هل انا فقط

[امل الانوار]

والله حتى انا كونت نحساب روحي غير انا ولكن لقيت الكثير مني ما نعرف النقاط راهي تنزل علينا كارثية والاسباب لا ندري
ففي هاذي الاختبارات حاولت اسعى باقصى مجهود ولكن لا اعرف النقاط ما تعجبش

[arwa zein]

أناثاني مخدمتش هذا الفصل وجميع لي يقراو معايا هبطو ,الفصل الأول ديت 15 بصح هذا الفصل راني ندور في 14 ربي يستر برك

[ℓįƒẹ’ṧ şฝęęτ]

كامل كيف
أنا الإنجليزية جامي هبطت تحت 18
و اليوم اندهشت كي شفت 13
"خيرها في غيرها"

[anoucha anoucha]

يا أختاه لست أنت فقط فأنا في المتوسط كنت دايما 16قريب 17
بصح العام اللي فات (1 ثانوي) هبطت الفصل1 حتان 13 أما الفصل الثاني فكااااااااااااااارثة 10
العام هذا ثاني شوية الفصل الأول 14 أما الفصل الثاني ربي يستر حسب العلامات هردتها
مع أني زيرت روحي بزاااف الفصل هذا و الله عييت بزاااف وكيما نتي اللي مخوفني والدي
الفصل هذا راهو مستني مني 16 كيما كنت بصح ماضنيتش ربي يسترنا برك ويكون معانا
اسمحيلي طولت عليك ههههههه
تحياتي

[.¸¸۝❝ سليم المحترم ❝۝¸¸.]

قل لابيك ...

لايكلف الله نفسا الا وسعها

[**خليصة **]

معليش
مام انا راني نترت ماشي ير هبطت

[arwa zein]

نقوللكم وشنو هو الحل لازم يهدرو علينا في النشرة باش ميعاقبوناش والدينا بصح على حساب ما سمعت أغلبية التلاميذ عبر التراب الوطني هبطو في هاذ الفصل والله أعلم

[سامية الاخلاق]

المشكل الوحيد الذي اعانيه هو الاجتماعيات مهما حفظت و اجتهدت فيها لم تتجاوز علامتي فيها 14 في الاختبارات!!!!
هل من حــل؟؟؟

[~طَـــمُـــوحْ~]

النقاط كارثة الفصل هذا خاصة الفيزياء والرياضيات في قسمنا

القسم التاعنا 25 من اصل 35 مداوش المعدا

20 منهم دا علامة 4 حتى حطينا الاستاذة مع العهدة الرابعة

ربي يستر اختي و ادعي ربي

حاولي اقناع باباك بانك لست الوحيدة بل كل التلاميذ

[إحساس مرهف]

المشاركة الأصلية كتبت بواسطة سامية الاخلاق

المشكل الوحيد الذي اعانيه هو الاجتماعيات مهما حفظت و اجتهدت فيها لم تتجاوز علامتي فيها 14 في الاختبارات!!!!
هل من حــل؟؟؟

والله يا اختي راكي كيفي حتى انا مهما نحفظ و نبات ساهرة
حتى نلقى 14 لصقت فيا هذي النقطة معرفتش واش هو حلها
ربي يجيب الخير هذا الفصل كامل طحنا و كانت النتائج كارثية

[لينة المتفائلة]

كامل هكذل
في السيام كنت ندي 18 و في اليسي وليت بال 14
و ابي كيما باباك مام هو هكذا العام لي فات كان يعيط و هذا العام مولاش يسقسيني بويسك عرف بلي الاهم في الباك

[اسيل منة الله]

جماعة باك 2015 ........................يرحب بنا ................ملا تفائلوا ...................♥

[lA ReInE dE MOsta]

السلام عليكم

شكرا على ردودكم يا احبائي
هل تعلمون مادا قال لي اليوم ؟
(سوف تفرحيني في هدا الفصل )
لان نقاط الفروض لا باس بها
فانعقد لساني ثم قلت له سوف ادهشك ان شاء الله في البكالوريا
فلم استطع ان اقول له على نقطة الطرائق

[اسيل منة الله]

يا ويحتي راكي في موقف صعيب ........................مع الاسف المواحهة هي الحل

[lA ReInE dE MOsta]

لكن عندما اواجهه مادا اقول ؟