خائفة من نظرتهم لي

[مشكلتي]

السلام عليكم و رحمة الله تعالى و بركاته

خاوتي خواتاتي انا كنت بنت عاقلة رزينة الناس عينيا ما نرفدهمش ما نخالطش ما عنديش صحابات زوج ولا ثلاثة لكن واحدة منهم كانت تشجعني على الفسق و الفجور و النميمة و كل ما هو حرام و تعدي للحدود الله كنت ما نخرجش كامل من الدار الا للدراسة لكن في دراسة وين كنت نقرى عرفت شاب و كانت عندي معاه علاقة كنا دايما نحكو كان يحبني على حد قوله كنت ناسية كل القيم اللي تربيت عليها برغم حرص ابي الشديد عليا دايما يعسني يجي ينتظرني عند باب الثانوية لكن في داخل الثانوية كنت نخون ابي و اليوم راني تبت و رجعت لربي و غلقت كل اتصالاتي بشاب هداك برغم ان علاقتنا عندها اكثر من عام و نصف وبرغم ان حبيتو بصدق و تعلقت بيه جاتني صعيبة اني نتخلى عليه في الاول عانيت لكن جاهدت نفسي شحال من مرة نرفد النقال و نجي راح نعيط اومبعد نجاهد نفسي الحمد لله رجعت الى رشدي و هذا كله راجع لابي في السابق كانت علاقتي معاه خوف فقط بلاك يشك فيا بلاك يشوفني بلاك قالولو لكن اليوم ولا يحاورني و لا يسالني علاقتي ولات طيبة معاه هذا ما دفعني لان افكر بدل المرة مرتين انا من قبل كنت نتعذب كلما نكلم الشاب هذاك كاين صوت داخلي يانبني نتذكر ان هناك رب يراقبني كاين اب يقتلني لوكان يكشف واش راني ندير لكن اليوم الحمد لله راني تبت و صرت اجالس الصالحات و قطعت كل علاقاتي مع رفيقات السوء غيرت رقم الهاتف غلقت كل صفاحاتي في مواقع الاجتماعية و وليت نروح مجاس الذكر و قررت ان ارتدي الجلباب على قناعة لكن خايفة من نظرت الناس لي يعرفوني ان كنت مع هذا الشاب يقولو منافقة او شئ من هذا القبيل وانا ولله ان تبت و هذه اكثر من 5اشهر لم اتواصل معه او حتى مع صديقتي ابتعدت عن كل ما يغضب الله انا سني الان 20سنة يعني مسؤولة امام الله عن تصرفاتي لا حجة علي
انا اريد ان اغير حياتي للافضل لكن خائفة من نظرت المجتمع

انصحوني