مشكلتي ... ساعدوني

[sarl02]

انظن انو لا فائدة من اللوم ليك الان ..والاعضاء قبلي كفو و وفو.....المهم راكي فقتي ذرك كوني فحلة واتصرفي بعكس ما كنتي عليه تماما...شوفي لاهلك ..شوفي كيفاش راكي معززة عندهم ...وانذليتي من طرف واحد لا صفة له معك...هذا اذا كان شراك بالدراهم وما اديركش هاك...وفرج الله همك.

[la perle rima]

السلام عليكم ختي لازم تتقيدي بالنصائح أنت راكي في حالة ماشي طبيعية اللي تخليك تتخدي القرار الصحيح أول حاجة معندكش مستقبل مع هاد الإنسان و لو أنه هاد الشيء كان واضح من الأول لكنك تجاهلتيه يجي نهار و تندمي على اللي طيحتي بروحك على جال انسان ميعرفش قيمة الوليات مريحاش تصدقي انك انت درتي هاد الشيء نهار توعاي لكن مزال عندك فرصة انك تصححي الغلط أول حاجة صلاتك و دعائك و لجوئك إلى الله سبحانه و القرآن هذه الطريق الوحيدة اللي تنقذك من الشيء اللي راكي فيه و تاني غيري شريحة هاتفك و الفيسبوك بدليه او حبسيه و حاولي تسافري باش تقدري تنسايه و تخرجي من القوقعة اللي راكي فيها هادي هي نصائحي ليك اتمنى تتقيدي بيها و اكيد مريحاش تندمي هذا اكبر درس ليك في حياتك باش تتعلمي منه حاولي تشغلي روحك بأمور أخرى ربي يفرج عليك ان شاء الله و غير كيما اليوم تجي و تقولينا اخبارك المفرحة

[blueflames]

انا عندي كلمة وحدة نقولهالك والباقي قالوه الاعضاء

عندهم الحق داركم كي ماقبلوش بيه

[سجل أنا جزائري]

ما كملتش القصة

بصح يا اختي اسمحيلي باينة راهو يليكيدي فييك و انتي لاصقة فيه و يزيد يسب فييك و نتي قابلة نورمال

هذا ما ما رهو ناويك للزواج ما والو راه يجوز بيك الوقت فيقي لعمرك

[محبة الله الجزائرية]

أووو وين رايحة بيها يا اختي قد هاك اسمحيلي ماشي هدرة هادي قع و زيد وين فاميلتك في الوقت كامل ما يقدوش يحبسوك عندك حدك

يا اختي اسمحيلي على هاد الهدرة مي نتي الغالطة ونتي اللي تتحملي النتيجة

لو كان جيت في بلاصتك ما نشوف في واحد ماشي مربي كيما هاد حتى بعيني

يا اختي بزاف علاه خلاصو الرجال باش تحط بروحك هكا حتى لوكان خلاصو الرجال ما نحطش ربع عيني لواحد كيما هكا

الحمدالله عندك فاميلتك تمشي وراسك مرفوع علاه حتى يولي يستهينك

و زيد من الاول كان باين ماشي ليك يعني على خاطر

الاساس اللي كان بينك وبينو يعني بداية علاقتكم كانت راشية باسكو علاقة محرمة

و كان برك يجيب بيك في الوقت و يشبع بيك في قلبو الفارغ و غريزته

و زيد لو كان ناوي الصح يجي يخطبك من عند داركم

و على حساب هدرتك يا اختي المخطوبين و مايحكوش بيناتهم هكا

باسكو كاين هدرة حسيتك تحكي فيها نورمال وهي تنفي شريعتنا تماما

و ربي يهديك يا اختي و ان شاء الله تاخدي بنصائح الاعضاء اللي ردو قبلي باسكو ماعندي ما نزيد ننصحك الاعضاء كفو ووفو

و نتي يا ختي ولي دقبل ما تتقدمي لاي خطوة فكري 20 مرة و اكثر

و ربي يجيبلك ولد لحلال يا ربي

[sonia32]

اختي على بالي بلي قلبك معمر ومالقيتيش لمن تحكي نصيحتي لك هدا الراجل ما يصلحش لانه سوف يندم في المستقبل لانه فرط في انسانة مثلك انا اعرف ان الاحترام هو الاساس وهدا الانسان لا يحترمك وانت مازالتي معاه كون جيت انا في بلاستك تعرفي واش ندير من اول يوم قلل من احترامي نقولو تبقى على خير المشكلة انك اختي تحملتي انسان لا يستحق وتحملتي الهوان من اجل لاشيء
المهم اختي اخطيك منو لانه مايستاهلش