كيفاش ندير راني رح نبطل وعرسي مزاله ايام

[كاميلا]

المشاركة الأصلية كتبت بواسطة ريان 7

السلام عليكم
هو يعني مهما كان مش سبب كافي لفسخ الخطبة يعني مشاكلك مع يماه يروح هو في سبتها مشي حل .
المهم اذا تحبي راجلك و شايفة روحك قادرة تتحملي كملي على بركة الله وجدي روحك برك لجبهات مفتوحة .
و من يدري بلاك حماتك يهديها ربي و تتصافى القلوب المهم انتي تصرفي بنيتك و متربحيش العيب و الغالط ربي يكشفو .
ربي يهنيكم

ايه يا اختي كنت نتفكرها ونخلي ولدها يتفكرها بالهدايا ويبان هو في الواجهة نقولوا اديها تحوس في الصيف درتله فيلم قتله لازم تديني للبحر قالي يخليوك والديك قتله هيه ومن بعد كي وجدو كل شيء قتله ميخليونيش داوها حوست وهي مش مالفة هذا كامل والحقد عليا والله راني نبكي منعرف واش درت في حياتي ندير الخير يطلعلي شر

[" أبو عبود"]

صراحة هو كرجل اين دوره؟ يعني كل شيء بيده لا أمه ولا خالته ولا امك ولا حتى أنت قادرة على فعل شيء. الحل يجب ان يعجل بالعرس ويجب ان يكون مستعدا لاي طارئ فالظاهر أن امه من النوع المتكبر الذي يظن نفسه من العائلات الراقية. وفكرة خالته التي في لبنان لا أدري ما دخلها أصلا في الموضوع. واظن انك صبرت كثيرا لانه صراحة لا يمكن ان افكر ان بنتا تنتظر زوجا لمدة اكثر من سنة فهذا كثير.

[sarl02]

قلتهالك من قبل في احد مواضيعك ..للاسف زوجك ضعيف الشخصية وامخلي النساء يلعبو بمصيركم انتم الاثنين ...وهذا اصعب مشكل في نظري اكثر من اعمال حماتك...لانو الرجل الحكيم وقوي الشخصية هو من يحدد ويبرمج ويخطط وباستشارة اهله وعليهم التنفيذ وفقط....4 او 5 سنوات انتظار هذه باختصار لازملها قعدة تاع رجال ماشي تبهليل تاع نساء لان الامر ليس في صالحك انت كبنت....عليك اشراك ابوك او اخوتك او من تثقين بحكمتهم من اهلك في الموضوع لحل المشكل من جذوره وخليك من خالتو راهي في لبنان ولا فالمريخ وباقي التفاهات ووفقك الله.

[كاميلا]

المشاركة الأصلية كتبت بواسطة sarl02

قلتهالك من قبل في احد مواضيعك ..للاسف زوجك ضعيف الشخصية وامخلي النساء يلعبو بمصيركم انتم الاثنين ...وهذا اصعب مشكل في نظري اكثر من اعمال حماتك...لانو الرجل الحكيم وقوي الشخصية هو من يحدد ويبرمج ويخطط وباستشارة اهله وعليهم التنفيذ وفقط....4 او 5 سنوات انتظار هذه باختصار لازملها قعدة تاع رجال ماشي تبهليل تاع نساء لان الامر ليس في صالحك انت كبنت....عليك اشراك ابوك او اخوتك او من تثقين بحكمتهم من اهلك في الموضوع لحل المشكل من جذوره وخليك من خالتو راهي في لبنان ولا فالمريخ وباقي التفاهات ووفقك الله.

والله يا اخي مزيدش تقول عليه هكد والله منحب عليه لا هو مزال نية وهوما حيليين لوكان جا ضعيف الشخصية لوكان راهو فرزها معايا لانه مهما نحكي ومهما نقول راهي اكاذيبها كبيرة وتاع فتن والعياذ بالله استمرارها هذا ماهو االا دليل على ضعفها وضعف مخططاتها
من الاول قلت لازم الهدرة تكون مع الرجال معلاباليش هي وش دخلها حتى امي قاتلها هذا الامر نتشاور فيه مع زوجي الواضح انه شيخي لاحول ولا قوة له

[كاميلا]

[quote=" أبو عبود";3991948756][b][size="5"]صراحة هو كرجل اين دوره؟ يعني كل شيء بيده لا أمه ولا خالته ولا امك ولا حتى أنت قادرة على فعل شيء. الحل يجب ان يعجل بالعرس ويجب ان يكون مستعدا لاي طارئ فالظاهر أن امه من النوع المتكبر الذي يظن نفسه من العائلات الراقية. وفكرة خالته التي في لبنان لا أدري ما دخلها أصلا في الموضوع. واظن انك صبرت كثيرا لانه صراحة لا يمكن ان افكر ان بنتا تنتظر زوجا لمدة اكثر من سنة فهذا كثير.[/size][/b][/quote

يا اخي ابوعبود انا راني كون نهدر راني نخلط الدنيا في بعضاها نفسي وعلابالي بيها نهار حبوا يغيروا التاريخ قبل ما يحكي معاه اخي قتله كي تحب دير العرس في الربيع متنساش تسلملي على خالتك زيد روح معاها نتم وخلصنا

انا عمبلم بحاجة راني ماشية مع ربي صافية النية حاطى كل الاحتمالات في راسي علابالي رغم انه ضاع 4 سنين من عمري مهما يكن ربي يعوضني ان لاسمح الله حدث مستجد
هيه يا اخي من النوع المتكبر والحمد لله رزق والدها راهو راح مع الريح والا راه كانت دارت العجب بصح كون مجيتش بنت عايلة ذات اصل كان راني حقرت روحي معاها

[ايهان]

والله يا اختي صعيب تسناي راجل ربع سنين وزيد تصبري على هذه المشاكل ربي معاك

[bellaluna]

حماتك خطيرة و ربي يسترك ان دخلت منزلهم عروسة كيف ستنتهي الامور..

[كاميلا]

المشاركة الأصلية كتبت بواسطة bellaluna

حماتك خطيرة و ربي يسترك ان دخلت منزلهم عروسة كيف ستنتهي الامور..

الكذب والافتراء خطير جدا راهو يدعو للفتن وخراب البيوت

[ماريام]

اختي كاميليا مررت بنفس الحالة تقريبا بعد الزواج عجوزتك مابيها والو بيها الغيرة تقول كيفاه انا ولدتو وكبرتو وفي الاخير تجي مرأة وتديهولي بما انك رايحة تسكني وحدك راكي تهنيتي انا عجوزتي نتفكرها ساعة على ساعة بكادو والحمد لله رانا لاباس مع بعض راهي ان شاء الله فترة وتفوت وماتنسايش راهي تبقى الوالدة انتاعو انتي مااديري والو في بالك فوتي كلش ورا ظهرك حاولي بعد الزواج انك تشديها ليك وادا ماحبتش راكي بدارك واحد لايكسرلك راسك ربي يتمملك عرسك ويفرحك ان شاء الله

[سحابة مسافرة]

عجوزتك باين فيها غايرة و مش حاباتك ربي يهديها و انت تاني متبعيهاش و متعمريش راسك بيها
و ديما ديري احتاطاتك منها و راجلك متزيديش ترجعيلو الاخبار تاعها لانو مش راح يصدقك

[ندى العالم]

ربي يسهل الامور اختي كاميلا
ربي يهدي عجوزتك
هل حددتم وقت العرس

[كاميلا]

ماريام سحابة ندى شكرا جزيلا لكن وللاعضاء السابقين الحمد لله عرسي الاسبوع القادم باذن الله حلت كل الامور بصح اللي في قلبهم راه في قلبهم ربي يسهل على اللي هاز في قلبه من حقد وغيرة الله يهدي ماخلق والخالة ماراهيش جاية مش عاجبها الحال واقيلا لازم نزيد نبور باش ترضى عليا الله لايرضيها عليا بزاف عليا اللي يحبوني وراضيين عليا والحمد لله بعد صبر طويل معاه قرب العرس وخرجت السكنة تاع سكن عدل راني فرحانة يعني العوام اللي ستنيتهم مراحوش في الباطل
شكرا جزيلا

[mounia 85]

المشاركة الأصلية كتبت بواسطة كاميلا

ماريام سحابة ندى شكرا جزيلا لكن وللاعضاء السابقين الحمد لله عرسي الاسبوع القادم باذن الله حلت كل الامور بصح اللي في قلبهم راه في قلبهم ربي يسهل على اللي هاز في قلبه من حقد وغيرة الله يهدي ماخلق والخالة ماراهيش جاية مش عاجبها الحال واقيلا لازم نزيد نبور باش ترضى عليا الله لايرضيها عليا بزاف عليا اللي يحبوني وراضيين عليا والحمد لله بعد صبر طويل معاه قرب العرس وخرجت السكنة تاع سكن عدل راني فرحانة يعني العوام اللي ستنيتهم مراحوش في الباطل
شكرا جزيلا

الف مبرووووووووك

[mounia 85]

يا ختي واش نقولك ربي يقدرك عليهم مور الزواج وخلاص والله كاين ناس يخليو قلبك يكحال بالسيف

[salem1985]

ربي يفرج عليك اختي صبري بلاك راهي تمتحنك فقط رايح تندم وتولي تعزك ما تخافيش المهم فكري باش تستقري انت وزوجك في بيت مستقل رايح تعبشي معززة ربي يوفق بيناتكم