خطيبي و اخته

[كنوز الرحمان]

عرة الراجال الي يعاود الهدرة مثلا هدرت خطيبته او مرته للنساء سواء امه او اخته . صديقتي قبل كانت تعاني من هذا الامر

[أم شروفة]

مثل زوجي اي كلمة نقولها نلقاها عند دارهم تشاجرت معاه مليون مرة وما فهمش روحو.الحل ما نحكيلوش الكلام اللي يضرني لو سمع بيه شخص اخر وربي يعاونا مع أزواج صرحاء جدا

[خفيفة روح]

انا عانيت من هذا المثال يحكي كلش لعماتو وصلت حتى كيفاش نعيشو حياتنا الممهم انا مكملتش معاه وطلقت قبل الدخول النصيحة هي تاكد من نوع هذا الرجل

[yildiz]

السلام عليكم
نفهم من كلامك اختي انه يعاود كل حاجة تقوليهالو و يقولهالك يعاودها لاختو ؟؟؟
ادا كان هكدا في كل حاجة كبيرة و صغيرة هادي ماهيش عقلية قع و مع الوقت تولي تديرلك مشاكل اما ادا كانت تصرا غير فالحاجات الصغار حاولي تفهميه بلي كاين حاجات ما يتحكاوش ..

[Mr.Saddam]

ههههههههههههههههههههههه
اهدري معاه قوليلو منا و جاي متعاودش واش نهدرلك لاخاك و عمك و خالتك و جارك و صاحبك
مش اوبليجي الغاشي قع تعرف واش رانا نهدرو

[إيمان احمد]

شوفي اختي انا خاااوتي ربي يخليهملي يحكولي كلش و يمشو بي شوري انا لاني الكبيرة و ننصحهم لصلاحهم فيمكن خطيبك يحكي لاختو لانويثق فيها و يححترم رايها

و نصيحة مني خلي علاقتك باختو مليحة لانو باين لها تاثير كبير اعليه و انا ي نحكي من تحربتي