المهر في الجزائر

[ahmed 31]

المشاركة الأصلية كتبت بواسطة ammira85

بعض الولايات يثقلو على الرجل يجيب المهر يجيب الشرط تع الدهب يجيب الطبق يجيب الكبش ييجيب و يجيب ,,,,,,,,,,,و يادرى هاد الزواج ينجح ولا لا يعني العشرة هاديك حاجة اخرى صافي راهم يقولولهم ماتتزوجوش يعني يشجعو فالحرام نورمالمون الجيل تاعنا ره مثقف و واعي يحاول ينقص من هاد المصاريف و ييسرو للشباب

والله يا أختي الكريمة عندك الحق فيما تقولين وهذا هو الأصح،
بعملية بسيطة و عرس غير مكلف يعني أبسط الأشياء لا يقل عن 120 مليون، وفي الأخير يطيح في مرأة ما تستاهلش هذا هو المششششششكل،
الله يجيب الخير.

[نواار]

المشاركة الأصلية كتبت بواسطة ammira85

بعض الولايات يثقلو على الرجل يجيب المهر يجيب الشرط تع الدهب يجيب الطبق يجيب الكبش ييجيب و يجيب ,,,,,,,,,,,و يادرى هاد الزواج ينجح ولا لا يعني العشرة هاديك حاجة اخرى صافي راهم يقولولهم ماتتزوجوش يعني يشجعو فالحرام نورمالمون الجيل تاعنا ره مثقف و واعي يحاول ينقص من هاد المصاريف و ييسرو للشباب

ربما جيل اقرب الى الفسق منه الى الوعي

[إيمان احمد]

تحبو تتزوحو بااطل و الي حبت تتزوح بااطل ربي يسااهل اعليها لكن وعلاش راكم تتهكمو على الناس وعلاش بيونة مااشي انساانة يخي عقلية مع انو الحمد الله الله انعم عليا بنعمةالجمال مي و الله ما نحب الناس كي تتمسخر على ناس ماشي شاابين الله غالب الجمال راه حتى هو رزق اطورو شوية و لا مديين في جيهة و في جيهة اخرى لالا يخي حالة

[amoros]

المشاركة الأصلية كتبت بواسطة إيمان احمد

تحبو تتزوحو بااطل و الي حبت تتزوح بااطل ربي يسااهل اعليها لكن وعلاش راكم تتهكمو على الناس وعلاش بيونة مااشي انساانة يخي عقلية مع انو الحمد الله الله انعم عليا بنعمةالجمال مي و الله ما نحب الناس كي تتمسخر على ناس ماشي شاابين الله غالب الجمال راه حتى هو رزق اطورو شوية و لا مديين في جيهة و في جيهة اخرى لالا يخي حالة

لغة باطل ورخيس وغالي لغة سوق والزواج ليس بيع وشراء ومن قال التمسوا ولو خاتم من حديد لا ينطق عن الهوى وايسرهم مهرا اكثرهم بركه

[الجزائريه]

المشكل_مش_في_المهر_المشكل_في_العقول

[hocine06]

السلام عليكم
المهر عندنا في منطقة القبائل يتراوح بين الف دينار الى الفين (مائة الف او ماين الف ) ومع هذا يعزف الكثير من للشباب على الزواج المشكلة عندنا ليست في المهر بل في السكن و العمل اي المسولية المترتبة بعد الزواج نحن عندتا لا نبحث عن مهر غالي بل عن شاب كسيب عامل يستطيع أن يتحمل مسؤلية تكوين اسرة و إعالتها .

[" أبو عبود"]

القبائليات نعم الزوجات صراحة. كن المشكلة في البعد رغم انهن يتحملن ذك لكن سيكون هناك قطع رحم خصوصا رلجل لا يملك سيارة ولو كان يمكل سيارة سوف يتعب كثير ويتعبها. قريبي متزوج من قبائلية ورغم انه يبعد 350 كلم فقط وكانت زوجته حامل نصحها الطبيبي بعدم السفر وهكذا بقيت 8 اشهر لم تر اهلها. وحتى المهر لا يشترطونويتركون لك الاختيار وتدفع ما تريد. عندنا حي معين حددوه ب 5 ملايين لكن الاغلبية من الرجال لم تلتزم وليس النساء.

[محمد البشير.ع]

المشاركة الأصلية كتبت بواسطة hocine06

السلام عليكم
المهر عندنا في منطقة القبائل يتراوح بين الف دينار الى الفين (مائة الف او ماين الف ) ومع هذا يعزف الكثير من للشباب على الزواج المشكلة عندنا ليست في المهر بل في السكن و العمل اي المسولية المترتبة بعد الزواج نحن عندتا لا نبحث عن مهر غالي بل عن شاب كسيب عامل يستطيع أن يتحمل مسؤلية تكوين اسرة و إعالتها .

ما أجمل عبارة : كسيب .ما الفائدة من تزويج شاب يحمل الدكتوراه ويكون كسلانا لا يكسب ولا يستطيع أن يكسب .قبائليات عندنا تزوجن من فقراء ولكنهم ''يعملون ،يتحملون مسؤولية ما بعد الزواج .والحمد لله جلهم بأولادهم وبيوتهم ...نادرا ما يخطئون في الرجل ''الكسيب' وما شذ لا يقاس عليه

[fadi02]

حاب نحكي لكم حكاية حقيقية صاحب راجلي عايش في المانيا و متزوج بروسية واش انقولكم طول و جمال رو شعر طويل اصفر و عيون زرقاء و نيف واقف شابة بزاف كي جابها معه للجزائر شايفا باباه حار فيها و قال لوليدو شحال خسرت عليها سقامت لك غالية قالو و الله غير تزوجت بها باطل خاتم برك شريتلها رد عليه باباه راك تشوف نسا خاوتك الاخيرة سقامت اكثر من 30 مليون فالو كي جي رايح خليها الخوك الصغير زيد شوف لك واحدة اخرى تم ياخي باطل هههههههههههه

[Magiic]

ههههههههههههههههههههههههههههههههههههههههههههههه الله غالب حنا عندنا لا صال و التصديرة و لعشاااااااااااااااا هوما لاغوب بلونش و السلام

[Magiic]

المشاركة الأصلية كتبت بواسطة fadi02

حاب نحكي لكم حكاية حقيقية صاحب راجلي عايش في المانيا و متزوج بروسية واش انقولكم طول و جمال رو شعر طويل اصفر و عيون زرقاء و نيف واقف شابة بزاف كي جابها معه للجزائر شايفا باباه حار فيها و قال لوليدو شحال خسرت عليها سقامت لك غالية قالو و الله غير تزوجت بها باطل خاتم برك شريتلها رد عليه باباه راك تشوف نسا خاوتك الاخيرة سقامت اكثر من 30 مليون فالو كي جي رايح خليها الخوك الصغير زيد شوف لك واحدة اخرى تم ياخي باطل هههههههههههه

ههههههههههههههههههههههههههههههههههههههههههههههه الله غالب حنا عندنا لا صال و التصديرة و لعشاااااااااااااااا هوما لاغوب بلونش و السلام

[عائشة07]

ماتبقاوش تحكو في الخرافات على الاروبيات رانا عايشين معاهم ماكان لاه تقارنوهم بنات الفاميلة والمسلمات هنا كي نسمعو عربي تزوج مع نصرانية بلا ما نشوفوها نعرفو بلي ماشي شابة و سمينة وما بغاها حد اما الجميلة الي راكم تحكو عليها تبغي تعيش حياتها في الترف مع رجل غني وماشي يعطيها مهر وقدره لالالالا
يولي عندها شغل عبد يخدم ويمدلها باه تزهي عمرها هي وصحاباتها (واصدقائها )ويتنازل عل كل شي عنده من نيف و و و مايغلطوكمش
الاوروبيات صعبات اكثر ما تتصورو هنا الازواج الاوروبيين والله يغيضو عاقلين وخدامين ويشدو الاطفال فالدار ويساعدو في الشغل تاع الدار ومااشي راضيات عليهم وعند اول مشكلة تسمح فيه وكاين حتى الي يسمحو فالاولاد تقولك نعيش حياتي مشي هو يرتاح وانا نبقى نربي هادو هوما القاااورياات ياخوتي الا من رحم ربي وهن قليلات يتعدو على الاصابع
ماكانش كيما مسلمة تفهمك وتصبر على ظروفك وعلى فقرك ان كنت فقير وعلى عقليتك وعلى هبالك ومشاكلك ومشاكل عائلتك وربي يعينها ويجزيها
انت تدفع فيها المال اما هي تدفع كل حياتها وحاضرها ومستقبلها ويطلب منها تدفع حتى اهلها ولو بطريقة غير مباشرة
اما قضية المهر في منطقتنا كل واحد على حساب العائلة الي راح يناسبها كاين الي يطلبو مبالغ خيالية كونهم اثرياء ولايناسبون الا اثرياء مثلهم وكاين العائلات البسيطة فالمهر عندهم شيئ رمزي مثل ستة ملايين سنتيم وعلى العموم البنت تصرف على الاقل 30 مليون سنتيم ويقول المثل ( على قد لحافك مد رجليك ) وفقك الله اخي

[Ghechame]

في معسكر دراهم الخطوبة من 5 ملايين حتى 12 مليون + الذهب + الخاتم + ,,,,,,

[first first]

المشاركة الأصلية كتبت بواسطة hamza ziani

السلام عليكم ورحمة الله وبركاته
خصصت هذا الجزأ لمناقشة قيمة المهر في الجزائر
فالمهر يختلف بإختلاف العادات والتقاليد
ونطلب من المشاركين الإجابة على الأسئلة التالية:
01ـ كم قيمة المهر في منطقتكم ؟
10فما فوق
هذا المهر خالص ..........وطبعا هناك اضافات اخرى ..........يفوق سعرها سعر المهر
02ـ ماسبب إرتفاعه ؟
ارتفاع الاسعار؟؟؟؟؟؟؟؟؟؟؟؟؟؟؟؟؟؟؟؟او انهيار العملة .............بتعبير ارقى
وبلا مانحكيو على الفوخان والزوخان .

03ـ هل إرتفاع المهر من بين أسباب إرتفاع نسبة العزوبية في المجتمع الجزائري ؟
براي ليس السببب الرئيسي..................المهر وحده ليس العائق المادي الوحيد.

المهر اقره الشرع ....................وانظر مااضفنا نحن من عوائق ..................وعبدناها كما عبد سكان الهند الابقار يوما............هم تابو وفاقو ..............ونحن مازلنا نخنق شبابنا بتقاليد ترهقهم.
اتكلم طبعا على الشباب غير مقتدر ماليا

بالمقابل .................................................. ..................................... ربما لي عودة باذن الله للتفلسف في الموضوع .

[ام ريتاج الجزائرية]

انا المهر انتاعي كتاب القران وجلباب وخاتم وراجلي لاباس عليه والعرس درناه باقل من خمسة ملايين وجاز الله يبارك انا تبعت قول الرسول عليه الف الصلاة والسلام اقلهم مهرا اكثرهم بركة راني في 11سنة زواج الحمد لله نعم الزواج