همي كبير

[مشكلتي]

السلام عليكم ورحمة الله وبركاته
وشحال عندي وانا حابة نكتب هنا واليوم تشجعت وقولت نفرغ واش في قلبي وممكن نلقا حل لانو الي يسمع بمشكلتي يقولي نفس الكلام اصبري وتنالي رغم اني صبرت بصح الصبر كره مني ومقدرتش نتحمل اكثر من هكذا كل يوم يمر عليا ونشوف الي كان سبب في وجعي نزيد نموت كثر وكثر واش ندير حياتي دمرت خلاص يغيت غير نشوف في الحيوط نتاع دارنا ؟؟؟؟؟؟؟؟؟؟؟
المهم مشكتلي عندي 3سنين وراني داخل في الرابع ملي جبت الباك قتلت روحي على جال القرايا غير القرايا في راسي ونحلم في النهار الي نجيب في الباك ونفرح ونقول تهنيت بصح تحقق هذا النهار باش نفرح وليت نبكي الي يوما هدا ملي نشوف في الشهادة تحكمني القنطة حتي النفس تتقطع ونخاف كي يصرالي هكذا لانو نكون غير وحدي
سبابي هوما خاويتي اليوم الي جبت في الباك قالولي انساي الجامعة لانو بعيد عليا واكثرهم هو الصغير أكبر مني 3سنيين انا الصغيرة في الدار راسو خشيني ويسمعو كلامو بزززاف وعلاه عطولو الحق كيما هكا ودايمن يقول انورايو تالف ونزيد انا دايمن كانو يشكروني عليه بالبزززاف وهو عاود الباك 3 مرات وما جبوش وانا غير من مرة وحدة
وساعات نقول ولكان بابا حي حتى واحد ميهدر حقروني وماما وخويا الكبير هوما سبتي ومرانيش حابة نسمحهم كامل
قعدت عام كامل وانا مش نهدر مع خاوتي بصح حسيت بالضيق وأنا غير وحدي لانو نهدر بزززاف في الدرا العكس برا والي تصر معاي مهدرها وخفت من ربي سمحتهم وهدرت معهم بصح مرانيش نسيا واش دارو فيا متسحيل نسمحهم نهدر معهم عادي كلي مصر والو واش يسحقو ندير لهم وساعات نقول واش راني ندير ؟؟؟؟؟؟؟
حتى ملي كنت نقرا جامي نخرج على طوعهم الي ميحبوهاش جامي نديرها كنت من الدار الليكوول صحباتي منروحش ليهم وكي نتفكر نقول كنت جايحة لو كان غير درت ودرت لنو هما يخدمو ميشفنيش بصح خوفي من ربي خلاني نعجبهم بززاف عاجبتهم في كليش جامي يسقسوني واش درتي لانو دايمن يقول انتي مش كيما البنات الحوايج هذو حطيني الحمد الله ويفرحو بيا
انا الزوج مكانش في بالي غير القرايا ونهار الي جبي في الباك ماما قالتلي روحي تزوجي خير البنت ليها عير قرايتها راني عارفة بالي هذا هو الصح بصح من نهار الاول نتاعي كلي ضربتني على راسي
والناس ملي سمعتني مروحتش نقرا ولاو غير يسقسو عليا وصح جاوني خطاب بالكثرة بصح انا كرهت وعلاه كي عرفو بالي مقريتش انا كارهة من دار ونزيد روح لواحد مزير هذي جامي تصرا والله الخطاب منقدرش نحسب والله العطيم والي يشوفني يخطبني ملي كنت نقرا عجبتهم زين وعقالة وانا هذي نتاع لعقالة كترهتني من مشكلتي هذي كرهت اي واحد يقول على جال العقالة واش درت بيه لوكان غير جيت واعرة كو جبيت حقي وصرخت في وجه خاوتي وقولت غير الجامعية الي روح ليها
وثاني انا حابة واحد يفهمني ونسيني في قرايتي ومندمش عليها واش ندير على حساب هذو الخطاب مشكيتش اني نتزوج جامي مكانش الي يصلح وغير الي يحوس على وحدة زينة وعاقلة تبقة في الدار وصح انا حابة واحد يكون مثقف وهذا ملقيتوش ؟؟؟؟؟؟؟
كثرت الهدر بصح اغذروني انا اول مرة نفرغ واش في قلبي من 3 سنين