الجزء90 من واش طيبتي اليوم **مبارك علينا الشهر الفضيل**

[R I A D]

صباحكم خير و هناء
رمضان كريم للكل

و ربي يجعلنا من الصوامين القوامين التالين القران اناء الليل و اطراف النهار امين

ام اسلام حبيبتي مبروك عليك افتتاح هذ الجزء من الكوزينة و ربي يجعلها فال خير و يجعلنا نجتمعوا فيها على الطاعات و العبادات و الحب في الله

حنونتي اطبااااقك تحفففففة كالعادة و الحلا كله رااااائع تسلم ايديك و يوسف الحبوب ربي يكبره على طاعة الله و برّ الوالدين مع اسلام و اية و اولادنا كلنا امين يا رب العالمين

==الطبق الي في الطاجين راني ديجا سخفت عليه قولي لي واشي هو نديرو العشية و شككككراااااا==

حبيبتي دائمة الحمد الف الف مبروك عليكم المزيودة اسينات و ربي يجعلها من عباده الصالحين و يشفي امها عاجلا غير اجلا امين

مبروك عليك اصبحت جدة ~~~

و العقوبة لجميع الحوامل ربي يسلكهم بخير و على خير و يفرحوا باولادهم
و ربي يرزق كل من يريد الذرية

و ربي يرزق اختي العزيزة بالذرية الصالحة امين يا رب العالمين




اللهم اعطينا الصحة و العافية و القوة كي نقوم بواجباتنا المنزلية و الدينية يا رب امين

[أم ياسين الزهراء]

اليوم ادا كتب ربي ندير شربة فريك البوراك واضرفة الدجاج طلبوها جراد افريقيا وطاجين الحلو والديسار يجيبو زوجي ع منبعد وطبعا الفلان وقلب اللوز والاتاي مع كوكاو للسهرية والحمد لله وطبعا اهم حاجة المطلوع والسلايط

[أم أحمد عبد الصمد]

ما شاء الله حبيبتي أم أية ، كلش هااااايل ربي يحفظ لك عائلتك و يكبرهم على طاعة الله
رمضان كريم و كل عام و الأمة الإسلامية بخير

[ام ساجد]

صباحكم ملئ بالرحمة والغفران امين يارب العالمين

مبروك الكوزينة الجديدة كوزينة رمضان ان شاء لله تكون مليانة بالخيرات

ام اسلاام واية الله يبارك كلشي حطةويشهي بصحتكم وربي يتقبل منك كل دعواتك يا رب وري يحفظلك الكتكوت ويكون من الصالحين امين

[lyzzabel]

صبااااح النوووووور و يوم مبارك من الشهر المبارك
حبيبتي ام اسلام مبروك عليك افتتاح الكوزينة الجديدة و ماشاء الله على اطباقك من مالح و حلو كلشي يشهي يعطيك الصحة و ربي يحفظلك يوسف و يكبره على طاعته و طاعة الوالدين و تشوفيه من الصالحين ياااارب خموووووس عليه يا عمريييي موااااااح ليه

تفضلي باروكي راه من حلويات طهارة حبيبي منصف ربي يشفيه و يخليهلي اميييين







و هذا تعشينا بيه البارح غراتان بالجاج مع الشوربة نسيت ما صورتهاش




و الحمد لله حمدا كثيرا طيبا مباركا فيه

فطورنا اليوم بإذن الله راح يكون حريرة هاذي حاجة أكيدة كل يوم حاضرة في ماءدتنا الرمضانية ما ناكلوش الشوربة و الطبق الرئيسي مازال ما قررتش عليه و سلاطة و طاجين حلو فآل تاع اول يوم من رمضان و نعجن الخبز و فلون و فواكه و طبعا القهوة مع الشامية و الزلابية

اللهم بارك لنا في رمضان و تقبل منا

استغفر الله العظيم الذي لا اله الا هو الحي القيوم و أتوب اليه

[lyzzabel]

ام طيري الجنة الله يسلمك و يبارك فيك حبيبتي الغااااالية و مرحبا بعودتك انشالله تكوني لاباس نتيا و نسرين و ابو نسرين يااااارب ،، ربي يخليك لينا والله توحشتك بزاااااف وين كنتي غايبة غير الخير ؟؟ ههه ،، قوليلي شا غادي تطيبي للفطور ؟؟

سكرتي الحلوة و ام ياسو بصحتكم واش رايحين تطيبو للفطور ربي يباركلكم في صحتكم يا رب

حبيباتي لي باركولنا بالشهر الفضيل ينعاد علينا و عليكم بالخير و الصحة و الهنا يارب و رمضان كريم

لا اله الا الله وحده لا شريك له له الملك و له الحمد و هو على كل شيء قدير

[lyzzabel]

ام طيري الجنة المنيو كيما تاعي هههه خص غير الطبق الرئيسي مازال نخمم عليه بصحتكم يا الحبيبة
طالبة الجامعة يعطيك الصحة لي تارتولات يشهو ،، باش حشيتيهم ؟؟
سكرتي الحلوة انشالله نستنى التطبيق بصح لوكان جربتيها في الفطر خير هاكا باش تكوني ميزتي كمية الملح و التوابل لي تحطيهم فيها ولا استناي نهار لي ما تكونيش صايمة و ديريها هههههههه
ام ساجد بصحتكم الجلبان و المطلوع حبيبتي
السعيدة بجدارة الرابط لي حطيتيه ما بغاش يفتح لا اليوم لا يامس في كوزينة كيا
كيا الحبيبة شكرا على السؤال ربي يخليك منصف راه شوية خير ملي كان و الحمد لله

[أم لجين 28]

اما انا فطوري شربة فريك وطاجين الزيتون ولحم لحلو وماسيدوان وسلطة وبوراك وحميس وفلون ومطلوع وباللاك زلابية فايزة والله اعلم
ومبارك على المزيود الجديديتربى في عز والديه
ومبارك على ختان الطفل عقبلا تشوفيه عريس

[أم محمد تاج]

بصحتكم ام ياسووووووووو
انا فطوري سوب الفروماج وخميرة وطاجين حلو على طريقتك يالغالية راني رايحة نحوس على الوصفة وبوراك وطبعا بريك لزوجي ح وسلاد دو فروي ولونتري والله ماعرفت موالفة ندير الصوتي تاع الفلفل كي ندير شوربة فريك بصح لا سوووب والله مافهمت واش ندير معاها

[عروبة وطن]

رمضان مبارك للجميع والله يتقبل منا صالح الاعمال

بديتوا توجدوا للفطووووووووور ولا مازال

[طالبة الجامعة]

المشاركة الأصلية كتبت بواسطة عروبة وطن

رمضان مبارك للجميع والله يتقبل منا صالح الاعمال

بديتوا توجدوا للفطووووووووور ولا مازال

بسم الله هذاوين طلع النهار وزيد حنا نطيبوا لعشية بعد صلاة العصر باذن الله

[kiya]

رمضان كريم وكل عام وانتم بالف خير
ويا ربي يدوم الجمعة الحلوة هاذي
صباح الخير والفل لكل الغاليات على قلبي
ام اسلام واية مبروك عليك افتتاح الكوزينة وربي جعلها فاتحة خير عليك
وربي يحفظلك يوسف ويكبرو في طاعتو
دائمة الحمد استاذة مبروك الف مبروك على اسينات ومبروك عليك وليتي نانا
لبنات كامل نتمني تكونو ملاح

[أم ياسين الزهراء]

بصحتكم ام محمد انا لكان نقللهم مانديرش شربة فريك يحاوزوني ههههههههههههههههههههه

[أم ياسين الزهراء]

يوم مبارك على الكل وان شاء الله يفوت مليح وخفيف راح نتكى شوي ونتفرج التليفيزون ومنبعد نتحزم

سلامي للكل

[ام طيري الجنة]

رمضان كريم لجميييع الاخوات
و الف الف مبروك الكوزينة الجديدة عليك اختي الحبيبة ام اسلام واية و هذ الكوزينة اكيد راح تكون عااااامرة بالخيرات و الاطايب من جهة و بالاخبار السارة عن النجاحات من جهة اخرى على خاطر مولاتها وجه خير
ان شاء الله لي عودة بالباروك
اللهم قد حضر اول يوم من شهر رمضان وقد افترضت علينا صيامه وانزلت فيه القران هدى للناس وبينات من الهدى والفرقان اللهم اعنا على صيامه وتقبله منا وتسلمه منا وسلمه لنا في يسر منك وعافية انك على كل شئ قدير