لم اجد من الجا اليه رجاءلا تمرو على موضوعي

[السي محمد]

هي اخته أولا و أخيرا

و أكيد يشوفها امانة في رقبته .... ريحة الوالدين ...

لا تعتقدي ان الامر بسيط

قد يكون بسيط من منظورك الخاص

ولكن من منظور الزوج ...الامر مختلف

[@esraa@]

نقولك ربي يفرج عليك
مكيش غير نتي تعاني من هادي المشكلة
كل النساء المتزوجات في دار العايلة يصرالهم هاكا
ما عليك الا الصبر و هو مفتاح الفرج

[mimily]

الاخت اسمحيلي بصح انا نقول انت لازم تفهميهم انا نعيش يوميا هادو اللحظات مرات نسكت مي تقولي بهاديك اللهجة هوما ناقصين امهم راحت و ما عندهم غير بعضاهم كون ما تدافعش على خوها و هو ثاني يدافع عليها شكون مالا؟ واحد براني ؟
و زيد البنت هادي براحتها تخير كيما تحب و ليها رايها كيف اي وحدة , و اصبري تحولي تتهناي ,

[mouloudfan]

يأختى واش نقولك الناس تقريب بلكل هكذا لزمنا نصبرواااااااااا أرجعي لربي وخلي برك رب العالمين هو لي سير الأمور أصبري إن الله لا يضيع أجر الصابرين

[salem1985]

انا واش نقول ليك اختي لازم تصبري وتكوني كي البحر الي طاح فيه يبلعو اما المشاكل العائلية تهبل كاين الكلمة الي يهدرها واحد تجرح العظم وهو يكون قلبوا صافي ما علبالوش انا الصح من العادات انتاعنا كل واحد في دارو والطفلة ما تقبلش الي يسكن مع اهله مهما كانت الظروف الحمد لله هاك رايح ما تكون مشاكل ولا احتكاك والمرة تلقى راحتها في دارها تهدر واش تحب وتلبس واش تحب

[اياد حياتي]

عيييت من كلماتها الاستفزازية وحركاتها وانا ساكتة راهي حاسبة بلي راني خايفة مرانيش حابة زيد المشاكل والمشكل انو كي يجي راجلي تصبح ملاك وتبدى تلعب مع وليدي كأنو مكان والو وحتى انا ما نقولو والو

[زايدي أمحمد]

صدقيني يااختاه كثري الاستغفار لان الاستغفار يحل المشاكل وتوكلي عللى الله وانت كي تعاقبيه اهله على بالدفع التي هي احسن وتشوفي الا ماجاش نهار ويندمو عليها

[اياد حياتي]

ممكن تفسرو لي هذه الكلمة قالت لخوها العسكري في التلفون قاتلك خالتك جيب بنت خالك وزوج بيها ومتزوجش من بنات الزنقة الي يجو يحكمو جيب من بنات الفميلا رجاء فسروها