اريد تعلم البرمجة فهل من مساعد او من مرشد ؟؟؟ - الصفحة 2

khaled hani · 2014-10-04, 00:09

لغة جافا للالعاب سهلة وهي مشتقة من لغة c

Wiem4 · 2014-10-23, 22:38

سلام مروان سافا
مبروك عليك خويا المدرسة العليا كانت امنيتي ندخل ليها بصح ماكتبش ربي و زدت سجلت في الباراميديكال و ماعطاوهاليش صراحة راني خايفة من الهندسة بسكو الطلبة اللي كتر منا ديما يخوفوني منها
معليش خويا ، صراحة انت اللي درتلي القلب و قلت معليش نقراوها انا و مروان على الاقل يحفزني و يعاوني و نعاونو بصح راك تهنيت مدرسة عليا حاجة فور بصح حبيت نسقسيك كيفاه حتى قبلوك فيها ؟؟ انا كون مدوهالي كون درتها حتى و ادا كانت في دزاير خير من تمرميدة تع الهندسة
ربي يوفقك خويا و تستاهل كل خير
ربي يكون معاك

محب الخضر · 2014-10-23, 22:47

سلام عليكم
وئام في غالب الأحيان في الترونسفار يشوفو للنقطة المادة اللي راك حاب تحول ليها اون بليس معدلك يكون قريب شوية وشوية معرفة .
بالتوفيق وئامو.

Wiem4 · 2014-10-23, 22:54

و عليكم السلام واش هاد لغيبة مروان الحمد لله على السلامة
آه اوكي
انا صحبتي دارت كونكور و نجحت و انا ماسمعتش و ماقتليش شحال غأضني لحال علابالها بلي كنت حابة مدرسة عليا و ضربت النح معليش نكمل في لهبال تع الهندسة إن شاء الله برك مايصرالي والو و لا نهبل هههه
بصحتك مروان و الله المدرسة العليا خير انا قلت بالاك ندير ترونسفار لقسنطينة في السنة الثالثة إن شاء الله