مسابقة الأساتذة و مشكل الخدمة الوطنية - الصفحة 2

abdeldjalil147 · 2014-07-01, 15:39

اقتباس:

المشاركة الأصلية كتبت بواسطة amine eco

هدرة تاع ذراري وخارج الاطار+ انا راني ننصح فيه واش راح ليه فيه ينجح او مينجحش

انا بطاقة الاعفاء جبتها و خدام الحمد الله وراني نحضر للدكتوارة

اما مسابقة الاساتذة راني نسقي عليها ل حابة تحط ملف للاساتذه العلوم الطبيعية

لا حول ولا قوة الا بالله

من زهرك رانا في شهر رمضان المبارك
ما عليش صديقي ، اذا راك حاب تعرف اشكون الذري ارجع شوية للوراء و روح اقرا المشاراكات انتاوعي و انتاوعك و دير مقارنة صغيرة و راني متأكد باللي اتنجم تستخلص حاجة اتفيدك
بالنسبة للبطاقة مبروك عليك و العقوبة للشباب اللي مازالو
و الامور الاخرى الله يسهل علينا و عليكم يا الراجل

hakim-medea · 2014-06-30, 02:34

السلام عليكم خاوتي
ربي يحفظكم صدقوني عجبني النقاش ديالكم و استفدت منو بزاااف حوايج
ربي يحفظكم و ان شاء الله هاذ العام ننجحو كامل
حبيت نقولكم حاجة برك انا عندي أخ في الجيش و بعثلي ورقة نقدر ندير بيها سورسي مادام هو مازال ثم
يعني كي ننجح نقدر ندير بيها كاش حاجة ولا لالا ؟

amine eco · 2014-06-30, 03:53

لا شهادة حضور بوحدة لا تفيدك الا في ملف كفالة

في حالة كان احد اخوة في خدمة وطنية وانت وحيد في منزل يمكن ذلك

amine eco · 2014-06-30, 15:28

لا يا اخ فرناس ممكن قلتهم بتفاعل زيادة انا اصلا ندخل منتدى للتقديم النصائح وافادة للناس و اخوتي وتقريب مشاركات المنتدى من واقع

لانه انا لو لم تكن نية جيدة ل اكتفيت بمشاهدة فقط

بنسبة للصورة سأضعها بعدما ينجح الاخ ويعطولو سورسي هههههه

فرناس وهران · 2014-06-30, 19:41

اقتباس:

المشاركة الأصلية كتبت بواسطة amine eco

لا يا اخ فرناس ممكن قلتهم بتفاعل زيادة انا اصلا ندخل منتدى للتقديم النصائح وافادة للناس و اخوتي وتقريب مشاركات المنتدى من واقع

لانه انا لو لم تكن نية جيدة ل اكتفيت بمشاهدة فقط

بنسبة للصورة سأضعها بعدما ينجح الاخ ويعطولو سورسي هههههه

امين دير الخير و خليه يمشي
ارضاء الناس غاية لا تدرك حتى و لو كانت في مصلحته
انت نويها و ربي يخلفها في حقك

عادل بأذن الله · 2014-06-30, 16:39

يا ولدي بلا سورسي ما تقدرش حتى تحط الدوسي والا فوتت الكونكور بسورسي ونجحت بعدها تقدر تفوت لارمي وتلقى بلاصتك لخاطر ما تترسمش حتى تسوي الوضعيه نتاعك .. اما باه تفوت بلا سورسي مزال ما اسمعتهاش بطريقه قانونيه الا كانت بطرق اخرى الله اعلم

hakim-medea · 2014-07-01, 07:07

إن شاء الله يكون النجاح حليفنا
اليوم رحت لمكتب التجنيد قالولي نمدولك سورسي نورمال
لكن ابتداءا من شهر سبتمبر
يعني اذا نجحت هل سينتظرونني الى سبتمبر حتى اكمل الملف ؟

فرناس وهران · 2014-07-01, 18:49

اقتباس:

المشاركة الأصلية كتبت بواسطة hakim-medea

إن شاء الله يكون النجاح حليفنا
اليوم رحت لمكتب التجنيد قالولي نمدولك سورسي نورمال
لكن ابتداءا من شهر سبتمبر
يعني اذا نجحت هل سينتظرونني الى سبتمبر حتى اكمل الملف ؟

مدة الانتظار لا تفوق 30 يوم

تنجح و من بعد ساهل الحال

abdeldjalil147 · 2014-07-01, 18:58

الله ينجح الجميع و ربي يكون مع شبابنا حاملي الشهادات ان شاء الله
فطوركم بالصحة و الهناء كل الاعضاء دون استثناء

ibra34 · 2014-07-05, 18:26

نرجوا من الإخوة الكلام بالدليل وليس بمجرد الخواطر ...ومن الأفضل أن تذكروا لنا تجارب حدثت لكم أو لأصدقائكم...وشكرا

zianifarid · 2014-07-05, 21:44

ميمدولك والو انا نجحت في الاحتياط وكي عيطولي باه نخدم قالولي الورقة نتاع العسكر املا اني فوتهم وكملتهم ومكان والو ربي يفتح ان شاء الله