الباصات و النقل العمومي - الصفحة 2

وليد1990 · 2014-08-12, 16:37

اقتباس:

المشاركة الأصلية كتبت بواسطة يسمينة البجائية

تعطي الكف

imagine لوكان تراطي الكف هذاك

بالاك الشاب عندوا سكين و لا مدروكي

بلاك يقدر يضربها ولا ينتقم منها و عائلتها

بصح اختي لازم تدير تصرف ماتقعدش هكذاك

الأستاذة حياة · 2014-08-14, 10:50

هذا النوع نقول عليه ماش راجل ولا حتى خسارة فيه كلمة ذكر يتسمى حشاكم حيوان
وزيد يقول نجربها بلاك تقبل داير في بالو كل النساء كيفكيف امالا لازم تتكلملو ماتسكتش وتلم عليه الناس بلاك يدي طريحة من الرجال الي راكبين وصرات خطرا قدامي واحد ظلم وحدة كان دايرها راكبا وحدها كي قلقت منو قالت لراجلها عليه ورواحو تشوفو هذاك الكف الي جاه قريب يقتلو جاه الروسوفور يجري وهبطو من البوس هايا واش من تبهديلة
يستاهل اكثر من هاك هوا والي كيفو

karim.dz · 2014-08-14, 12:30

المفروض ماتسكتش تهدر تريكلامي
والكلب هذاك او امثاله غالب مايكونو خوافين مايديرو والو
كيفاش باص طول بعرض معمر بالغاشي مكانش واحد فيهم عندو النيف
غريبة ....

ساري الليل · 2014-08-14, 15:48

أستغفر الله

sarl02 · 2014-08-15, 01:13

اولا كقاعدة عامة معروفة كل ما هو جماعي ميزيرية وتمرميد ....ثانيا المعاكسة والتحرش اللفضي او الجسدي اصبحت عرضة له المتحجبة والعاقلة اكثر من المتبرجة لان هاته الاخيرة تكو بطبيعتها متمردة وما تحشمش والي ادور بها اديرلو التاباج واتبهدلو ولا يجرؤ اي كلب على الاقتراب منها الا برضاها والواقع يثبت ذلك ....ثالثا يجب على اي بنت ان تقع في هذا الموقف ان لا تسكت اي احتكاك بها يجب صده بكافة الطرق واغلب هذو الكلاب جبناء ....لانو رانا في وقت العاقلة والي تحشم ياكلوها ...رابعا واخيرا اقول للبنات تفادي الخروج فرادى وللرجال حالو قدر المستطاع اخراج ذويكم بالسيارة ورانا في وقت لا يكاد يخلو بيت من سيارة ووفق الله الجميع.