نطرطق بوتاية نتاع الغاز على عجوزتي

[حورية38]

ممكن تكون هته الظاهرة قد عمت معظم البيوت الجزائرية لكن يرجع الاساس فيها //وهو راي خاص بي//لتربية كلا الطرفين فلو تربت الفتاة على ان العجوز متل الام في معاملتها والشيخ مكانة الاب وتربت على انو كسبها لزوجها ما هو الا جزء من الحياة التي ستعيشها فاهله وان وافقها الكتير من المرات فهو لن يرضى بطول الوقت لانه سيلاحظ نفور الاهل ويشوف نسابه واولادهم وووووووووووتمر المناسبات فاترة من مشاعر اسرية يحن لها عاجلا ام اجلا فتضر البنت نفسها بدل غيرها ونفس الشيء للزوج فهل يحق له ان يمنع البنت من الرفق وحتى منح والديها من حنانها ومالها لما لا ان كانت قادرة بل بالعكس راح تعيش هانية وربي يعوضها في اولادها راح تقولو النيه راحت بكري ولا الخير مابقاش والله مازالت الدنيا بخير ومازالت البنت ترفد عجوزها وشيخها ومازال الزوج يبر والديه ونسابه علاش ننكرو انو بنات اليوم اغلبهم تدير مخططات في راسها قبل ماتروح لدارها كيفاش تقضي //اعداءها //لمجرد انو احدى قريباتها تعرضت لحياة بائسة مع اهل الزوج كاين بنات وخيات وكل واحدة وطباعها ولكل وحدة طريقة تفكير وطريقة لمعاجة الامور لدا ممكن لي عاشتو الاولى ماتعيشوش التانية وراح تفتح باب على روحها كان ممكن ماراحش تلقى كامل واش في راسها وكاين عجايز يوقفو مع كناتهم ضد اولاده من كترة المحبة لي تربطهم مع بعض والعكس كاين لي تعز نسيبها كما واحد من اولادها
وربي يهدينا ويهديكم الصلاح

[dahmane42]

ما نتزوج مانجيب المشاكل للدار راني أمليح
و هذا الموضوع ما عنده حتى معنى قولي حشا الي ما يستهلش ملشي الرجال كلهم كيفكيف
و البوطنة أنتاع الغاز تكلاتي على رأسك ألي يحفر خفرة ألخوه إطيح فيها نساء آخر زمان

[nilly]

المشاركة الأصلية كتبت بواسطة dahmane42

ما نتزوج مانجيب المشاكل للدار راني أمليح
و هذا الموضوع ما عنده حتى معنى قولي حشا الي ما يستهلش ملشي الرجال كلهم كيفكيف
و البوطنة أنتاع الغاز تكلاتي على رأسك ألي يحفر خفرة ألخوه إطيح فيها نساء آخر زمان

سبحان الله العلي العظيم اجزم انك قرئت العنوان فقط
اعد قراءة الموضوع فانا لا استطيع تعليق عليك

[nilly]

لم اتعجب لرد البنات لان من بكري توجد عدوة الكنة والحماة ولكن تعجبت لدكور الدين لم يشاركوا حتى بتعليق كان الموضوع لم يعجبهم كي جات على يماهم قفلوا عينهم وتكبروا على دفاع عن امهتهم ولكان جاء الموضوع على عمل المراءة سوف ارى تزاحم هههههههه سبحان الله العظيم
وعلى الاقل الكنة متقبلش الاهانة على يماها . فقوا يا شباب وادفعوا عن امهاتكم

[dahmane42]

قدمي ثصائح للمرأة وليس تحريض
لا حول ولا قوة الا بالله العلي العظيم

[*سندوسة*]

[hodayena]

المشاركة الأصلية كتبت بواسطة nilly

كثيرا مانسمع بالمنتديات خصوصا منتدى الجلفون عن القوامة راجل لازم يخلي مرته فدار متخدمش متخرجش ووو
ونساو حاجة مهمة الحاجة لتستحق نقاش اكثر ..

القوامة لا تسرجع فقط في مكوث نساء البيوت وانا الدي لاحظته قوامة رجل ماتت ودفنت ولدفنها هو

زمان كنا نسمعوا مقولة المشهورة نجيب ولد يرفدني في كبري وليجيب غير البنات يتحسر لانه كرامته متسمحش يرفدوا واحد غريب غير وليدوا . زمان القوامة زمن لكلمة راجل هي لتمشي.

بصح دركا شفنا العكس المقولة انعكست ولات
نجيب طفلة ترفدني في كبري . علاه لانه لالة متقبلش تخدم على العجايز بصح اهلها هي معليش تخدم عليهم وكي جات على اهل زوجها لالا. وراجلها تلقاه يساندها يقولك عندها حق هي لتتعب
علاه نساء نتاع بكري مايتعبوش . عيش تشوف .
بصح سؤال كيفاه هداك راجل يمد يماه وباباه لنسيبه وهو حي يرزق ويرفد اهل زوجته ويصرف عليهم واهله هو رماهم ....

لهادي درجة معندوش شخصية

اين هي شخصياتكم يا رجال اين هي قوامتكم التي تتكلمون عنها المراة لمترفدش امك وبابك فتحلها الباب ليها ماشي لاهلك
يعني لجابت غير دراري تخمم على روحها من درك ....
ولزاد استغرابي ان حتى البنات صغار يكرهون العجايز كيما واحدة طفلة 11 سنة قالتلي انا كي نتزوج نطرطق بوتاية نتاع الغاز على عجوزتي وربما هده طفلة تسمع هدا الكلام من البنات لحوليها ........

الى كل شباب المنتدى هل تقبلون بهده المهزلة على انفسكم

اختي الكريمة العيب ماشي في العروسة اولا وثانيا الام تولد باه تلقا ولادها في كبرها وفي جانبها ماشي بنات الناس بنات الناس ربي يكرمهم ويحسن اليهم اذا حسنو الى العجوزة الي تكون تخاف ربي وتعامل العروسة مثل بنتها
اما المسؤولية فهي تقع على الابن والبنت
دوكا ولاو يتزوجو واش يقولك نتزوج ونجيبها ترفد يما علاه يماك والا يمناها علاه الرجال تع دوكا معندهمش النيف على امهاتم وكذلك البنات
علاه تحتي بنت الناس باه ترفد يماك نبيع قشي ونبعي املاكي ومنخليش بنت الناس دير في يما مزيتها يا اختي الام مسؤولية الابناء
الولد اذا كان صالح ميروش يسقسي مرتو اذا كلات مكلاتش
يدخل يروح ديراكت يوجد ليماه تاكل وينقيلها ويقعد معاها اذا بنت الناس عجبها الحال اهلا معجبهاش الحال تخبط راسها مع الحيط
العجوزة متربيش وليدها يخدمها تسنى بنت الناس تخدمها واذا محبتش تقول لوليدها طلقها ووليدها وكانو مولداتوش


ونزيدلك حاجة بتجربتي المريرة مع الشيطانة كل ما تمرض نرفدها بلا منهدر ونسكت وغير ترفد روحها تدور عليا ووليدها وبنتها معلبلهومش بيها لا كلات لا مكلاتش المهم يعيش تحت بيكان امو وميخرجش عليها لخطرش معندوش شخصية الراجل القوي البار بولديه يروح وين يروح يماه مينساهاش وهو يقوم بيها
نزيدلك معلومة
حنا البنات تاني امنا مسؤولة منها حتى اذا رفدنها وجبناها لدار النسيب تبقى امي وانا اولى بيها من بنت الناس

وكل واحد يربي ولادو انو الام مسؤليتك وواجب عليك تقومها مهما كانت عندك انشغلات كيما تعبت في صغرك انت تتعب عليها في كبرها
متحطوش اللوم على بنات الناس حتى البنات ولاو يتهربو من مسؤولية الام وتقولك مرت خويا ترفدها

[nilly]

المشاركة الأصلية كتبت بواسطة hodayena

اختي الكريمة العيب ماشي في العروسة اولا وثانيا الام تولد باه تلقا ولادها في كبرها وفي جانبها ماشي بنات الناس بنات الناس ربي يكرمهم ويحسن اليهم اذا حسنو الى العجوزة الي تكون تخاف ربي وتعامل العروسة مثل بنتها
اما المسؤولية فهي تقع على الابن والبنت
دوكا ولاو يتزوجو واش يقولك نتزوج ونجيبها ترفد يما علاه يماك والا يمناها علاه الرجال تع دوكا معندهمش النيف على امهاتم وكذلك البنات
علاه تحتي بنت الناس باه ترفد يماك نبيع قشي ونبعي املاكي ومنخليش بنت الناس دير في يما مزيتها يا اختي الام مسؤولية الابناء
الولد اذا كان صالح ميروش يسقسي مرتو اذا كلات مكلاتش
يدخل يروح ديراكت يوجد ليماه تاكل وينقيلها ويقعد معاها اذا بنت الناس عجبها الحال اهلا معجبهاش الحال تخبط راسها مع الحيط
العجوزة متربيش وليدها يخدمها تسنى بنت الناس تخدمها واذا محبتش تقول لوليدها طلقها ووليدها وكانو مولداتوش


ونزيدلك حاجة بتجربتي المريرة مع الشيطانة كل ما تمرض نرفدها بلا منهدر ونسكت وغير ترفد روحها تدور عليا ووليدها وبنتها معلبلهومش بيها لا كلات لا مكلاتش المهم يعيش تحت بيكان امو وميخرجش عليها لخطرش معندوش شخصية الراجل القوي البار بولديه يروح وين يروح يماه مينساهاش وهو يقوم بيها
نزيدلك معلومة
حنا البنات تاني امنا مسؤولة منها حتى اذا رفدنها وجبناها لدار النسيب تبقى امي وانا اولى بيها من بنت الناس

وكل واحد يربي ولادو انو الام مسؤليتك وواجب عليك تقومها مهما كانت عندك انشغلات كيما تعبت في صغرك انت تتعب عليها في كبرها
متحطوش اللوم على بنات الناس حتى البنات ولاو يتهربو من مسؤولية الام وتقولك مرت خويا ترفدها

يااختاه انتي راكي تقولي العروسة مراهيش مضطرة انها تخدم وترفد عجوزتها ابنها لي لازم يرفدها يااختي استعدي من شيطان رجيم
ياخي زوج يعيش مع زوجته لا كل واحد في داره واد جابها تعيش معاه مايقدرش يطهلى فيها وهومن صباح لعشيا فالخدمة كيفاش حبيته يتهلى فيها ولا يخلي خدمته ويقعد فدار كيما نساء .
وحنا نعيشو بمجتمع معظم رجال مايحبوش يطبخوا . املا هنا الزوجة لي لازم عليها تطبخ وتتهلى فالعجوزة ولاراني غالطة؟
وماشي غالط اد طفلةرفدت امها وابوها بصح ملزمش تتصرف بانانية فهي كيما ترفد اهلها ترفد عجوزتها وعجوزها ترفدهم في ربعة وتخدم عليهم هدا هو العدل اد هدرنا عليه ولوهدوا اهلزوجها اب اولادها ماشي غرباء .
وكي ماتقولوا انتوما البنت يجب انها ترفد اهلها وتديهم لدار راجلها وهو ايضا ماشي مضطر يتحمل اهلك وماشي مضطر يصرف عليهم اد كنتي ماشي خدمة ومتشي يضطر يخدم على اهلك
لوكان جات هكدا نخدموا بالاضطرار حتى واحد مايرفد الاخر العروسة ترفض تخدم على اهل زوجها وهو يرفض انه يخدم على اهل زوجته املا اهل زوج وانل زوجة في زوج مصيرهم دار العجزة. وربي سبحانه اكيد مراحش يرضى على هدي الحاجة
وديري روحك في بلاصة العجوزة زوج ابنتك يرفض يرفدك وعروستك ترفض ترفدك وين تروحي املا ؟ ولا ديري روحك انجبتي غير دكور واش تدير ساعتها عرايسك يقلولك مانرفدوكش
هدا ليس عدل وهدي الموجة المنتشرة معند نساء لا تمد للاسلام بصلة كل واحدة تعاند فالاخرى
انا اعرف انكي عانيتي من تجربتكي . ولكن انا تكلمت بشكل عام

[hodayena]

المشاركة الأصلية كتبت بواسطة nilly

يااختاه انتي راكي تقولي العروسة مراهيش مضطرة انها تخدم وترفد عجوزتها ابنها لي لازم يرفدها يااختي استعدي من شيطان رجيم
ياخي زوج يعيش مع زوجته لا كل واحد في داره واد جابها تعيش معاه مايقدرش يطهلى فيها وهومن صباح لعشيا فالخدمة كيفاش حبيته يتهلى فيها ولا يخلي خدمته ويقعد فدار كيما نساء .
وحنا نعيشو بمجتمع معظم رجال مايحبوش يطبخوا . املا هنا الزوجة لي لازم عليها تطبخ وتتهلى فالعجوزة ولاراني غالطة؟
وماشي غالط اد طفلةرفدت امها وابوها بصح ملزمش تتصرف بانانية فهي كيما ترفد اهلها ترفد عجوزتها وعجوزها ترفدهم في ربعة وتخدم عليهم هدا هو العدل اد هدرنا عليه ولوهدوا اهلزوجها اب اولادها ماشي غرباء .
وكي ماتقولوا انتوما البنت يجب انها ترفد اهلها وتديهم لدار راجلها وهو ايضا ماشي مضطر يتحمل اهلك وماشي مضطر يصرف عليهم اد كنتي ماشي خدمة ومتشي يضطر يخدم على اهلك
لوكان جات هكدا نخدموا بالاضطرار حتى واحد مايرفد الاخر العروسة ترفض تخدم على اهل زوجها وهو يرفض انه يخدم على اهل زوجته املا اهل زوج وانل زوجة في زوج مصيرهم دار العجزة. وربي سبحانه اكيد مراحش يرضى على هدي الحاجة
وديري روحك في بلاصة العجوزة زوج ابنتك يرفض يرفدك وعروستك ترفض ترفدك وين تروحي املا ؟ ولا ديري روحك انجبتي غير دكور واش تدير ساعتها عرايسك يقلولك مانرفدوكش
هدا ليس عدل وهدي الموجة المنتشرة معند نساء لا تمد للاسلام بصلة كل واحدة تعاند فالاخرى
انا اعرف انكي عانيتي من تجربتكي . ولكن انا تكلمت بشكل عام

ساقول لك كل يمشي بتربيته لكن اللوم لا يقع على الزوجة بل بالولد اذا ميعرفش يطيب يتعلم يطيب على جال امو الزوجة كي تشوف الراجل متحهاش ومحوسش اذا رفدت يماه والا لا راح تعرف بلي الزوج يرفد امو بلا مزيتها اما اذا رفدتها فهي احسان منها ووخوف من الله لانو المريض ترفديه بحسنات لكن اذا الولد ميرحمش وميرفدش امو ويرد اللوم على زوجته هنا نقول له قف وبركاك من كذبت احب امو
بالنسبة لي عند طفل واربيثه باذن الله انو انا مسؤوليته لا مسؤلية زوجته
اعلمه انو اذا دارت في الخير زوجته اقولها شكرا وتدي هي وولدي دعوة خير واعلمه ان مستناش من زوحته ترفدني انا منه وانا تعبت عليه وانا مسؤلة منه كام كان هو مسؤول مني في صغره
واذا مرفدتنيش اختي مراحش الومه نطلب من ربي يهديها لكن ان اشتكي لولد نقولو معطاتنيش مجبتليش لالا والف لا بالعكس نلومو هو اذا تكلم معها وقالها ماقمتيش امي والله سوف يسمع غسيل وذنو الي مسمعوش في حياتو
وبالنسبة للموجة لانو البنات هاذو العجايز تخلاو على دورهم في رعاية الام ولسقو الواجب ديالهم على العروسة فهمتي اختي صافي ولا كل واحد يضرب لجيهتو ووالدينا كيما قالت الاخت الي قبلي لازم نظاربو شكون يرفدهم ماشي نمو المسؤولية ديالهم على زوجات الاخ
اما انا والله وربي شاهد عليا لوستي ولا مرة حاسبتها وقتلها هذيك امك ترفديها لا ولم افعلها ولكن االم تاني تغلط في تربية ابنائها

[wissem1]

المشاركة الأصلية كتبت بواسطة hodayena

اختي الكريمة العيب ماشي في العروسة اولا وثانيا الام تولد باه تلقا ولادها في كبرها وفي جانبها ماشي بنات الناس بنات الناس ربي يكرمهم ويحسن اليهم اذا حسنو الى العجوزة الي تكون تخاف ربي وتعامل العروسة مثل بنتها
اما المسؤولية فهي تقع على الابن والبنت
دوكا ولاو يتزوجو واش يقولك نتزوج ونجيبها ترفد يما علاه يماك والا يمناها علاه الرجال تع دوكا معندهمش النيف على امهاتم وكذلك البنات
علاه تحتي بنت الناس باه ترفد يماك نبيع قشي ونبعي املاكي ومنخليش بنت الناس دير في يما مزيتها يا اختي الام مسؤولية الابناء
الولد اذا كان صالح ميروش يسقسي مرتو اذا كلات مكلاتش
يدخل يروح ديراكت يوجد ليماه تاكل وينقيلها ويقعد معاها اذا بنت الناس عجبها الحال اهلا معجبهاش الحال تخبط راسها مع الحيط
العجوزة متربيش وليدها يخدمها تسنى بنت الناس تخدمها واذا محبتش تقول لوليدها طلقها ووليدها وكانو مولداتوش


ونزيدلك حاجة بتجربتي المريرة مع الشيطانة كل ما تمرض نرفدها بلا منهدر ونسكت وغير ترفد روحها تدور عليا ووليدها وبنتها معلبلهومش بيها لا كلات لا مكلاتش المهم يعيش تحت بيكان امو وميخرجش عليها لخطرش معندوش شخصية الراجل القوي البار بولديه يروح وين يروح يماه مينساهاش وهو يقوم بيها
نزيدلك معلومة
حنا البنات تاني امنا مسؤولة منها حتى اذا رفدنها وجبناها لدار النسيب تبقى امي وانا اولى بيها من بنت الناس

وكل واحد يربي ولادو انو الام مسؤليتك وواجب عليك تقومها مهما كانت عندك انشغلات كيما تعبت في صغرك انت تتعب عليها في كبرها
متحطوش اللوم على بنات الناس حتى البنات ولاو يتهربو من مسؤولية الام وتقولك مرت خويا ترفدها

عندك الحق اختي انا من تجربتي راني معاك في الراي ماشي ديما الكنة لتكون غالطة كاين عجايز كي يشوفو الكنة تخدمهم و طايعتهم ينساو بلي هي زوجة ابن يظنوها و كانهم جابوها لخدمتهم و فقط و ينساو بلي هي تاني لها حقوق و حرية شخصية مع جوزها في حين و الله كاين عجايز تقولي نهزهم فوق شفاري و قليل تحسيهم بلي اهلك كلشي يبان من خلال المعاملة

[baalache]

السلام وعليكم عندك الحق ونزيدلك اكثر ولات في الدار يحبو البنت اكثر من الولد لانو الولد غادي تجي وحدة تديه بينما البنت تجيبلهم النسيب حتى لدار عن نفسي الوالدين متوفيين و انا شخصيتي لا تسمح بالدعان وحط النيف يعني لوكان عاشت الوالدة الله يرحمها لن اقبل حتى بان ترد لها كلمة واحدة والا سيصبح الامر كل واحد يقادر امو

[الألماسة]

طريقة طرح الموضوع خاطئة
طرحتي الموضوع من جهة واحدة و هي الابن اللي يرمي والديه
و هذا شي يعود على الابن فقط لانه مجبر على طاعة الوالدين و الاحسان اليهم
و هو ابن ضعيف الشخصية لانو رجح كفة عن الاخرى
و هذا شيئ صحيح اذا كانت الكنة من النوع اللي ذكرتيه

[ام نهوله]

اصبحنا نتكلم على الام كانها عاله شكون اللي لازم يرفدها في حين المفروض لازم نضاربو شكون فينا اللي يحمل هاد العظمه و يحطها فوق راسو
اصبحت الام عمله في البورصه
انا بانسبه ليا الام او لعجوزه خط احمر ممنوع النقاش فيه ربي يهدينا و يقدرنا

[أم ريتاج زهرة]

كما تدين تدان

[إكليل]

ماشاء الله اختي نيلي الله يبارك موضوع رائع.

حقيقة المشكل أننا بعدنا عن ديننا الذي وضع لنا حدودا وجب علينا معرفتها و عدم تخطيها الشرع لم يلزم المرأة بخدمة أهل زوجها و لكن حبب لها ذلك من باب الإحسان ومحبة الزوج و التودد له لكن للأسف تقع مشاكل كثيرة بسبب عدم معرفة الحدود و خصوصا الرجل فهو ملزم ببر أمه و أبيه و الإحسان لهما و الرفق بهما حال الكبر .و أن ينفق عليهما و يهديهما كي تقر نفسهما و يرضيا عنه.