الورشه الثامنة و العشرون ...سطايفيه

[stayfiya]

السلام عليكم و رحمة الله و بركااته
امسينا و امسى الملك لله وحده
ورشتنا لليوم سهله و بسيطه

موديل روبتنا يقدر يطبقو كل واحد
نحتاحو ميطرتين فولور من نوع و نص متر من نوع اخر
تحبي تستعملي القالون تحبي تخليها سامبل
انا عندي قماش معدس رقيق قطعتو 1,5سم
و استعملتو في مكان القالون
نحطو نفصلو روبتنا
الرقبه فتحتها ب 18سم لي تقيس بالشبر هو فًتر و زوج صباع
يعني نفس الفصاله

التغير راح يكون في الجزء الامامي و المونش
من الامام حبيت نغير شكل الروبه و دخلت عليها قماش آخر
قطعت جزء من وسط الروبه و استخلفتو بقماش اخر بهاذالطريقه انتي حره ديري الشكل لي بغيتي بشرط توخذي بعين الاعتبار حق لخياطه
قبل التقطاع


كذلك في نهاية المونش اضفت قطعه من القماش المغاير

الان حان وقت الخياطه
الخلف تخدميلو السجاف تاعو و تخيطيه و لي تحب دير لي بانس و لي تحب ما ديرهمش
انا درت بانس في وسط الظهر كيما الورشتين لي فاتو
نروح من امام نبدى نلصق الطراف في بعضاهم

من الاحسن هنا تبداي من فتحة الرقبه و تهبطي خاطر راح يكون ديكالاج خفيف بين الوسط (القماش المغاير) وبين الجانبين يجينا من اسفل احسن لوكان نخيطو العكس راح نضطرو نزيدو نفتحو الرقبه و راح تتغير القياسات و تلقاي روحك
حكمتي قط تبعيني و راح تنجحي ان شاء الله

كي تخيطي بااااالاكي تجبدي لقماش و جيك لخياطه مشرشفه لازم الجيهتين يجيو سوا سوا
بعدما تخيطي اكيد لازم تحدي مليح لانو لحديد يسقدلك خدمتك و يعاونك
قبل ما نخيطو سجاف الرقبه من امام
نلصقو القالون و كيما قتلك تقدري تستغناي عليك و تحبي تلصقي لي زيستراس الرقاااق او اي شي او تخليها بلا والو
هاو ليك كيفاش درت انا اكيد ثبتت بالخياطه ملييح فقط نولهكم لحاجه لكان تخدمي بقالون من الاحسن تحكبيه بخياطه و تحديه بالفابور باس ما يعواجلكش و يهبلك و لكان انا هنا ما نقدرش نتحكم في القماش لمعدس ايا قطعتو انسيابي على حساب الموديل ههههه
من اعلى لاسفل
رحت للمونش درت نفس العمليه



و خلصنا تكملي تركبي سجاف الرقبه و تجملي الروبه من لكتاف و من بعد على الجيهتين و في الاخير
تكفيها في المونش و من اسفل و انتهى

دعواتكم
و اي سؤال راني هنا