طلقني امام امه و اخته

[lachiche]

للأسف
أختي مسكنك الخاص من حقك الشرعي و لا يجوز ان تخدمي احد غير راجلك و اولادك و ماعندوش الحق يضربك لانه يوجد حلول قبل الضرب انا نقولك حاجة ربي يجيبلك الخير هادا مكان

[sanax]

الاخوة معهم حق ربي يجمع بيناتكم ويهدي النفوس

[أم أروى]

أول حاجة نقولهالك كيما قالت " اولادي سر سعادتي" ولي لزوجك اتصلي بيه و حاوليه حتى لو ما ردش اعليك ابعثيلو رسائل و قوليلو غلطت في حقك وراني نادمة وما نسمحش فيك المهم اعتذري منو وما تنسايش الرجل طفل صغير حنا نسا نعرفو نتحكمو في ازواجنا غير منين اك ما نخدومش عقلنا المهم ارجعي ليه والله لوكانت تخسريه تخسري أغلى حاجة و تندمي طوووووووووول حياتك الزوج والاولاد نعمة ما تحرميش نفسك منها و بما أنك قلتي تخدمي بزاف عليهم يا ختي نقولك اخدمي حسب استطاعتك [ لا ضرر و لا ضرار] وش تقدري قومي بيه واحتسبي الاجر عند الله عزوجل علابالي ماشي ساهل على امراة حامل ولكن وش اديري ديري روحك راكي تخدمي و تنظظفي وتطيبي لزوجك واولادك واما اخت الزوج عامليها كانها ضيف (ولا مارحش تكرمي الضيف؟!!!)
والسكن يا ختي ادا كان زوجك ما يقدرش بش يديرلك دارك وحدك اصبري وادعي وادا كان يقدر فاتحيه بالموضوع بصح فالوقت المناسب انت ما خيرتيش وقت مليح كوني ذكية واعرفي كيفاه تتعاملي مع زوجك صدقيني كي تتمسكني و تحنحني عليه و تختاري الوقت المناسب [ اغلب الاوقات الزوج يكون في مزاج مليح بعد ما يدخل غرفة النوم فانتهززي الفرصة] وقبل كل هذا تدعي الله عزوجل و تلحي في الدعاء وادا رفض مرة زيدي حاولي بصح بهاد الطريقة ماشي في وقت غير مناسب
ارجعي لزوجك وما تخربيش دارك

[ندى الصبح]

اسمحولي اخوتي لكن واشبيكم قاع غلطتوهل
يعني هي حامل في الشهر التاسع عندو الحق كي ضربها وهي ما عندهاش الحق تدافع على روحها؟؟؟؟ علابالي الضرب ماهوش حل بصح للطرفين مشي حلال علينا حرام عليكم ولوكان جيت في بلاصتك نتصرف كيما انتي عادي كماتدين تدان
ضرك لازم تفكري في مستقبلك ومستقبل بناتك
اذا جا اداك للدار معناها راهو نادم ويحوس يطلب السماح وتم تقدري تناقشيه بالسكن الانفرادي وعدم رفع يده عليك مره اخرى
واذا ما جاش ماراهيش نهايه العالم خاصه اذا موالف بالعقليه تاع الضرب هذي وتم تقدري تخرجي تحوسي على خدمه على الاقل تعاوني روحك ووالديك وبناتك
اعطيلو بناتو اذا ماتقدريش توفريلهم واش يحتاجو مافيها والو
ولا تنسي ان الدعاء مفتاح الفرج
ربي يهدي نفسك ويفتح عليك بالخير

[سفيان الحسن1]

السلام عليكم


رغم ان لكل اسرة خصائص لا احد قد يعيش نفس تصورك لالامور

لكن ان يصل الحد لاي امراة ان ترفع يدها لضرب زوجها اظن ان الامر يجب التوفق فيه مطولا

فالغيرة والمشاكل بين الزوجة وام زوجها واخواتها هي قصة طويلة ممتدة في عمر الزمن لكن ضرب الزوجة لزوحها واسف على قولها

هي خط احمر تجاوزتيه بكل المقايس


ثم هل مشكل السكن ليحل بمشكل الكراء ليس الجنة بل بداية مصاريف جديدة ومشاكل اخرى


اصلح الله بينكم ويجب على كل زوجة ان تعلم ان رفع يدها في وجه زوجها وضربه

هو اخطر امر يصدر من اي امراة مهما كانت

على العموم وفقكم الله السلام عليكم

[وصال سلام]

[quote][اسمحولي اخوتي لكن واشبيكم قاع غلطتوها
يعني هي حامل في الشهر السابع عندو الحق كي ضربها وهي ما عندهاش الحق تدافع على روحها؟؟؟؟ علابالي الضرب ماهوش حل بصح للطرفين مشي حلال علينا حرام عليكم ولوكان جيت في بلاصتك نتصرف كيما انتي عادي كماتدين تدان
ضرك لازم تفكري في مستقبلك ومستقبل بناتك
اذا جا اداك للدار معناها راهو نادم ويحوس يطلب السماح وتم تقدري تناقشيه بالسكن الانفرادي وعدم رفع يده عليك مره اخرى/quote]
هي غاضتها روحها كي ضربها وهي حامل وزيد فوقها اتعاب المنزل وبما فيه فوق راسها فرجعتلو بدون ان تفيق لروحها

الله يهديه برك كان اقل حاجة يعملها يرفد روحو ويخرج برا
انا نقولك خيتو ادعي لربي يفرجها عليك وصلي استخارة والخير فيما اختاره الله لنا هذا اللي كان
الله يفرج عليك همك وينفس عليك كربتك يااااارب وما تقلقيش روحك باش ما ينضرش اللي في كرشك
قولي لا اله الا انت سبحانك اني كنت من الظالمين

حسبي الله ونعم الوكيل

رفقا بالقوارير يارجااااااااااااااال

[GeneralDz]

السلام عليكم أختي انا برأيي التفكير الأول و قبل كل شيئ الأطفال ما ذنبهم غذا كان الأب غير قادر على إشتراء أو تأجير البيت

ريحوا وحدكم انت و راجلك و ماتسمعوا كلام حتى واحد لأنو ما يحس بالجمرة غير ليعفس عليها . و غذا كان زوك مش قادر و يماه مريضة لازم

عليك ترعايها حتى و لو تسمعي كلام مش مليح .. الله غالب هذا هو الزواج تضحيات من الطرفين .. و ربي يفك أحوالك سلام

[سفيان الحسن1]

السلام عليكم


على كل رجل ان يعرف ظروف المراة في الحمل

حيت يكون الوحم والقلق والخوف هو سمة خاصة للمراة

ويا اسفاه اننا الرجال لا نفهم نفسية المراة حين تكون في اصعب مراحل حياتها الحمل

هذه الفترة مرحلة هشة جدا واي رجل لا يحسن التصرف قد

يجازف بفقدان شيء غالي عليه ابنه او زوجته


على العموم سوف انشر موضوع عن المراة في فترة الحمل


وفقكم الله للخير

[sali-sali]

السلام عليكم

اولا كان عليك ان تتحكمي في اعصابك و لا تثيري المشاكل + و تناقشيه بهدوء في الموضوع حتى تحصلي على نتيجة غير التي وصلت اليها

ليس من حقه ان يضربك و انت حامل .. و ليس لك حق الرد بتلك الطريقة ... لكن للاسف حدث ما حدث

اما ان تعسي لحل المشكلة بنفسك .. فكري في اولادك اولا و ان شاء الله تحققين نتيجة ايجابية معه
او عليك ان تبعتي له شخص يكون محل ثقة يتحدث اليه

الله يهدي النفوس و تتصلح الامور ..و ان شاء الله لا تتكرر نفس الغلطة

[أم يونس01]

السلام عليكي أختي راكي غلطتي غلطة كبيرة كان عليك تسكتي وتهدري معاه كي يكون في وعيو ماشي غاضب واش تحبي ناس بزاف راهي تقاسي كما انتثي واش ديري لوكان من الاول متقبليش غير بدارك وحدك وثالثا كسبي زوجك كسبي زوجك اكسبي زوجك ميهمش لعجوزة ولوسة صح يديق خطرنا من هاذ لحوايج بصح الطلاق ماشي حل وولادك مفكرتيش عليهم تقبلي مروري

[zineb rah]

[quote=نارينا;1055738853]يا بنتي الله يكون في عونك لكن من كلامك لاحظت انك استخدمت عواطفك من بداية المشكل لغاية نهايته كان الاولى بك ان تعرفي لم يقوم زوجك بالهروب وقت الغذاء والعشاءالى الخارج وان تكرمي الضيوف لحين مغادرتهم ووقتها تحيني الفرصة المناسبة واخبري زوجك عن رغبتك في الاستقلال بسكن والظاهر ان ظروف زوجك لا تسمح منذ البداية وظروف عائلتك الله يعين ....المهم حاولي تبرير موقفك وابداء ندمك امام اهلك وامام زوجك لانه في موقف قوة والصراحة انا لو كنت مكانك وضربت زوجي واعلم انك فعلتي ذلك بسبب تراكم سلبيات ووساوس الشيطان وتغليب العواطف لكان ابي اول من سيلقنني درسا لن انساه ما حييت
و الله يهديه

[sissi123]

شفتوها غي كي هيا رفدت يديها ماشفتوهش هوا كي ضربها و هي حامل في الشهر السابع!!!!!!
من رايي لازم يدخلو والديك فضرب مرأة حامل ليس بالأمر الهين مارحمكش حتى و انتي حامل وهوما
تاني مرحموكش طيبي لختو و أولادها وانتي مريضة !!!! ناس حابة ترد العروسة خديمة نتاع بسيف الله يصبرك

[الجليس الصلح]

كان الله في عونك وعون اولادك اتصلي بزوجك واشرحي له ظروفك وما أنت فيه عساه يرجعك وخاصة والأولاد بينكما ان فتح لك بيت مستقل فبها ونعمت والا فاصبري وصابري فبناء اسرة يتطلب تضحيات جسام وستفرج لا محالة اذا صبرت وصليت لله

[agro44]

السلام عليكم ورحمة الله وبركاته

ايها الاخت الكريمة لقد اخطأت كثيرا

حتى الفاظك ليست في محلها
ام زوجي و اخت زوجي

اليست امك واخته اختك
على الاقل هذا ما قلته له قبل ان تتزوجي

والان انت تجرئت حتى على طربه

ثم ان حماتك ليس لك الحق في التدخل في امورها جائت او ذهبت

نعم شئت ام ابيت البيت بيت ابوها

ام انك تنتظرين منهم ان يشاوروك في الزيارة ؟؟


انت تتحملين المسؤلية بالكامل امام الله واما عباده


هذي صرات قبلك بزاف والنتيجة
مطلقة اي بالمعنى الحقيقي
من الدرجة الثالثة من المجتمع

راهم غايضيني غير البنات الي انت السبة فيهم والله انا خاطيني كامل
والله منساحك
علاه؟؟

سكني وحدك هذا واش درتي في راسك ""
لان لا سكنة لا مستقبل

قلبي راهو معمر منك



الان الحل في يديك

ديري الراي الي يبكيك

روحي اطلبي اسماح من امه واخته ومنه

وان شاء الله يسمحولك برك