عندي عرضة والكااارثة اني مانعرفش نطبخ - الصفحة 2

om kamilia · 2014-04-09, 11:04

سلام ختي ماتخافيش ولا تتقلقي انا جزت هذه التجربة في العام الأول من الزواج و هذا هو menu لي درت :شربة فريك ,كسرة يابسة ,لحم لحلو ,سلطة بالبيض المحشي,سلطة aubergine ,دجاج محمر فfour مع haricot vert sauté et champignon وقليت بطاطا rondelle

,سلطة خضراء وحدها لشيخي ,tarte au fraise الفوكه et les jus boisson gazouz
في السهرة درت بسبوسة avec thé تقدرري تزيدي salade fruitوتقدري تحضري des plats من قب ,راني هنا كاش ما تحبي و زيد الاخوات عندهم des recette هايلين ل يفيدوك اكثر مني و عندهم تجربة كثر نسيت وينك في الغربة
تكلي على ربي

لينا11 · 2014-04-09, 13:16

حنونة ماتخميش ديري شربة فريك باللحم ولا دجاج
https://www.djelfa.info/vb/showthread.php?t=1004977
ودجاج محمر في اكياس الشواء وبيري ملاحظة مهم ارحيها بالرحاية يديوية خير من ميكسور تجيك مطاطية تشوكيك
سلاطة ماسيدوان تتباع واجدة انتي حضري سلاطة خضراء معاها برك
غلي روز برك وزيدي وديري طبقة روز مخلط معاه مايوناز فالقاعدة وخليه يحكم روحو شوية وصفي مليح علبة تاع ماسيدوان تاع من ماء وخلطي معها شوية مايوناز وحطيه طبقة ثانية وفالاخير طبقة اخرى من الروز وخليه فالثلاجة ساعة فما فوق باش يحكم روحو مليح مليح وقن التقديم قلبيه على صحن جميل وزينيه من الفوق حسب الموجود
https://www.djelfa.info/vb/showthread.php?t=1005195
وزيدي كيش باللحم مرحي ززينيها من فوق بالكروفات تجيك تحفة استعملي بيك ابيغو بالالوان يجيك رووووعة
https://www.djelfa.info/vb/showthread.php?t=1022797
ولا هذا :https://www.djelfa.info/vb/showthread.php?t=393129
وحميص حلو وقلي فلفل حاروقشريه وارحيه شوية بالميكسور وزيدي عليه ملح وزيت زيتون وحطيه في سكوب وحدو الي يحب الحار ياكل منو صدقيني راح يعجبهم
ولا عندك مول سيليكون جربي مقبلة هذي راهي شيك وبريزونتابل
https://www.djelfa.info/vb/showthread.php?t=1566386
وبالنسبة للديسار تقدري ديري كيسان تعمريهم بسلطة فواكه واجدة انتي عمري برك كيسان خخخخخ او تحضريها انتي
ولا هذا ديسار هايل
https://www.djelfa.info/vb/showthread.php?t=1381100
https://www.djelfa.info/vb/showthread.php?t=989794

نصيحة حاولي تجربي كمية قليلة باش تشوفو واش صلح لك واعتمديه وماتخافيش توكلي على الله وماتنسايش الاستغفار ديما في فمك

medjkane · 2014-04-09, 16:54

rohi achri 4 jajat amhamrin wa gwa zidi ma3hom salad olilhom wahda bin 2 wahka rah yafrho

tahiya · 2014-04-09, 17:40

شوفي اطباق الاخت نينافري...ساهلة و لذيذة جدا

sarra5 · 2014-04-09, 18:29

جيري سلاطة ماسيدوان ""ساهلة مافيها والو صعيب""

شربة فريك ""الجاري""

طاجين الزيتون

شخشوخة او كسكس

ديسار و عصير

و خلاااص ساااهلة ماهلة وهاذو كامل كاين في المنتدى

اليوم هزي كل الوصفات وطبقيهم نهار الجمعة