السلام عليكم
انا كنت في القليعة في مارس اللي فات وهرجت سورسي
1- البورتابل ممنوع + ادي زوج معاك اعطيهم واحد وخي عندك واحد ... حطو في جيبك عادي جامي يفتشوك
2- الطبيب معا البدايا كان يفوت على الناس عادى واللي عندو دوسي تاني يسمعلو وقاع ... بصح معا التالي (جوايه 25 للفوق ) كثرت الناس ومابداش يحوس عليك لا ادا مريش ولا ادا صحيح على حساب عينيه يعطيك سورسي ولا يبعتك كونتر فيزيت ولا يشدك
3- ماكانش فرق بين اللي دخل بكري ولا روطار ... قاع عندكم احتمالية سورسي ولا ريفوفرم ولا تلبس ..
4- بالنسبة للونقار ... صح ميزيرية في الرقاد والبرد يقتل ... بصح لومبيونص دايرا حالا ... + دي معاك ديمينو تفوت الوقت معا صحابك
5- امواس الحلاقة ممنوع + الفوايي ممنوع + الدوش محال يصحلك + المزرطية دايرة ظل انتا وقفازتك.
6- اخر ثكنة تلبس على حساب ما شت ... انا دخلت 16 وخرجت 28 افريل سورسي....
+ من صحابي اللي لبسو قالولي التدريب ماكان والو عندك من الصباح (8) حتال جوايه 11 ونص يدربوكم على لوردسيري (استريع ستعد لليمين در للخلف در للامام سر ... المهم الكاريات وخلاص)
+ الله يسهل للي راه ماشي ... نصيحة وحدة ليك ما درش غلطتى وتروح بركي ... روح رووووطار ... وكلشي مكاتيب.
( تقرير عن مشاركة سيئة )، و الموجودة أسفل كل مشاركة .
2014-03-20, 20:22
العرض العادي
