ما هو الحل زواجي انهار

[ZORRO__DZ]

لا تستسلمي

انصحك بالرجوع، مادام هناك أب يقف معك أقصد اب الزوج

حاولي ان تجذبيه إليكــ، ينقصه شيء يجب معرفته في أقرب وقت، اجعليه صديقك بطريقتك الخاصة يعني يحكي لك حمومه، لا بد انه هناك شيء يشغل باله فأنتي قلتي انه يصلي كل الأوقات,

حاولي ان تكوني مطيعة أكثر وتقربي منه أكثر


اصبري

[la perle rima]

ربي يفرج هليك ان شاء الله اختي ربي معاك يفرج همك و يصلح بيتك و تعيشي في سعادة انشاء الله

[زمردة26]

المشاركة الأصلية كتبت بواسطة jill

اولا ربي يفرج عليك عليك بالصبر ثم الصبر لمصلحة اولادك و حاولي تكوني اكثر رزانة و هدوء عامليه كالاطفال

ثانيا
ارجوووووووووووووووووووووك لا تنزعجي مني بصح شكيت بلي زواج مش تقليدي؟؟؟؟؟
لانو ادا كان تقليدي تقدري تطلقي بسهولة
اما ادا كان العكس لازم تتحملي لانو في هاد الحالة ما يوقفوش معاك

ايه مكانش تقليدي بصح شون مايوقفوش معايا مافهمتش

[tahri_dvb]

اسمحولو نهدر بلهجتنا .

أنا لي نعرفها وبحكم تجربة أصدقائي والعائلة أنو المرا هي لي تتغير للجانب السلبي بعد الانجاب وبدون ما تشعر وهي تحسب روحها صحيحة .
والعكس الراجل تعز عليه مرتو ويزيد يتمسك بيها بعد ما تجيبلو ولد أو بنت وهذاك العز يخلي الزوجة تتمرد في بعض الأمور وبدون أن تشعر أنها تغيرت.

نسقسيك أختي كون جا ما عندكش أولاد راح تضغطي عليه كيمهاك وتطلبي أنو يسكن معاك في بلدك ؟؟؟؟؟
أنا متأكد أنو لوكان ربي ما عطاكش ولد وتأخر إنجابك لسنين لوكان راكي زاهية وحامدة ربي ومتمسكة بزوجك ويكون همك الوحيد زوجك فقط وتحاولي ترضيه بكل الوسائل .

أنت قلتي زوجي تغير وش لي خلاه يتغير راجعي روحك ، أنت وش تغير فيك بعد الانجاب تفكري مليح وخمي واحسبيها زين قبل ما تتأزم الأمور وتكبر وتوصل لنقطة اللارجوع .

ننصحك أختي زوجك وأب ابنك راجل زين ياسر بلا ما نعرفو لكن أنت أعرفي كيفاش تتعاملي معاه ضحي وضحي على جالو وعلى جال بنكم وأصبري معاه صدقيني راه يلاحظ ويحاول يعوضك على صبرك معاه وصبرك عليه .

تكلمي معاه وأبداو من جديد كأنكم غير كيما تزوجتوا .
صلي وادعلي واستخيري وان شاء الله ربي ما يخيبكش .

[زمردة26]

عندي شوي اهمال لكن بسبب تربية الاطفال وعندي زوج دراري صغار لازملهم اهتمام كبير بصح يعذرني ويوقف معايا في تربيتهم ماشي يجي ضدي ويوصل بيه للضرب والتخويف واذا نقصاتو حاجة يقولي ماشي يضرب ويعيط ويسب وانا مانيش عارفة علاه

[تراتيـل صبــح]

المشاركة الأصلية كتبت بواسطة زمردة26

عندي شوي اهمال لكن بسبب تربية الاطفال وعندي زوج دراري صغار لازملهم اهتمام كبير بصح يعذرني ويوقف معايا في تربيتهم ماشي يجي ضدي ويوصل بيه للضرب والتخويف واذا نقصاتو حاجة يقولي ماشي يضرب ويعيط ويسب وانا مانيش عارفة علاه

المشكلة هنا أختي الاهمال
وحين يشعر الزوج بالاهمال في بيته فلن يتحمل البقاء به
لكن ليس عليه الضرب فعلاً
وكان من المفروض أن يخبركِ
لكن للأسف الرجال لا يتكلمون
هم يلاحظون ويحاولون التأقلم وإن لم يستطيعوا قاموا بما يرونه مناسباً
فالرجل حين يلاحظ اهمال زوجته قد يلجأ للزواج بثانية ويعطي لنفسه كامل الحق
ولو تكلمتِ حينها سيوبخكِ ويضربكِ ويعطي لنفسه الحق
لأنكِ مهملة في رأيه
الرجل يحب أن يكون بيته مملكته
حين يدخل يجد زوجته متفرغة له
ويجد الأولاد هادئين لأنه يحتاج الهدوء والراحة
والمكان المناسب بالنسبة له هو البيت
ومن الواضح أن زوجكِ غير متفهم
لذلك حين عودتك له حاولي مراعاة هذه الامور
وحاولي ان تنظمي الأطفال على مواقيت الزوج
يعني حين يدخل البيت يكونون شبعانين وهادئين ويا ليت نائمين
حتى تتعودي على الوضع وتهدأ الأمور
وبالتوفيق.

[بصمة قلم]

السلام عليكم ورحمة الله
اختي اظن ان هناك سببا آخر لمشاكلك مع زوجك إضافة الى الإهمال
السبب قد أشرت إليه في موضوعك، وهو دفاعك عن ابنك وغضب زوجك من ذلك
اختي اعلمي أن بعض الرجال يغادرون من أولادهم والبعض الآخر يظن أن الأم بدفاعها عن أولادها تحاول أن تجعلهم يكرهون اباهم
أو أن تثبت لهم أنها تحبهم أكثر منه ، والبعض الآخر كما ذكر أحد الاعضاء يحس ان زوجته تمردت بعد الانجاب وهناك من تجتمع عنده كل الأحاسيس السابقة وطبعا لكل إحساس ترجمة ، وترجمة زوجك كانت الضرب الغضب
فكري في الأسباب وحاولي التغيير وإظهار العكس لزوجك
وأهم شىء أن لا تستمعي لنصيحة والدتك( طبعا إذا كنت تريدين الحفاظ على زوجك) لأنك ستخسرين كل شيء
فلا أظن أن رجلا يقبل شرطا كالذي ذكرته
كيما يقولو دياب جماعة وحصري شيخك الأيام وتحطيم من النسا لأن العاطفة تغلب على قراراتهم ، وابداي صفحة جديدة مع زوجك وقوليلو باللي رح تتغيري واي حاجة تقرير ما السديس تعمليها وأنه هو تاني لازم يتغير ويبطل الضرب والعصبية على الأقل على جال أولادكم وربي يهدى سركم.

[mounaminou]

المشاركة الأصلية كتبت بواسطة زمردة26

عندي شوي اهمال لكن بسبب تربية الاطفال وعندي زوج دراري صغار لازملهم اهتمام كبير بصح يعذرني ويوقف معايا في تربيتهم ماشي يجي ضدي ويوصل بيه للضرب والتخويف واذا نقصاتو حاجة يقولي ماشي يضرب ويعيط ويسب وانا مانيش عارفة علاه

هدا هو الزواج اختي ....المشكل في المرأة الجزايرية نهار تحب تتزوج تدير المستحيل باه توصل للهدف تاعها مي نبعد الزواج تتبدل بلا ماتحس و خاصة بعد انجاب الاطفال .....يا اختي ارجعي لراجلك ماماك ماعندهاش الحق باه تمنعك من الرجوع و اصلا مهما تدير انتي المسؤولة علا روحك ماش هيا و غدوة كون تطلقي ماش رايحا تحصلي فيها رايحة تلومي غير روحك ...لازمك تخممي بموضوعية و خطيك من العواطف اللي ماتحللكش المشكل تاعك

انتي اعترفتي بللي تبدلتي و كنتي شوية مقصرة ....خلاص ارجعي لدارك و صححي اخطائك و احترمي زوجك ماترجعيلوش الهدرة و ماترفعيش صوتك عليه باه مايزيدش يضربك ...حتا الاولاد كي يغششوك عامليهم بطريقة راقية خاصة قدام زوجك ..علا الاقل تحافضس علا انوثتك و صورتك الجميلة قدامو

[أم عبد الكريم]

ربي يفرج عليك يا اختي فانت بين نارين نار اولادك و نار زوجك العصبي اسمحيلي انا نسميه زوج ظالم يتقوى على زوجته واولاده الذين هم امانة في رقبتهم يتحاسب بيهم قدام ربي فوضي امرك لله و ما عليك سوى الدعاء و كيما قالت الاخت ابحثي عن سبب تغيره و تناقشو فيه وحدكم و في حضور الاهل و ربي يفرج

[تينا ماريا]

شوفي اختى المشكل ماشي فيك لانو مهما تدير الزوجة ما يوصلش الراجل باه يشوهها و يرعبها
كاين خطا في شخصيتو يا مريض يا مسحور ارقيه و ارقي دارك بلاك
لانو على حساب واش يدير يقدر يقتلك عادي في لحظة غش , انا تبانلي راجلك ماش نورمال (مش طبيعي ) سبحان الله الانسان يقعد مع بعضاه و يتناقش هوا يقولك واش بيه و انتي تهدري واش مقلقك منو و تفريو المشكل ( ادا كان انسان يفهم )
درك مادامك بعيدة حاولي ترتحي اعصابك و اتصلي بيه و حاولي افهمي منو واش كاين النسا خايبات و مايوخدوش الراي و عايشين لاباس عليهم ( المشكل 100 ب100 ما هوش فيك )
صدقيني كان ما تديريلوش حد راح تعيشي عمرك كامل في الرخس و الاهانة نصيحة اختى مادام والديك حيين ديري تاويل لعمرك قبل لا تطفر فيك غدوة لا قدر ربي يروحو والديك او يزيد يدير رايو فيك مادامو ما يخافش ربي فيك

وربي يفك لحوال