لي سكنت مع اهل الزوج

[ام مهدي 03]

المشاركة الأصلية كتبت بواسطة الجنة الجنة

السلام عليكم
حبيت نسال النساء اللي تزوجو وعاشو مع اهل الزوج اذا ممكن تفيدونا بتجاربكم، كيفاش كانت تجربتك عند السكن مع اهل الزوج ؟ هل السكن مع الاهل شيء سهل ام لا؟ ما هي الامور التي يجب تفاديها؟ هل يسبب ذلك مشاكل بين الزوجين؟
افيدونا جزاكم الله

من تجربة 3 سنوات مع اهل زوجى
السكن مع اهل الزوج ليس سهلا
الامور التى يجب تفاديها .... ماديريش رايك . ما تذكريش دار باباك كيفاه عايشين. ما تقوليش ماما دير هكذا. ديرى كيما يديرو. حتى وكنت مقلقة ما تشنفيش وما تنسايش صباح الخير مساء الخير......
يسبب المشاكل لكن بنسبة حسب طبيعة الاشخاص
لكن تربحى حاجة كبيرة انك تطبعى على عجوزتك فى المطبخ وكى تروحى لدارك ما يضلش الراجل يقولك كانت يما دير ..........
وبهذا تكونى صورة امه وتزيدى تفاجئيه بصورتك وكيما تعرفو الراجل مهما يعز المراة لكن الطريق الى قلبه معدته

[السي محمد]

في مساء رمضان

عندما تكون زوجة اخي مشغولة بالطبخ اتعلمون ماذا افعل ؟؟؟

انا العب مع ابنها ( 4 سنوات) و اقوم بتبريد جسمه بالماء كل يوم و اُخرجه معي للنزهة ..اضربه احيانا...اشتري له هدايا و العاب..اُربيه..إذا مرض اجري به للمستشفى ...احن عليه ...العب معه كرة القدم ..اُعلمه الصلاة و اُحفظه القرآن...آخذة معي للمسجد او السوق ... اُعلمه آداب الاكل و الطريق..الخ

لا تنظروا فقط لعلاقة الزوجة بالعجوز و الحماة

انظروا للبيئة التي يتربى فيها الطفل بين اعمامه و عمّاته

و الفرق بين طفل يكبر بين اربع حيطان و امام قناة طيور الجنة

و طفل يكبر في وسط العائلة و امام جدته و جده و ابناء العم و ابناء العمة و....فرق كبير في النشاة و النفسية و العقلية

انا اعرف ذلك لاني ارى الفرق بعيني بين ابن اخي الذي تربى في وسطنا و ابن اخي الثاني الذي تربى لوحده ( و امه عاملة)

فرق كبيييييييييير


=======
يجب النظر للموضوع من زوايا مختلفة


أخي لا يتجاوز مرتبه 1.5 مليون سنتيم

اتعتقدون ان بامكانه ان يصرف على نفسه و بيته لو كان يسكن وحده؟؟؟

المثل يقول ( المعاونة تغلب السبع ) و ( الدار غولة) يلزمه تعاون الرجال في المصاريف و النساء في الاشغال ايضا

=======

مُجرد رأي

[السي محمد]

المشاركة الأصلية كتبت بواسطة ام مهدي 03

من تجربة 3 سنوات مع اهل زوجى
السكن مع اهل الزوج ليس سهلا
الامور التى يجب تفاديها .... ماديريش رايك . ما تذكريش دار باباك كيفاه عايشين. ما تقوليش ماما دير هكذا. ديرى كيما يديرو. حتى وكنت مقلقة ما تشنفيش وما تنسايش صباح الخير مساء الخير......
يسبب المشاكل لكن بنسبة حسب طبيعة الاشخاص
لكن تربحى حاجة كبيرة انك تطبعى على عجوزتك فى المطبخ وكى تروحى لدارك ما يضلش الراجل يقولك كانت يما دير ..........
وبهذا تكونى صورة امه وتزيدى تفاجئيه بصورتك وكيما تعرفو الراجل مهما يعز المراة

شكرا اختي

لكن اعتقد انه هذه المقولة

** الطريق الى قلبه معدته**

لا تنطبق على الكثير من الرجال

لذا فهي ليست قاعدة عامة للرجال

[عائشة 88]

المشاركة الأصلية كتبت بواسطة **مياس تسنيم**

والله يكونوا ملائكة لا تتهناي في العايلة وعمرها الكنة متكون مليحة في وسط الاهل

يا اختي متحكميش من تجربة واحدة احنا زوجت اخي عايشة معانا كي الملكة والله الحمد لله شوفي الوحدة تدخل بنيتها احنا نعاملها مليح وهي اذا كانت نيتها ماشي مليحة نيتنا تخرج فيها راه ربي عالم كيفاش رانا نعاملو فيها.....

[أم لُجَيْن]

السكن مع اهل الزوج ليس عيبا ولا عار لكن ليس بالسهل عندي قريب عامين فالاول صراحة كانوا يعاملوني فوق الهايل من بعد عام تقلبو راسا على عقب مي صراحة انا مازال تعاملي معاهم مليح بزاف وميشهدوليش بكلمة قبيحة رغم اني اسمع منهم مرات الكثير ليست عقالة مني انما احتراما لهم والوحدة تربح الاجر مش رايحين يدومو معاها العمر كامل اما عن التاثير فالزوج يتاثر اكييييييييييييييييييد مي كي تكوني مليحة انت معاهم وتتجنبي المشاكل مهما كان الوحدة مش معصومة من الخطا مي تحاول قدر المستطاع الهروب من المشاكل وكيما ذكرت الاخت قبل اذا كان الزوج راتبه الشهري قليل معندها ما دير تتحمل وكل وحدة وناصيتها وش عطاتلها ونقولو الحمدلله وربي يفرج

[شمس* الأصيل]

السلام عليكم .....................

شوفي اختي لازملك الحيلة باه تقدري تعيشي معاهم .......................................بسكو عزوجك ماشي ماماك و حمياتك ماشي خواتاتك .......................................و الله يسهل.............................

[هجيرة جمعة]

sah kima adiri marakiche mliha tabkay toujour barannya

[maya bouharoun]

السلام عليكم انا تجربتي مازالت جديدة قريب عام لي ما يقدرش يسكن وحدو محتم تصبري معاه و اللي قادر احسن لانو بغض النظر عن المشاكل لي تصرا كاين حدود شرعية اغلبنا يتجاوزها بحكم العرف مثلا ادا عندك سلافك رجال محتم ديري خمار مي كاين عائلات ماتتقبلش هاد الشي مام الزوج يقول كيفاش ديري خمار على خويا ومام قبل ديريه راح يصراو بزاف مواقف وين خطرة يلقاوك بخمار و خطرة راسك مكشوف و تولي تجري و تتحرجي زيادة على هذا لازمك لباس شرعي مع الخمار يعني تلبسي كلشي عريض و مع الشغل صعيبة شوي و كي يلحق الليل تقولي نلبس واش حبيت باسكو هاداك الوقت الوحيد لي تقدري تكوني فيه وحدك مع راجلك ديري ماكياج و تلبسي حاجة مليحة و تمشطي شعرك يدخل يطفي الضوء و يرقد ولا ما رقدش يقعد معاك ساعة و يكون ديجا والفك بالجبة لعريضة و الخمار و الفتن تاع الشارع ولله ما ترحم و الحاجة التانية هي انو ساعات تكون زوجة الاخ وحدها في الدار مع اخ الزوج و هدا مرفوض شرعا بالرغم من انو سلفك متربي و صالح مي ما تقدريش تقوليلو اخرج برا حتى يجي خوك باسكو هديك دارو معندو وين يروح و العرف تاعنا ما يفهمش بلي هدا شرع ربي و في الاخير نقولكادا سكنتي مع العايلة ديري خمار من اول يوم باه يوالفوك سينو جامي تقدري ديريه

[fati_mohamed]

موضوع هااااااااااايل ان شاء الله يزيدو يفيدونا المتزوجين انا تاني رايحه نسكن مع العائلة

[أم أحمد عبد الصمد]

نصيحة لكل بنت باغية تتزوج تشترط سكن خاص بها ، و إلا مع الأيام تحكمك قنطة ، الأم تبغي الخير لبناتها لكن الكنة كون يصيبو تبقى غير تحت رجليهم ، يقولو الإخوات الصبر ثم الصبر نقولك يجي وحد النهار وين تطرطقي للصبر حدود و إلا لازم الواحد يعيش منافق معاهم يلا قدر

[نسائم الهدى]

اختي نصيحتي لك او بالاحرى نصائحي هي :

اولا و قبل كل شيء ما تداسريش سلافاتك او زوجات سلافك

ثانيا اخطيك من حكاية الهدية راني جربتها قبلك تعلمهم يطمعو فيك و نهار تنشف العين يدورو عليك

ثالثا : اسكتي التزمي الصمت ما يكون بينكم غير السلام و بس

رابعا : ما تداسري حتى واحد خلي ديما بيناتكم مساحة احترام

خامسا : ديري قدر لروحك يقادروك الناس و ما تسمحي لحتى واحد يقرب منك

و قبل كل هذا و بعده الصبر الصبر الصبر الصبر الصبر و طوووووووووولة البااااااااااااااال

و انت شوفي

بالاك تصيبي ناس ملاح

ربي يهنيك اختي

صح فطورك

و سلام

[oosaisdo]

المشاركة الأصلية كتبت بواسطة hodayena

النفاق هو الحل للعيش مع اهل الزوج اذا لم تكوني منافقة فلن تعيشي وكل معاملاتك ستذهب سدا هذا عن تجربة شخصية واهل زوجي امه وابوه راح يدمرولو دارو وهو لا خبر وراه فرحان بكلام ابوه

والله لاعندك الحق يبغو اللي يكدب عليهم ويوريهم العين الحمرا وما مول النية الصافية والله مايبغوه يبانليهم خبيث وكاين تاني حاجة على حساب ولدهم لكانو يبغوه حتى مرتو وولادو يبغوهم ولاكان العكس مايتبغا لاللولد ولا مرته ولاولاده والله غي يفرزو العقل مايبقاش

[eBusiness]

حينما اقرأ الكثير من الردود من تحرض الزوجة على أهل زوجها وعدم قبول العيش مع أهله والله أسأل نفسي بما أنكن لا تحبن أهل الزوج فلماذا تتزوجن أصلا بإبنهم؟؟؟ لا تتزوجن وأمكتن في بيوتكن، يعني لا يوجد مشاكل لديكن في بيوت أهلكن؟؟؟ والله هزلت!!!

[الجنة الجنة]

شكرا لكل من ادلى بدلوه وافادنا برايه

[zarazizou]

تجربتي الخاصة
الزوج عليك و أهله كاااااااااااااااااارثة الصبر ثم الصبر ثم الصبر وان نفد الصبر فما الحل ؟
الللللله المستعااااااااااااااااااااااااان