لمن يعاارض غلاء المهور,,,,

[امينة النايلية]

المشاركة الأصلية كتبت بواسطة مريم الصابرة

السلام عليكم اختي بارك الله فيك
الرجال واش يعرفو يهدرو برك هو نهار يجو اهلها يجيبو القش نتاع العروسة هو يكون برا مع الرجال ما يشوفش لغارد كور نتاع دارهم كي يكونو واقفين ويوشوف واش جابت والمعاير طلقوها اهلها بلا حوايج هذي ما شافهاش
كي تكون راحا تتصدر او ثاني واقيل ما حقهاش تتصدر وتفوت على السكانيير هذا صف العجايز وهذا صف الكنات وحتى الذراري نتاعهم ويعلقو هو يكون برا متبسم ويعرض في كتافو ما يروحوش يقول وليدنا ما مدلهاش حقها او يوقول وليدنا زواليما مدلهاش بزاف لالا الاكيد يهدرو عليها
الله غالب صح كاين اهالي غلو المهور بزاف وكاين نسا شرطو سكنهم الفردي وهنا غلطو ما يقدرش راجل يبدا حياتو من 0 يخمم يجيب سكن لكن هوما ثاني يراعو شوي الغلاء
يا اختي اللي حاب يجاهد ويدخل اوروبيات للإسلام حنا نديرو كي جداتنا نديرولهم الفطير والخبز المطلوع ونبعثوهولهم للجبل وللجهاااااااااااااد

عجبتني هاذي المزحة راكي عايشة الحدث .ربي يهنيك انشاء الله

[مريم الصابرة]

المشاركة الأصلية كتبت بواسطة راية الاسلام1

مرحبا اختي مريم
والله كلامك صحيح مئة بالمئة
الرجال مايفهموش لحوايج هادو وكاين اموور بزاااف لا علم لهم بها
مي في الاخير المراة اللي تسلك
واكثر مااتعجب منه هو انو الرجل قادر يروح يعيش في اوروبا ومايقدرش يتزوج والله عجيب
والغريب في الامر انو يعيش كي الكلب هناك بدوون حقوق دون المحرووسة زوجته الاوروبية
يعني هي الامان تاعو
وضحكتني هادي تاع الجهااد والمطلوووع
مشكووورة على المرور حبيبتي

السلام عليكم اختي صحا فطورك
اكيد المهر مهما يمد الراجل ما يكفيش واهلها يزيدو الضعف لكن تلقاي الراجل ما يهمش الامور هذي ويقولك مالازمش تجيب امور بزاف لكن الله غالب مهما تنقص تلقى روحها لازم دير الراجل عندو المهر وغرفة النوم وتاكليف العرس اما الطفلة عندها امور بزاف ديرهم
اما الللي راهم يهدرو على الاوروبيات خليهم يذوقو الذل هناك ومن بعد دنيا طويلة ونشوفوهم كيفاه تخلاص عليهم رانا شفنا اللي قبلهم كيفاه رجعوهم
اما الجهاد راني نشوف الخاوة رجعو مجاهدين غير اللي يهدر يقولك نديها وندخلها الإسلام سبحان الله كان اولى تستر يتيمة او تستر ولية هنا من بلادك لكن عندهم قابلية يتقبلو توبة اوروبية كل حياتها فجور وما عندهمش قابلية يقبلو جزائرية سبحان الله
شكرا اختي وتبقى الطفلة معززة مكرمة في دار اهلها جا الراجل او ماجاش وماكانش اللي سمعت بها ماتت من غير راجل
شكرا لك وبارك الله فيك

[مريم الصابرة]

المشاركة الأصلية كتبت بواسطة امينة النايلية

عجبتني هاذي المزحة راكي عايشة الحدث .ربي يهنيك انشاء الله

السلام عليكم أختي
صحا فطورك وربي يعيشك ويعطيك الصحة لأنو هذا واقع كلنا نعرفوه ونعرفو واش يصرا في جهاز العروسة
شكرا

[راية الاسلام1]

المشاركة الأصلية كتبت بواسطة aymmen

السلام عليكم اختي مجددا نحن في منتدى نفيد ونستفيد وكل انسان تفكيره.
وعندي نصيحة في آخر كلامي ولاداعي للرد

نصيحة يا نساء ابتعدو عن الرجال حلمهم العيش دون زواج وتحطمن احلامهم[/color] وعند زواج برجال الغير ملتزمين ندم وحسرة عند مرأة اتمنى ان تتقبلو نصيحتي[/b]

يا اخي والله نقولك حااجة بصح ماتغيضكش مني
العربية تاعك راهي كوداتني
بالنسبة للزواج فهو اكمال نصف دين والجنة تحت اقداام الامهات
اترااني اترك فرصة كهاته!!!
شكرا وعذرا على الرد

[راية الاسلام1]

من جديد تنظرون إلى الأمور من الزاوية الضيقة والعمياء فكيف لكن أن ترين الحقيقة، لا ارى علاقة بين أن يكون شخص طالب لبنت الحلال العفيفة وإدعاء المثالية، بالله عليك أين رأيت ذلك؟؟؟ نحن رجال ونبحث عن نساء وإن لم نجد تلك النساء لن نتزوج فأين إدعاء المثالية هذه؟؟؟
صح فطورك وفي المرة القادمة تجنبي القفز إلى الأمام لأنه في الغالب ستسقطين، أعجبني جانب كبير من موضوعك وأردت أن أضيف لموضوعك أنه فعلا الحربايات اللواتي يجلن ويصلن في هذه الارض لا يستاهلن أن يكن مربيات أجيال، يعني لا يستاهلن الزواج يعني لا يستاهلن مهر أصلا!!!

[/QUOTE]

اعتذر منك يا اخي ان كنت وصفتك باي صفة
ماعليــش بالاك كان رمضان حاكم عليا قبل الفطوور
ومواضيع هذا المنتدى طلعولي الضغط
عموما الانساان كي يكوون طااهر وعفيف عمرو مايخااف من شريك او شريكة المستقبل
وربي يمد للانسان على قد قلبو ونيتو
والله يا اخي بنات الاصل كثيراات ومنهن زميلات المدرسة القرانية لا ينقصهن جمال ولكنهن ماكثات بيوت
وتبقى العبرة بالخواتيم
أظننا خرجنا عن موضوع الموضوع
باارك الله فيك أخي
مشكوووور

[راية الاسلام1]

المشاركة الأصلية كتبت بواسطة مريم الصابرة

السلام عليكم اختي صحا فطورك
اكيد المهر مهما يمد الراجل ما يكفيش واهلها يزيدو الضعف لكن تلقاي الراجل ما يهمش الامور هذي ويقولك مالازمش تجيب امور بزاف لكن الله غالب مهما تنقص تلقى روحها لازم دير الراجل عندو المهر وغرفة النوم وتاكليف العرس اما الطفلة عندها امور بزاف ديرهم
اما الللي راهم يهدرو على الاوروبيات خليهم يذوقو الذل هناك ومن بعد دنيا طويلة ونشوفوهم كيفاه تخلاص عليهم رانا شفنا اللي قبلهم كيفاه رجعوهم
اما الجهاد راني نشوف الخاوة رجعو مجاهدين غير اللي يهدر يقولك نديها وندخلها الإسلام سبحان الله كان اولى تستر يتيمة او تستر ولية هنا من بلادك لكن عندهم قابلية يتقبلو توبة اوروبية كل حياتها فجور وما عندهمش قابلية يقبلو جزائرية سبحان الله
شكرا اختي وتبقى الطفلة معززة مكرمة في دار اهلها جا الراجل او ماجاش وماكانش اللي سمعت بها ماتت من غير راجل
شكرا لك وبارك الله فيك

والله نعم الرد ردك أختي مريوومة
أنا الان اختي طبيبة ومخطوبة و بشهريتها
والله مالقات روحها مع التهاب الاسعاار
مع انها غير متكلفة يعني ماطيحش على راس النوارة
والله غلبت واحيانا تقولي مليحة اللي تدي الفاليزة تاحا وتمشي
وكما قلت حبيبتي الزواج بالاوروبيات ذل في ذل الا اذا كان الرجل عندو الدرااهم هاديك حاجة اخرى
ربي يبعت لكل بنت حلاال الزوج الصاالح
باارك الله فيك أختي مريم

[" أبو عبود"]

وهل الشورة والفراش من شروط الزواج؟ كل هذه طرق وتحايل لاكل مال الرجل. يعطيها 15 مليون تشري منها الشورة والمطارح والمضربات من بعد كي تروح تديهم معها على اساس تاوعها؟ المهر من حق الزوجة ولو مليار اذا الرجل قبل بيه ومش ضروري تجيب اي شيء لان التاثيث مهمة الرجل وليس المراة.
يجب ان يتم النوقف عن التبذير. لماذا تنفق المراة ملايين على عرس فقط من اجل الشهرة والبهرج والبريستيج؟ في الاخير زوجها هو من يدفع الثمن. ما فائدة الباس مونتي؟ روب بلونش كرية بمليون واقلها 3000 دج؟ هذا هو الفساد بعينه.

[راية الاسلام1]

المشاركة الأصلية كتبت بواسطة riyad552

وهل الشورة والفراش من شروط الزواج؟ كل هذه طرق وتحايل لاكل مال الرجل. يعطيها 15 مليون تشري منها الشورة والمطارح والمضربات من بعد كي تروح تديهم معها على اساس تاوعها؟ المهر من حق الزوجة ولو مليار اذا الرجل قبل بيه ومش ضروري تجيب اي شيء لان التاثيث مهمة الرجل وليس المراة.

أحترم رايك أخي
لكن الرجاال ليس لديهم خبرة في التاثيث والله وحنا مادابينا ندخلو في دار واجد فيها كلش لكن هكذا هي تقاليدنا

يجب ان يتم النوقف عن التبذير. لماذا تنفق المراة ملايين على عرس فقط من اجل الشهرة والبهرج والبريستيج؟ في الاخير زوجها هو من يدفع الثمن. ما فائدة الباس مونتي؟ روب بلونش كرية بمليون واقلها 3000 دج؟ هذا هو الفساد بعينه.

أعرف يا اخي انه لا معنى للبياس مونتي ولا لاغوب بلونش ولا حتى الكوستيم واشيااء كثيرة كلها مظاهر لا اكثر ولا اقل
وانا شخصيا ضدها
اعلم جيدا يا اخي ان كل امراة تنفق الكثير من اجل عرس واحد
والله كون جيت تدخل بين النسااء مخك يحبس
وكون تجي بلباس قديم يكتبووك في الجرناان
مجتمعااتنا مازلت جاااهلة
بالنسبة لاغوب بلونش هادي بكري تاع 3000 دج دوك مليون وتجيبها تشبه برك

[Mohammed_Amine]

كرهت الزواج من نهار الراجل ولا يخدم حياتو كامل علاجال (عرس + مرأة+سقف) ,, و المرأة من 13 سنة تخمم ف الزواج !!!’’ ,,, -خروج عن الموضوع-

[بلسم غرام2018]

شكرا على الموضوع اختى الكريمة

[minay.timida]

hna sah ta9alid ta3na bzaaaaf surtous fi constantine lgnadr rah yhablou gandora ta3 doum berk 200
rabi y9der la3rys w walldihoum w y9adarna nhar towsl daltna

[" أبو عبود"]

احنا الجزائريين ما عندناش اي عادات ولا تقاليد ولا هوية في الاعراس. فستان العرس من اوروبا- الكورتاج من امريكا- التصديرة من المغرب- القاطو من المشرق- الملابس من تركيا- العطور من فرنسا- بقي فقط الجسم والعقلية من الجزائر.
بالنسبة للاخوات سؤالي : هل فرض الله على المرأة ان تحضر شورة او مضارب او اغطية؟ هل فرض عليها احضار القاطو؟ هل الرجل هو من فرض عليها؟ هذه اختراعات. الله اعطاها مهرها لكي تحتفظ به لنفسها وليس لكي تحوله الى ملابس تملأ الخزائة او افرشة. فلم تحملون الرجل مسؤولية تصرفاتكم التي لا يقبلها لا شرع ولا عقل ولا منطق؟

[رجل الخفاء]

المشاركة الأصلية كتبت بواسطة riyad552

بالنسبة للاخوات سؤالي : هل فرض الله على المرأة ان تحضر شورة او مضارب او اغطية؟ هل فرض عليها احضار القاطو؟ هل الرجل هو من فرض عليها؟ هذه اختراعات. الله اعطاها مهرها لكي تحتفظ به لنفسها وليس لكي تحوله الى ملابس تملأ الخزائة او افرشة. فلم تحملون الرجل مسؤولية تصرفاتكم التي لا يقبلها لا شرع ولا عقل ولا منطق؟

بارك الله فيك أخي رياض، أغلب الألبسة التي تأتي بها العروسة لا تلبسها إلا مرة في القرن، مثلا يشترين القفطان التلمساني، الكاراكو وألبسة لا تلبسها أبدا لأن الأعراس تأتي في الصيف والنساء يكتفين بلبس الديكولتي والألبسة الشفافة والشبه عارية من شدة الحر فهل يعقل أن تلبس العروس القفطان في عز الصيف؟؟؟ أكيد لا فهي تلبسه 5 دقائق وتقوم بجولة متعمدة بين أرجاء العرس كي يراها الكل وتصبح حديث الكل ومن بعد ذلك تنزع القفطان وتلبس على طريقة إيبيزا الإسبانية ملابس فاضحة، يعني عرض أزياء عالمي متنوع بثقافات عالمية شتى وحتى أنه يتنوع تاريخيا فهي تلبس ألبسة السلطانة في عهد الدولة العثمانية ومن بعد دلك وفي نفس الليلة تلبس ملابس شاكيرا وكل هذه مظاهر خسيسة تكلف غاليا والرجل المسكين هو من يدفع!!! حلل وناقش؟؟؟

[minay.timida]

المشاركة الأصلية كتبت بواسطة riyad552

احنا الجزائريين ما عندناش اي عادات ولا تقاليد ولا هوية في الاعراس. فستان العرس من اوروبا- الكورتاج من امريكا- التصديرة من المغرب- القاطو من المشرق- الملابس من تركيا- العطور من فرنسا- بقي فقط الجسم والعقلية من الجزائر.
بالنسبة للاخوات سؤالي : هل فرض الله على المرأة ان تحضر شورة او مضارب او اغطية؟ هل فرض عليها احضار القاطو؟ هل الرجل هو من فرض عليها؟ هذه اختراعات. الله اعطاها مهرها لكي تحتفظ به لنفسها وليس لكي تحوله الى ملابس تملأ الخزائة او افرشة. فلم تحملون الرجل مسؤولية تصرفاتكم التي لا يقبلها لا شرع ولا عقل ولا منطق؟

b1 sur mach fard bsah ki troh w matadi walou wach tlbes w tferech w tetghata rayhin malin rajl ymdolha

[راية الاسلام1]

المشاركة الأصلية كتبت بواسطة mohammed_amine

كرهت الزواج من نهار الراجل ولا يخدم حياتو كامل علاجال (عرس + مرأة+سقف) ,, و المرأة من 13 سنة تخمم ف الزواج !!!’’ ,,, -خروج عن الموضوع-

السلاام عليكم
المشكل يا اخي كاين اللي خلص حيااتو ومادار لا عرس ولا امراة ولا سقف
عايش غير بالخبز والمااء
والامثلة كثــــــــــيرة
من رايي يا اخي في الوقت تاع دوكا المراة واللا الرجل لازم يخممو في الزواج مع يزيدو بعد وما عرف لا يلحقو
علابالي كرهتو الموااضيع تاع الزوااج وحتى انا مانلومكش على الخروج عن الموضووع
مشكوور على المرور