نجحت في وهران ... لكن ضاع الأمل لازم شهادة إقامة

[momoenssea]

المشكل قالولنا لازم اليوم لازم نجيبوها ....لأنو التربص يبدأيوم السبت و إجراءات الشطب تتطلب وقت ....معليهش ربي هو الرزاق و الله يستركم خاوتي و يفرحكم إن شاء الله

[عابد الماستر]

يا kcmo31 هذا الشخص لي نجح في وهران جزائري ماهوش يهودي
الى وليت تفكر بالجهوية تاعك ... الوهارنة لي خدامين عندنا رايحين نكملو معاهم
الله يهدي ما خلق

[momoenssea]

معليهش مرة أخرى نديرو حسابنا....و عسى أن تكرهو شيئا و هو خير لكم

[kcmo31]

المشاركة الأصلية كتبت بواسطة momoenssea

إلى السيد kcmo31 إدا كنت أنت جزائري و أنا من إسرائيل فلك الحق أن تقول =حتى تكون عبرة لمن يعتبرون أنفسهم مارقين= يا أخي لمادا هده العنصرية و الحسد و البغض لي راه في قلبك و على هدي لي بقات الجزائر هي الأخيرة في كل المجالات غير من الناس لي كيفك و أنا نجحت عن إستحقاق وليست رشوة ....الله يهديك يا أخي ولو كان قالو من الأول على شهادة الإقامة حتى أنا لا أدهب هناك...و ليكن في علمك و الله لو نجحت أنت هنا في الولاية التي أسكن فيها و الله أنا نخدملك شهادة إيواء عندي .....نسأل الله العافية

هذا كلام أكبر منك يا أخي و أنت مسؤول عما تقوله....حنا ما نبغوش لي يقولنا الصح...مين أنت تخدم في وهران...الناس لي تسكن هنا و ما نجحتش وين تخدم ؟؟

[zeyyan]

وعلاش هاد الشي عليكم
وهران فيها الخلصة طالعا و لا الخدمة قليلة
ولا كيفاش
نعرف واحد ربح مسابقة في وهران و يبات في راس سيمي رومورك في البرك
هادي حالة
واحد آخر يخلص 35000 وكاري استيديو بـ 18000
هادي حالة
وزيد وزيد

عندهم الصح وهران زينة
والفاهم يفهم

[momoenssea]

أنا إنسان جزائري و إدا كانت الكفاءة نتاعي هي لي لأهلتني باش نخدم وين راه المشكل؟؟؟؟
و من الأول يقولي كاينة شهادة إقامة منروحش تم ونتعب في شهر رمضان ونقطع مئات الكيلو مترات....
و ليكن في علمك لعام لي فات لي بوست رجعوهم فارغين نتاع الرياضيات لاه الحسد ...ولا فيها إن
على العموم راها ليكم ماناش جايين و الرزق على ربي سبحانه

[kcmo31]

المشاركة الأصلية كتبت بواسطة momoenssea

أنا إنسان جزائري و إدا كانت الكفاءة نتاعي هي لي لأهلتني باش نخدم وين راه المشكل؟؟؟؟
و من الأول يقولي كاينة شهادة إقامة منروحش تم ونتعب في شهر رمضان ونقطع مئات الكيلو مترات....
و ليكن في علمك لعام لي فات لي بوست رجعوهم فارغين نتاع الرياضيات لاه الحسد ...ولا فيها إن
على العموم راها ليكم ماناش جايين و الرزق على ربي سبحانه

الناس لي كيفك هم لي خلاو الجزائر التالية...عايشين في الفوضى و ما يحبوش لي يقول الصح...القانون واضح وانت حبيت تتحايل و تاخد مكان خوتك هاعلاه قعدنا التوالة

[جزائري مغترب]

هذه بلادك واخدم وين ماتحب وماتسمعش من الاصوات العنصرية واللى دايرين فيها هدرتهم صح وقانون ومعلاباليش !!!
هذه ارض ربي وماتدير حساب الا لربي ..
نقلك حاجة شهادة الاقامة كاين الها حلول بالزاف انت زيد سقسيب برك..

[ibra34]

المشكل فيك يا صاحب الموضوع لأن الإعلان الخاص بالمسابقة نص على أن شهادة الاقامة مطلوبة بعد النجاح وأنت غامرت فلا بد أن تتحمل كل تبعات المغامرة...

[بوتاران]

السيد نجح في مسابقة برك ما قالولوش مرحبا بيك
مزية ما دومونداش سكنة و لا قالهم زوجوني

[kcmo31]

المشاركة الأصلية كتبت بواسطة بوتاران

السيد نجح في مسابقة برك ما قالولوش مرحبا بيك
مزية ما دومونداش سكنة و لا قالهم زوجوني

هي تبدا كيما هاك..جا يقلع الضرس..قعد على قداه...

[momoenssea]

لاه راك بغضي لهده الدرجة ....نسأل الله العافية متصادفتش من قبل كي ناس كيفك بهدا القدر من البغض و الحسد

[cheraier]

انشاء الله ربي يوفقك وويسرلك امورك
خويا العزيز ماديرش عليهم انت المهم درت الي عليك ومازورت ماوالو هادي هي الخدمة لوكان ماراكش محتم مانروحش حتى لولاية اخرى باش تفوت اتمنالك التوفيق

[بوتاران]

المشاركة الأصلية كتبت بواسطة momoenssea

لاه راك بغضي لهده الدرجة ....نسأل الله العافية متصادفتش من قبل كي ناس كيفك بهدا القدر من البغض و الحسد

يا أخي .. لا تعمم على ناس وهران
هذا الشخص ربما عنده histoire مع انسان من منطقة أخرى أو راه مديقوتي من نقص مناصب التوظيف في بلادنا
أنا عاشرت ناس وهران و قضيت فيها أكثر من 6 سنوات و لم أجد فيها عنصرية أو شيء من هذا
و لحد الآن لي أصدقاء كثر من وهران و دوائرها .. الأسبوع الماضي كنت هناك فقط
أما من ناحية التوظيف في ولايات أخرى .. لمعلوماتكم : هناك ناس من سعيدة و من بلعباس و الشلف و تيارت .. أعرفهم حق المعرفة يعملون أساتذة في غليـزان و منهم العنصر النسوي أيضا
مديرية التربية رحبت بهم و بعضهم أعطته سكن وظيفي
بلادنا فيها الخير .. ابحث عن رزقك الذي كتبه الله لك في كل مكان
بالتوفيق للجميع

[نسيم77]

الاستحقاق لابناء الولاية الله يجيب الخير