مشكلتي مع راتبي

[نورسين.داية]

المشاركة الأصلية كتبت بواسطة sarl02

والله رانا في نفس المشكل ...رانا ضايعين لا دار لا دوار...والدراهم كيما ايجو كيما اروحو....الله اجيب الخير

السلام عليكم

بكل صراحة لا أصدق أن هذا هو وضعك الحقيقي ......على حساب عقليتك ...الله إيجيب الخير ....

[نورسين.داية]

السلام عليكم بالنسبة لصاحب الموضوع :

إسأل نفسك هل تتحمل مسؤولية المصروف المنزلي ام لا و كم تقدر شهريا مع إحتساب المصاريف المفاجئة كإحتياط

ثم حدد مصاريفك الشخصية الشهرية من المفروض لديك حد أقصى
إقتطع المصاريف التي حددتها لك مسبقا أعتقد أنك تستطيع أن توفر قيمة مالية

لا تنسى أخي الذي يريد أن يفر للزواج و المشاريع لا يجب ان يعيش عيشة الملوك و إنما يتواضع شيئا ما يعني تنازل عن بعض الثانويات أعتقد أنك سوف توفر المال

و ضع في إعتبارك أن الله عز وجل لا يكلف نفسا إلا وسعها .........يعني إنسى فكرة العرف و القاليد .....و سر على ما يقوله جيبك ................

بارك الله فيك

[nibou]

المشاركة الأصلية كتبت بواسطة nibou

دير برنامج شوف واش هوما مصاريفك،مثلا النقل قداه يسقاملك،الأكل قداه يسقاملك،الكسوة كل قداه وقداه تتكسى،هل تتكيف و لا حاجة أخرى و نتمنى انك ما تكونش هك طبعا،قداه يسقامولك،يعني مثلا دير دراسة لمدة شهر كااااااامل و شوف المتوسط تاع المصاريف و مبعد حط المصاريف اللي ماراهيش شهرية،يعني مثلا الكسوة وكتاه تتكسى وبقداه تسقاملك،مثلا الأنترنت،إذا كنت ما تسلكش كل شهر،دير حساب لهداك الشهر بلي راح زيد دراهم الأنترنت،مثلا للدار لاكان كشما تشري حاجة كي تجي مروح و لكن ما تكثرش مدام حاب تصدر،المهم قيد كللل مصاريفك،راحنمدلك على سبيل المثال فقط،أنو الشهر يخرجلك لمليون و نص و أنت تسلك ربعة،إذا 2 ملاين خليهم ديما على جنب و يصرى واش يصرى،راني نقولك يصرى واااااش يصرى ما تحبدهمش،أنسااااااااهم و كل شهر هك،و لاكان راك تسلف دراهم للناس ما تكثرش بالتسلاف و لاكان كترو عليك قولهم الله غالب ما عنديش،هادي كبدايةقلنا ديما 2 ملاين ما تجبدهمش و مليون و نص أصرفو على روحك والخمسمية هاديك،خليها بلاك تسحقها في كاش مصروف مفاجئ
و لما مثلا ما تكفيكش المليون ونص،زيد أجبد الخمسمية،نفرضو ما كفاوكش 2ملاين لشهر هنا واش راح دير؟؟؟؟رد باالك زيد تجبد لااااالا روح نتا سلف،فهمتني سلف غير قد ما تحتاج ما تكثرش،باه هكا تقدر تزير روحك و طبعا لما تسلف راه يقرب يخلاص الشهر،إذا غير تسلك ردهم لماليهم فهمتني و هكذا ما طولش عليهم،و ابقا صدر ب 2 ملاين حتى تكمل 10 مثلا،العشرة هادو خلاااص مالازمش تهبط منهم و رتح شوي،يعني أصرف 4 ملاين على روحك لاكان كشما حتجت و بعدها زيد أبدا صدر على 10 ملاين هادوك والدورو اللي تصدرو أنسااااااه،ديرو كلي مكانش،عمرك ما تقول اني مخلي فهمتني و حاجة اخرى و مهمة دراهمك لما تجبدهم أقرا أيات ولا أدعية وأدعي ربي باه يكونو حلال ويباركلك فيهم،هادي اههههههم نقطة و ربي يوفقك

أخي هناك شيء نسيت ذكره،ألا و هو الصددددقة،فهي تدفع البلاء و أيضا ربي يباركلك في دراهمك،فلا تنسى أن تترك مبلغا للصدقة كلما أتيحت لك الفرصة

[زرقـآء اليمآمـة]

اعطني راتبك وسوف اجمعه لك بالنيابة !!!!!
















اخي يمكن الاستعانة باحد افراد العائلة ليحتفظ لك به مثلا الوالدة ...... او الاخت .............
موفق

[أم الولدين]

للاسف محروم من نعمة حسن التصرف في المال
يا اخي لابد ان تعمل بمقولة عندك دورو اصرف دورو عندك مليون اصرف مليون بمعنى
تخلص 4 مبااااشرة بما انه معدرة على هدا اللفظ كفك متقوب ادهب مباااشرة اخبيهم في صندوق التوفير
واعمل في بالك انه فيه افعى يعني كلما تدخل وتوفر فيه ممنوع توضع يدك مرة اخرى وتخرج منه
لو كنت ان شاء الله لست مدخنااا و منزلك لا يبعد كثير عن العمل هدا من حسن حظك ناقص مصاريف
اذن حاول كل شهر دخل لحتى 26000 و يبقالك مليون و ربعمية مشي بها شهريتك مع مصروف البيت فوالديك اولى بمكتوب منه
مع الصدقة طبعا اعملهاا عااادة
انا اقول انك قادر بمشيئة الله يتغير حالك وتعرف تدبر امورك و ترجع تنصح في البقية لي بحالك

[salem1985]

اول حاجة ننصحك بيها اخ ي وانا نلاحظها هي ربما انت تهرب من العمل في اوقات العمل او تدخل متاخر ولا تخرج قبل الوقت من هنا يدخل الربا في المال الحاجة الثانية لازم تعرف الدراهم وين راهم يروحو الكن عرفت خلاص قضيت على المشكل اما انت ناوي تخبي الدراهم فلا اظن انك ستستطيع لازم تدير تقسيط وتبقى توجد في روحك في تجهيز البيت والذهب والمهر واحسن حاجة مجربة عندي انك تتفاهم مع صحابك قال 6 و8 وكل شهر يديهم واحد مثلا انت كل شهر تشد مليون وتعطي 3 وهوما كامل في عام توفر واش يخصك تلحق ليك مرتين في العام بصح 18 مليون ولا 24 مليون تدير بيها واش تحب

[Kawthar77]

عندي اقتراح ليك وهنا في فرنسا موجود لكن في الجزاءر لا اعلم
يوجد دفتر توفير مغلق يعني معندكش الحق تستعمله بعد عامين او تلاتة بإذن الله وإنتا تمضي على المدة لي تحبها وتقدر تضع فيه المبلغ لي عندك كل شهر لكن ليس لك الحق تسحب منه على حسب المدة لي مضيت عليها والله المستعان