:

المشاركة الأصلية كتبت بواسطة idron0

الله يبارك ويعطيك الصحة يا اختي

نوّرتي الصّفحة أختي idron مشكورة ألف شكّر على الرّد المشجّع.

غزالة الصّحراء · 2015-01-30, 21:25

اقتباس:

المشاركة الأصلية كتبت بواسطة أفنان

من عنوانها حطيتك رايحا تكتبي شعر ........هههههههه

بصح كي دخلت الموضوع وجدت كعكة رائعة وشهية

بارك الله فيك

أهلين وسهلين ، نورتي الموضوع. عندك الحّق. حطيت هذا العنوان باش نخرجوا عن المَأْلُوف. ولمّاتدخل أيّة وحدة تستفيد. وردّك كان أروع . تسلميلي حبيبتي.
بما أنّك اتكلمتي عن الشّعر . شوفي الرّد ألي أبعثتوا إلى صفحة الأخت أم حمزة22 في ركن الطّبخ.. وأكيد اروع من الشّعر
هاهو رابط الصّفحة.
https://www.djelfa.info/vb/showthread.php?t=1670897

صباح الخير عليكم كامل يالبنات أنا ثاني قلت نضرب طلّة ونروح أنكمل اشغالاتي . راني أعجنت المطلوع وخليته يخمر. + السلق وبطاطا فريت. والغسيل ثاني راه يستنا.
حبيباتي أجهاز أنتاع لعروسة الي ابعثتها لكم اخْفِيفْ وظْرِيفْ ب 4 رُبَّاتْ ( بيض ) طلْعتْ تصْدِيرتْهَا ماشاء اللّه.ههههههههههه والهَدْرة ماتهْدرشْ من الحشمة. بصّحْ لمَّا تَعْرَضْهَا كُل وحدة لدارها ( التطبيق ) رايحين تَهَدْرُوا في بلاستها غير لكلام الزّين عليها. راني صدرتها في الصّالون بحوايج الشتاء على خاطر كاين البرد. وصدرتها في الكوزينة ونحيت لها اشويا من أحوايجها باش اتمَتْعُوا نظركم أمليح بجمالها. ياله حبيباتي كلّ وحدة اتدير أعروسة مثلها وتفرح بيها أفراد اسرتها وتزيّن بيها طَابْلَتْهَا.

zarra duff · 2015-01-31, 16:08

امممممممممممم راكي قتلتيني ماشي غير شهيتيني يعطيك الصحة كاشي نهار نعود قاعدة فيه نديرها ان شاء الله

غزالة الصّحراء · 2015-01-31, 19:56

اقتباس:

المشاركة الأصلية كتبت بواسطة zarra duff

امممممممممممم راكي قتلتيني ماشي غير شهيتيني يعطيك الصحة كاشي نهار نعود قاعدة فيه نديرها ان شاء الله

نوّرتي الصّفحة أهلاوسهلا بيك. سلامتك الف سلامة من القتل. هاكي كامل واش في الصّينيّة. .سوف أعيد واحدة أخرى. جربيها رايح تتأكدي من بنتها بنفسك.وردي عليّ بالخبر. بالتّوفيق.