مساعدة في هاد الmodel - الصفحة 2

tiziri2 · 2014-02-10, 14:02

شكرا اختي ما كانش مشكل

بلاك راكي تقصدي هادوك لغصان بهاد الفيديو الي وريتي لكن انا مشكلتي في الباترون ككل ماشي عير لغصان يعني مادابيا خطوات تاعو سطر بسطر

على كل يعطيك الصحة عالمجهود
و بالبركة عليك و بزيان السعد ان شاء الله

بارك الله فيك

tiziri2 · 2014-02-10, 14:04

نتمنى اي اخت عندها الخبرة في الكروشي تساعدني باش نخدم هاد المودال
الورقة الي فيها 3
ما عرفتش حتى منين نبداه

اتمنى التفاعل و المشاركة

شكرا

djamilach · 2014-02-10, 16:29

djamilach · 2014-02-10, 16:30

انشاء الله انكون قد افدتكن.

sonia1275 · 2014-02-10, 18:01

السلام عليكم انا فهمته ولكن لم اعرف كيف اشرحه سطرا سطرا

tiziri2 · 2014-02-10, 20:09

يا اختي جميلة بارك الله فيك
لكن اتمنى تشرحيهولي اكثر و ببساطة اكثر لانني لم افهم

اذا ماكانش ازعاج طبعا

جزاك الله خيرا

tiziri2 · 2014-02-10, 20:17

احتي سونيا شكرا

راني نحاول نفهم واش دارتلي الاخت جميلة لكن جاني صعيب
لانه كي حاولت نربط واش كتبتلي مع الصورة ما عرفتش نمشي حتى الاتجاه مارانيش فاهماتو

نظن الورقة تتخدم على 2 اجزاء الوسط و لبراج و لا راني غالطة ؟؟؟؟

اتمنى تفيدوني لاني فعلا حابة نخدمها

لحن الحياة. · 2014-02-11, 16:12

سلام تيزيري ازوووووووووووول .اميك ??لاباس?
حنونة قوليلي واش رايحة ديري بيها الورقة هادي باش نحاول نفهمك فيها
باسكو تخرج صغيرة و في الصورة تبان كبيرة
غدوة باذن الله نحطلك ية شرح ما لقيتش باش نصور

لحن الحياة. · 2014-02-12, 13:57

امسلااااااااااااااااااام

راني حاولت نبسطلك الجزء الاساسي من الورقة
والباقي بنفس الطريقة
كي تكملي هاكداك يبقاو ثلاثة اسطر تقطعي الخيط و تعمليهم
شوفي الشرح و تبعي الباترون واي سؤال راني نحاول نجاوبك
راني خدامة على هاذا ما نكونش دايما في المنتدى

tiziri2 · 2014-02-12, 16:00

بارك الله فيك يا اختي جيل دوك نجرب و نردلك بلخبر
بصح علابالي بلي راني رايحة نهبلك بالاسئلة ساعفيني برك شوية

يعطيك الصحة بزاف بزاف

لي عودة بعد حين ان شاء الله

tiziri2 · 2014-02-15, 17:18

السلام عليكم
شوفي يا اختي جيل دوك نفهمك واش ما فهمتش و عاودي فهميني كتايبا برك بلا ما تشقي روحك و تزيدي تعاودي من الاول بزاف عليك ان شاء الله برك نفهم

الجزء الاول فهمته و تبعت كيما قلتيلي و بان لي كيفكيف مع الباترون
بصح كي لحقت للجزء الثاني بعدما حبطت بالحشو هنا بان لي ماشي كيفكيف لانه في الباترون دارو 3 مرات حشو و ما عرفتش كيفاش لسقو الطرف الثاني مع الاول لانه بانلي فيه بريد ماشي سنسلة
كي حاولت و قلت نتبع معاك ما عرفتش كيفاش لسقتي الطرف الثاني مع الاول

يعني باختصار حصلت خاصةفي التلساق تاع les morceaux ؟؟؟؟

اسمحيلي اذا شقيتك راني قلتلك بلي راني مبتدئة و نفهم غير بخطوة خطوة و قلتلك رايحة تتعبي معايا

جزاك الله خيرا

tiziri2 · 2014-02-16, 13:45

السلام عليكم و رحمة الله و بركاته

هاد الرد لاختي kakpop
يعطيك الصحة اختي الورقة الي حطيتيها شابة تاتيت و اذا تحبي تحطيلي الكيفية مانقولكش لالا نجربها و نشوف شكون خير مع الاولى او بالاحرى شكون تجي شابة كي نديرها des pièces pour un drap
و انا الصراحة علاش عجبتني الاولى هادي الي حطيتها هنا في موضوعي لانها متقوبة غاع و يبان لفراش من تحت بصح ما يمنعش نجرب الاثنين

بارك الله فيك عالاتهمام تحشميني يا احتي kakpop كي تشقي في روحك هاكدا
ان شاء الله تقراي الرد تاعي لانه ما نقدرش نبعتلك رسالة

واش نقلك ربي يرزقك الذرية الصالحة عاجلا ان شاء الله تعالى و يرزقني معاك
اللهم امين

tiziri2 · 2014-02-19, 17:24

السلام عليكم
راني خدمتها
من بعد نحط الصورة ان شاء الله

لحن الحياة. · 2014-02-21, 11:15

سلااااااااااااااام
نستنا تطبيقك و اذا لقيتي صعوبة نعاودلك الشرح من الاول اوكي
رانا كامل نتعاونو

tiziri2 · 2014-02-11, 20:01

اختي jill ازول عسلامة

يعطيك الصحة يا اختي جيل موالفة نقرا مواضيك و تعجبني d'ailleurs البياسة الي درتيها تاع الدرا راني جربتها و خرجتلي
بارك الله فيك

بالنسبة للورقة حابة نخدم بياسات و نديرهم sur un drap

و راح نكون شاكرة بزاف بزاف كي رايحة تفهميهالي
راني نستنى

ثنميرث