اين الحل انا تائه يا اخواني - الصفحة 2

أيادي الأمل · 2014-09-16, 19:06

السلام عليكم

أولآ ربي يفرج عليك و يهنيك

ثانيا

ربي هناك منها خليها مع الأيام يبانلها بلي المال مشي هو كلش إذا صح ظلماتك و إذا صح هي مادية وعلى جالو خلاتك ،
و راح تتفكر يجي النهار لي تتفكر واش دارت ماتخافش
لأن المادة تزول في يوم من الأيام

أما بالنسبة للإهانة أفهمك جيدا

راك تحس بلي انت خسرت كلش نفسك و مشاعرك و حلمك و هي ربحت كلش + ربما ربحت كي زادت حطماتك بكلامها
لكن في الحقيقة هي لي خسرت انسان صادق و مشاعر صادقة المادة تتعوض لكن الإنسان صعيب تلقا مثلو
و ربي يعوضك بأفضل منها إن شاءالله
دائما ردد إنا لله و إنا إليه راجعون اللم أأجرني في مصيبتي و أخلفني خيرا منها و ربي يعوضك

لكن أعرف مليح بلي كل واحد يتكلم و يتعامل بأخلاقو
و مشي معناتها واش سباتك و واش قالتلك معنتها نتا هكاك و لا نتا صح تستاهل هاذاك الكلام
هذاك يدل على أخلاقها فحسب و إذا عمرك ما سمعت منها هذاك الكلام راه ورالك ربي جانب لم تكن تعرفه

ما قامت به إهانة لها وحدها
رأيها فيك لا يدل عليك
و سبها لك لا يدل على أنك تستاهل الإهانة أنما ماعرفتش قدرك

و زيد ربي كان عالم بنيتك و نيتها و ربي يعطي كل واحد على حساب نيتو
صح الحالة لي راك فيها صعييبة بزاف لانك تحس روحك مظلووم و خسرت كلش في نظرك
لكن ربي يعطيك على قد نيتك
و إذا فعلا مظلوم وكل امرك لله قل حسبي الله و نعم الوكيل و تكون مظلوم خير من ظالم

ولأ أنصحك أن تنتقم منها والله خليها لربي أفضل والله
و الجزاء من جنس العمل كيما درات يندارلها إذا صح ظلماتك

صح حاليا راك متأثر و ماراكش قادر تستوعب
ماديير والو قادر دير حاجة تندم عليها ممبعد

برد قلبك بحسبي الله و نعم الوكيل و أطلب من ربي يعوضك ووكل عليها ربي
و اطلب من ربي ينحي عليك هاد الهم

seul1 · 2014-09-16, 20:20

salamo 3alaykoum khetie et merci 3ala radak et mach3arak jamila mais walah makdart nansa ihana et klam li jrahni nti raki mra c pour ça raki tahadrie kima haka mais koun jiti rajal thasi wache rani nhas 3ana kawamte jbal et hmoum kbira et maha nsite rouhi et maditalha waktie et tafkiri oksim bilah 3adim la takabte 3ala jalha 6 chehor nakhedam batal et jou3ate et fawate lyali miziria et goulte maliche 3ala jalha nosbor et fa tali nastahal klam li ktalni fi ghalbi 3ana mahiche ghaydatni ki zawjte parceque zewaj maktoub malgré t3antni fi dahrie 3ana rahi ghaydatni kifache kadrate tajrahni w ana ngoulha fi kalmate nhabak we nmoute alik malgre badaltini ihsas moure mais kararte ncharabha ma kase li cherabte manou et nkhaliha tandam 3ala koulache

مريم الصابرة · 2014-09-16, 20:52

اقتباس:

المشاركة الأصلية كتبت بواسطة seul1

merci khetie ki z3aftni rouhte khetabte mais apres batatl mahabitche nadlam insana m3aya manakdrche nansa parceque maniche seghire wala andi 20 ans rani kbire bazafe we 3ana walah fi hyatie madlamte wahad wala jrahto c pour ça maniche mesadak wache serali

السلام عليكم اخي
راك تقول انا إنسان كبير معناها ماراكش مراهق ولا الومك الم الكرامة صعب جدا وكلنا عانينا منو لكن لك عقل تقدر الموازين إنت تضع في وقتك ووتضر في روحك على مرا راهي عايشة حياتها
المشكل راك مضرار من سبها ليك واللي دارتو معاك معليش وكل عليها ربي وإعتبر ضريبة هذا الحب وخلاص عيش حياتك اما راك تقول غير ما قدرتش ما قدرتش معناها إنت عاجباتك حالتك وناوي تبقة هكذا ام تنتقم منها ماراح تربح والو على العكس غيش حياتك واخطب وتزوج وإنسى الامر وبلاك تلقى خير منها وماشي بلاك اكيد تلقى لالاها
الإرادة برك اخي الكريم موفق

loufa · 2014-09-16, 22:11

يا ابني
اللي باعك بالفول بيعو بقشورو
كون راجل وارمي عليك هي راحت دارت حياتها ربي يسهل انت ثاني كون راجل ونص وما تتاثرش ياك هي اللي باعت ما تطيحش بروحك واطوي الصفحة وقول ماضي وفات
وعلاه اللي خلقها ما خلقش غيرها وزيد واش هاذي تسب وتقولك كلام مقدرتش حتى تقولهولنا معناها مش متربية
زيد نقولك لا يوجد احسن ممن الحلال واخطيك من العلاقات هاذو واحمد بي

sersoura26 · 2014-09-16, 22:51

يا خويا راني حاسة بيك حكايتي تشبه شوية لحكايتك انا تاني خلصهالي خطيبي هكا بكلام العيب و كلام شوارع وقدفني في شرفي خطراش هو موسوس وضربني كف من الشكوك المرضية تاعو جامي في حياتي تخيلت بلي تصرالي هك طول عمري جامي خرجت مع واحد راهي صعيبة باه تنسى بصح جامي تخمم تاذيها خلي ربي ينتقملك منها انت احسن انتقام ديرو تعيش حياتك كيماهي عايشة حياتها

mereyoucef · 2014-09-17, 14:19

انت مربي ووليد فاميليا وزيد قاري وكنت معاها بنيتك صدقني هي الخاسرة ماشي انت و كلامها القبيح وسبان الي ماراكش قادر تقولهونا هدا يكشف عن معدنها الحقيقي تقبل انوتكون يمات ولادك تعرف هادا الكلام انتاع الشارع والله ربي هو الي يحبك و بعدك عليها رايح تنسى مع الوقت رايح تنسى ماتنتقمش منها خليها لربي

kaka9999 · 2014-09-17, 16:58

كرهتني بكتابتك لغة لاتنية نتاع هم
المهم راك راجل و راجل مايهتمش لوحدة تبيعو وتقولي اذا تقبل نزوج اخر

أيادي الأمل · 2014-09-17, 17:04

صح صعيب واش عانيت

ربي يفرج عليك إن شاء الله و إن شاء الله يهديك للقرار الصائب
و بالاك تدير حاجة تندم عليها

seul1 · 2014-09-17, 17:11

merci 3ala redoudkoum mais hamdolilah bdite fi intikami liha et ki hasate que sayé krahtha jate totlob mani smah yahhhhhhhh danya s3aiba et w3ara insan mayhasche bi insan hata yhas bi 3alam

أيادي الأمل · 2014-09-17, 17:16

لكن سؤال

هل وعدتك من قبل انها ستنتظرك؟ و حتى لو تأخرت؟؟

seul1 · 2014-09-17, 17:19

gatie 3ana lik wahdak w jamais tasmah fiya ana li kounte ngoulha nhabso hiya gati la te trajatni mankhalihache 3ana hsabte sah thabni mais hiya kanate tadhak 3aliya fi 3awal forsa jatha nsatni fi dkika

أيادي الأمل · 2014-09-17, 17:22

ربي يفرج عليك

seul1 · 2014-09-17, 18:36

inchallahe khetie habite nsaksik kifache rajal y3arafe ke sah la femme thabo

samirabahi · 2014-09-17, 18:47

السلام عليكم اخي ربي يفرج عليك ان شاء لكن كما يقولوا والله ماتعمر راسك لا تزيد الامر اكثر من ذلك راح يجي الوقت لي تندم فيه هي لكن كون واقف مع روحك اي راجل ولا تعطيها اي اهمية او قيمة

seul1 · 2014-09-17, 18:56

salam khetie hada ghalb et 3ana ghalbi hab sah et jani had el hob we 3ana kbire rani fi koul dkika nmoute 100 mara