سؤال بسيط : علاش ما تروحوش تفوتو لارمي و تهنو راسكم !!!

[خالد القانوني]

السلام عليكم
شفت اغلبية الشباب يعاني من مشكل الخدمة الوطنية
و لكل شخص ظروفه الخاصة بالطبع ...
ما عدى الناس المرضى و التي تعين عائلات
علاش ما تروحوش تفوتو لارمي و تهنو ريسانكم ؟؟؟
قد يؤثر عليكم نفسيا بزاف هاذا المشكل و تبقو تخمو فيه بزااف

كاين شباب نشوفهم ينتظرو سنوات للاعفاء من الخدمة الوطنية
و الخدمة العسكرية هي عام و نص !!!

ما تحكوليش قصة ولان فلان ما يفوتوش ..ما تشوفش في الغاشي ..شوف لروحك برك
خليك منهم هاذا مستقبلك انت و فقط ...و قدر الله علينا هاذا الامر
و القوانين هاذي مفروضة علينا اكيد ...
يعني حسب رايي منطقيا : نروح نفوت لارمي خير ما نقعد نستنى في القوانين و تضييع الوقت ....

هاذي دنيا حقيرة و كل هاذه الامور تافهة ...اخرتها ندخلو للقبر و نتحاسب امام رب العباد جميعا

...حتى لو ظلمي اي شخص او سرق حقي او حريتي ...اتبسم في وجهه لاني اعلم
اننا سوف نتحاكم امام احكم الحاكمين ...
ما تخلوش شيء بسيط يأثر عليكم
و الله اعلم

بخصوص حالتي ..انا مازالني ندرس بصح مين نكملها نروح نفوتها باذن الله مباشرة...