الزواج من شخص اقل منك في المستوى الدراسي؟؟؟

[foufah]

ya khoti attention, ana mazewja wahad mach 9ari w ana ani nkamal f doctorat, wallah malgré kolech basah dima kayen machakal..niveau yal3ab dawr kbir bazef bzef.,

[optimism]

السلام عليكم
كل شيء نسبي,,,,,,,,,,,,,,,الا,,,,,,,,,,,,,,,,,,,,,,,الدين والاخلاق

[imy13]

oui kayana manha des fois talkay taraf akher yathass man niveau ida maditi ray yegolak 3lach man jiti nti kareya w des fois la yekadar marto min kareya hadi machi math wala chimi ga3ida lazam naltazemo bbiha hadi heyat
w tafekir yetebadal man chakhes l akher donc zewaj yekon mabeni 3la tafahom whob mabin zawjayan

[lamine_du23]

la montalité + le niveau culturelle + le comprendre

[ام مهدي 03]

بالنسبة لتجربتى قبل ما نزوج كانت امنيتى ندى راجل متدين وقارى
والحمد لله راجلى ما شاء الله فى الدين واحسن منى فى المستوى العلمى
لكن بالمقابل تنازلت على خدمتى وعشت 3 سنوات مع العائلة الكبيرة
لكن ما ندمتش ابدا لانى لى تمنيتو عطاهولى ربى

[realmahoni]

المشاركة الأصلية كتبت بواسطة امينة علوم

هذه الدنيا مليئة بالمفارقات .ومفارقات الزواج و الارتباط كثيرة هي
وسؤالي هو:
هل تقبل او تقبلين الارتباط من شخص يكون مستواه الدراسي اقل منك؟؟
ان كان نعم او لا لماذا؟؟

المستى الفكري أهم من التعليمي والأكاديمي....فما أكثر ذوي الشهادات ولكن أغلبهم متلبد يشكو من تشوهات فكرية يصعب التعامل معها....

[السي محمد]

السلام عليكم

انا خطبت وحدة جامعية ( ماستر ادب عربي)

و خطبت وحدة مستواها 3 ثانوي

و في الحالتين لم ينجح الزواج

...ههه ربما انا مُضطر لخطبة فتاة مستواها متوسط او ابتدائي ربما ينجح الزواج

كنتيجة

قارية مش قارية متخرجة مش متخرجة


كيفكيف

لا فرق في المعاملة او العقلية او الطلبات او طريقة الكلام

كيفكيف

اعتقد بان كل النساء متشابهات ...بدلوم او بدونه

الجزايرية هي الجزايرية.. المشاكل نفسها و العقلية وحدة

لان الفتيات تنشا في مجتمع واحد هو المجتمع الجزائري بكل سلبياته و اخطائه

فروق بسيطة في الشكليات تكتسبها الفتاة لما تدرس دراسات عُليا

اقول شكليات

لان الاساسات و الركائز في شخصية البنت تُبنى قبل سن ال18

يعني قبل امتحان البكالوريا تكون 98% من شخصية البنت و مبادئها و تربيتها

قد تحددت بصورة نهائية



=========و الله يعلم

[LOUNIS HOUAS]

السلام عليكم إخوتي الكرام الحياة هاذي اولويات و كل واحد واش راح حاب في شريك حياتو انا رأيي الشخصي التربية و الأخلاق اولى بكثير من المستوى الدراسي و لكن اذا لقيت وحدة متربية و قارية خيرمن اللي متربية و ماش قارية و هكذا و كاين اللي يحب اللي عندها المال و كاين اللي يحب الخدامة و كل واحد و القناعة نتاعو لكن المستوى الدراسي ليس بالعائق الكبير

[امينة علوم]

نورتو موضوعي
انا طرحت هذا النقاش لانو بعد تخرجي و اختلاطي مع الناس
وجدت ان الشخص لا يقاس بشهادته ولكن يقاس بعقليته باخلاقه دينه .....
خاصة شهادات هذا الوقت حبر على ورق
طريقة التفكير..المعاملة...الاخلاق ...الدين...هي الاساس و المقياس الحقيقي لاختيار شريك الحياة

[احساس2009]

في الحقيقة تلقاي واحد مستوى دراسي نتاعوضعيف بصح تلقايو مثقف في امور الدنيا احسن من الدي لديه شهادات جامعية

[bellaluna]

الشهادة ليست كلّ شيء لكن على الفتاة أن تجد الحدّ الأدنى من التوافق العقلي مع زوج المستقبل و الرّسول صلّى الله عليه و سلّم وصّى على التوافق بين الطرفين.

[maya bouharoun]

الشهادة لا تعكس المستوى الثقافي ابدا يقدر يكون وزير كيما سلال و ما يعرفش يقول 2 كلمات يقدر يكون الانسان مثقف و ماعندوش شهادة و العكس لي دات راجل فاهم و اخلاقو مليحة و يحبها واش دير بشهادتو لا اعتقد ان هذا يعد نقصا في الرجل فالاغلبية عجزوا عن اتمام دراستهم لاسباب مادية و ظروف عائلية و لو عاشو في غير زمان و غير مكان كانوا اتموا دراستهم انا في عملي يخدموا معايا بنات يقولولك لازم نتزوج بمول شهادة فقط للمظاهر و خوفا من كلام الناس و يخدمو معايا دكاترة طول النهار يحاحيو في البنات و كاين لي دخل الحبس من وراء قصص البنات في مدينتي طبيبة متزوجة بخضار عادي الناس تحكيها كانها سابقة من نوعها وانا والله ما فهمت وين راه المشكل المهم اخوتي في الرجل رجولتو و اخلاقو اما الشهادة لي يتكبرو بيها يبلوها و يشربو ماءها فالفرق بين الناس هو التقوى و حسب

[امينة علوم]

المشاركة الأصلية كتبت بواسطة maya bouharoun

الشهادة لا تعكس المستوى الثقافي ابدا يقدر يكون وزير كيما سلال و ما يعرفش يقول 2 كلمات يقدر يكون الانسان مثقف و ماعندوش شهادة و العكس لي دات راجل فاهم و اخلاقو مليحة و يحبها واش دير بشهادتو لا اعتقد ان هذا يعد نقصا في الرجل فالاغلبية عجزوا عن اتمام دراستهم لاسباب مادية و ظروف عائلية و لو عاشو في غير زمان و غير مكان كانوا اتموا دراستهم انا في عملي يخدموا معايا بنات يقولولك لازم نتزوج بمول شهادة فقط للمظاهر و خوفا من كلام الناس و يخدمو معايا دكاترة طول النهار يحاحيو في البنات و كاين لي دخل الحبس من وراء قصص البنات في مدينتي طبيبة متزوجة بخضار عادي الناس تحكيها كانها سابقة من نوعها وانا والله ما فهمت وين راه المشكل المهم اخوتي في الرجل رجولتو و اخلاقو اما الشهادة لي يتكبرو بيها يبلوها و يشربو ماءها فالفرق بين الناس هو التقوى و حسب

عندك الحق اختي هذا الزمان ولا مظاهر

[اغادير]

المستوى الدراسي لا يعمل فارق اختي .... تقدري تلقاي عقليتوا هايلة ومثقف ومستوى دراسي قليل جدا..... ماشي مشكل المهم يكون الشخص مليح يعرف ربي واهم حاجة يعتمد على روحو

[قويدر الذكي]

إذا كانت الشهادة معيار تسمى الحمد لله بلادنا بخير ومنظومتنا التعليمية لاباس. رانا شفناهم ينجحوا بالغش ومعاودة المواضيع تاع العوام الماضية. الدراسة مليحة تفتحلك أفاق بحيث عدد المتقفين اللي قاريين أكبر من المثقفين اللي ماقراوش بصح ماهيش معيار. كيما يقولو ناس بكري : أعطيهولي فاهم الله لا قرا.
قول الرسول صلى الله عليهوسلم يشفيالغليل :
1/ روى البخاري عن أبي هريرة رضي الله عنه أن رسول الله صلى الله عليه وسلم قال: "تنكح المرأة لأربع: لمالها، ولحسبها، ولجمالها، ولدينها، فاظفر بذات الدين تربت يداك".
2/ وقد قال صلى الله عليه وسلم: " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذي وغيره.
صح فطوركم