مشكلتي دمرتني

[كلمات مبعثرة]

التوسويس هدا كلنا في القراية نمر بمراحل مرة يكون عندنا طاقة وحماس وعزيمة قوية ومرات تضعف ولكن الحل دائما عندنا
ماتتكليش على الراقي ولاتحسدي بنت خالتك وتحطي اللوم عليها انا تان كنت كيما نتي كي يلحق الامتحان يجيني النعاس نشد الكراس بصح ننعس ونرقد ههههههه كان يصرالي تنويم مغناطيسي بصح الحل عندك كي تبداي تقولي لروحك راحت عليا لازم نفطن على روحي ومانضيعش الوقت يا نجيب العام يا نعاود ترجعلك القوة والعزيمة ويروح النعاس اما ادا نعستي وبقيتي ترقدي وتندبي وتستناي النجاح يجيك ونتي راقدة يجيبهولك الراقي هدا ماكاش منو وبنت خالتك ماعندها مادارتلك باش تكرهيها هي فطنت على روحها وخدمت ...نتي راه قاتلك التوسويس ...استغفري واقري القران وفكري بعقلك ادا خدمتي تنجحي وادا رقدتي تبقاي في السنة الاولى واحد مايطلعك بمعجزة الا خدمتك...وزيدي علاش راكي قاتلة روحك اقراي بعقلك يااختي الناس راهم يتخرجوا ويقعدوا في الدار ولي يشد الحيط يشدو ولي يشد شامبرتو في دارهم يشدها المهم وصلتي للجامعة حاولي تركزي بعقلك وماتديريش الضغط لروحك وان شاء الله تتخرجي وتولي تضحكي على روحك كي كنتي تقتلي فيها باش تقعدي في الدار ههههههه
ربي يوفقك اختي

[somsom1515]

المشاركة الأصلية كتبت بواسطة مشكلتي

السلام عليكم
مشكلتي عندها عامين والله دمرت بنت خالتي تقرا عندنا لانها تسكن في الريف مستواها داني في الدراسة تدي غير 10 وساعات تدي 9 (هدرت على بنت خالتي لخاطرني وسوست )وحد النهار بانتلي ماهيش مليحة قلت نقرا عليها القرآن تخيلو من هذاك النهار وليت نكره اسم القراية( صدقوني انا نقرا مليح من صغري الاولى الباك ديتو ب جيد ) انقلبت الموازين ولات بنت خالتي هي لي تقرا مليح معدلاتها كامل جيدة هي تقرا في التانوية الآن وانا تحولت حياتي لجحيم وليت منعزلة نحب نقعد وحدي العام الاول في الجامعة بلوكيتو تسببتلهم بالجامعة قلتلهم بعيدة في ولاية خلاف ودوك راني في العام التاني ديت 7 معدل نرضى نرقد و منقراش نرضى قلبي يتقطع على حالي و منحفدش كل شيئ معطل في وجهي اي حاجة نبغي نديرها تصعاب والدتي دمرت والله ماعرفت واش تديرلي علابالها بلي نتألم على هاد ماتلومنيش
والله يااخوتي بنت خالتي هادي كنت انا لي نقري فيها و كانت عزيزة عليا بصح دوك مابقاتش عزيزة و ليت نغار منها كي تقولي ديت 13 و لا 14 قلبي يوجعني

الحل الرقية الشرعية و أكثري من الاستغفار و قراءة القرآن و ربي يوفقك

[vivaldi]

كان الإمام الشافعي سريع الحفظ ولكن حدثت معه حادثه صغيره

وذلك عندما كان طالب علم جاء إلى شيخه الذي يسمى ((وكيع)) فقال له :
يا شيخ لم اعد أحفظ بسرعة
ولم اعرفالسبب!!!!
فقال له الشيخ :لابد انك ارتكبت ذنبا ما فراجِع نفسك .......
فرجع الإمام الشافعي إلى نفسه ليتذكر أي ذنب أذنب
فتذكر انه ذات مره رأى عن غير قصد امرأة تركب دابتها فانكشف جزء من ساقها
( يقال انه كعب القدم )
فنظر نظره عابره وبعدها أدار وجهه غاضاً لبصره

فذكر ذلك الموقف لشيخه فقال له : هذه هي العلة ولا شك
فانشد الامام قائلا:

شكوت إلى وكيعٍ سوء حفظي
فأرشدني إلى تــــــــرك المعاصي

وقــــال لي إن العلــــــــــم نور
ونـــــــــــور الله لا يُهدى لعاصي



أظن أن الإجابة في هذه القصة الرائعة