مسابقة الأساتذة لولاية قالمة

[sawsen ber]

المشاركة الأصلية كتبت بواسطة adnou eclypse

شهادة الاقامة مطلوبة ايه و هادي رسمي من المنشور ، كشوف النقاط و الله ما نعرف ، نهار المقابلة نديهم معايا و نشوف التمسخيرة هادي ، و ادا كشما خشنو راسهم يدور تطياح قدر لانو بالوثيقة قالوا السنة الاخيرة برك

وي هكذا لازم دير.خاطر الخرطي كامل جاي من عندهم واحد سمع و 10 لالا.الله لايتربحهم في نهار اليوم.

[Adnou Eclypse]

المشاركة الأصلية كتبت بواسطة sawsen ber

وي هكذا لازم دير.خاطر الخرطي كامل جاي من عندهم واحد سمع و 10 لالا.الله لايتربحهم في نهار اليوم.

انا حتى كون سمعت ما نديلهمش ، نشقى على جال غلطة من عندهم في السخانة هادي و في رمضان ؟؟ لكان هوما فاطرين الناس اي صايمة

[sawsen ber]

المشاركة الأصلية كتبت بواسطة adnou eclypse

انا حتى كون سمعت ما نديلهمش ، نشقى على جال غلطة من عندهم في السخانة هادي و في رمضان ؟؟ لكان هوما فاطرين الناس اي صايمة

هههه ضحكتيني.ام قالوا غير لحبابهم وصحابهم.اي فيها تلاعبات كبيرة كل واحد حاب ماليه.و خلي لي جاو منا ومنهيه.

[Adnou Eclypse]

يا جماعة ؟ كشما جديد على قصة الكشوف الاخيرة ؟؟ و وين ولات قصة هادوك لي دارو الاحتجاجات

[CR24]

لا أعلم ولكن غدوة تبان ان شاء الله

[lilyann]

rabi sahalalkem wla ihtijaj la walo min jabto lhadra hadi
yak antouma 9aryin wfahmin mala tab3o l9anon l9anon wala ay waha icharak win ihab f ay wilaya
nass kalma najhat wrahi khadama whna nahasbo lba3dana
rahiii maktob lkhadma w razak men 3and rabi ihna 3lina sa3ay bark
w banasba llmo3adal rahom talbin ta3 l3wam kol
mala adiho m3ak khoya wrabi sahallkom jami3a
saha ftorkom
w tanawiyat 1 novomber yak hda baladiya wla rani ghalta jawboni

[sawsen ber]

المشاركة الأصلية كتبت بواسطة lilyann

rabi sahalalkem wla ihtijaj la walo min jabto lhadra hadi
yak antouma 9aryin wfahmin mala tab3o l9anon l9anon wala ay waha icharak win ihab f ay wilaya
nass kalma najhat wrahi khadama whna nahasbo lba3dana
rahiii maktob lkhadma w razak men 3and rabi ihna 3lina sa3ay bark
w banasba llmo3adal rahom talbin ta3 l3wam kol
mala adiho m3ak khoya wrabi sahallkom jami3a
saha ftorkom
w tanawiyat 1 novomber yak hda baladiya wla rani ghalta jawboni

قاريين وفاهمين وي.بصح تبقى الاولوية لابناء المنطقة مايجيش واحد منعرف منين يديها.كاين اضراب ومدير التربية راهو يدرس في الامر.واعطى اوامر للاساتذة المشرفين باه اي واحد يلقاوه خارج الولاية مايديش 3 نقاط نصف نقطة بزاف عليه.هكذا كل دوار يخدموا فيه ولادوا ميش يجي واحد من الثلث الخالي يخدم في بلاصة خاطياتو.وزيد الابتدائي راهم حلوا خيراتك ياربي سوا عنابة ولا سكيكدة ولا الطارف راني حايرة فللي جايين.بصح محال يخليوهم شباب قالمة الباطلين يديو لي بوست هكذاك.وثانوية اول نوفمبر راهي وسط المدينة مرحبا بيك غدوة عندنا

[سمية سمسو]

في الاستدعاء حاطين سلم التنقيط مكتوب المعدل العام بين قوسين معدل السنة الاخير و حنا حكمو علينا كشف نقاط السنة الاخيرة فقط

[lilyann]

yak ana li 9otlak al awlawiya labnaa lmanti9a
wanti samhili wach 9al9ak yak anti men om labwaki hakda golti lmara li fatt wmakhalawakch tsajli l’essentiel b chance a vs
wnsid ngolak haja rahom darso lmilafat wli naksato haja 3aytolo ana sahabti ghaltat f chahadat 3amal 3aytolha w9alolha ya tjibiha ya dosi ntaychoh 3awdat salhatha
wana bidni lah nfawt d'abord skikda apré nchof ida nji lgualma ou n blmaktob ghadwa njawbak w tanawiya ou exct
wmarhba bik 3adna anti tani

[بنت الفخر]

yakhi hadi sawsen galit lmara lifatit bili am ma9iblolhach dossier w dok tgol marhba bikom 3indna haja bark ila khda3tina lmara lifatit wkilik rabi

[Adnou Eclypse]

سلام عليكم و صج فطوركم ، اني نشوف بلي كل واحد يغني في غناية ، شكرا ليكم كل كي عطيتونا معلومات و غدوة يبان كلش في قضية تاع الولايات لي من و من ، و كشف النقاط نروخ للكاديمي و nconfirmi الخالوطة هادي ، الاحت لي سقسات على ثانوية أول نوفمبر ـ نعم اي جهة البلدية ، روحي وين موالفين يحبسو les bus و سقسي برك اي ساهلة ، و الاخت سوسن شكرا على المعلومات بصخ قوليلنا برك ، نتي وش من ولاية و وين راح تعقبي ؟؟

[lilyann]

الحمد لله انا درت الي عليا والباقي على ربي سبحانو
توكلت على ربي والحمد لله فوت المسابقة في سكيكدة وقالمة
بالتوفيق

[بيلسان91]

المشاركة الأصلية كتبت بواسطة lilyann

الحمد لله انا درت الي عليا والباقي على ربي سبحانو
توكلت على ربي والحمد لله فوت المسابقة في سكيكدة وقالمة
بالتوفيق

المسافة بعيييدة ياسر من سكيكدة لقالمة كفااك الوقت بش رحتي لقالمة
المهم ربي ينجحنا

[hmz49]

المشاركة الأصلية كتبت بواسطة lilyann

الحمد لله انا درت الي عليا والباقي على ربي سبحانو
توكلت على ربي والحمد لله فوت المسابقة في سكيكدة وقالمة
بالتوفيق

ربي يوفقك إن شاء الله ولكن نصيحة و إن شاء الله تتقبلها

قل كلش على ربي سبحانو وباقي عليا على خاطر الامر كله بيده سبحانه و ربي يوفقك إن شاء الله

[Adnou Eclypse]

سلام عليكم ، البارح عقبنا المقابلة و الحمد لله كانت في ظروف مليحة بالرغم انو المعريفة عيني عينك و كاين ناس تعاركو مع المفتشين ,,,,,مهم ، قصة الكشوفات في طور المتوسط فيها خلوطة كبيرة و حتى لي يخدمو في لاكاديمي ماش فاهمين ، دركا وين كنت في لاكاديمي سقسيت وحدة في مصلحة الامتحانات قتلبي نحسبو الاخير فقط و سقسيت وحدة خلاف قتلي نحسبو الكل ، ايا مالا قتلهم نعتولي رئيس المصلحة ، هدرت معاه قالي نحسبوهم كل ، زدتلهم الكشوفات تاعي بصح مازالو ما حطوهمش ، كتبت فيهم رقم الدوسي و خليتهم