هل يحق للرجل ضرب المراة

[بصمة لاتنسى]

السلام عليكم
حقيقة لا أراه اسلوبا ناجعا لمعالجة المواقف
واصلا نسينا امرا مهما
ما تاثير ذلك على نفسية الأطفال ياترى؟؟؟
سلام

[عبد الرحيم]

منذ سنوات رأيت في التلفزيون الجزائري حصة عن هذا الموضوع
ومن بين الحالات امرأة كان لها الجرأة لأن تظهر وتتباكى في الروبورتاج
وكان سبب ضرب زوجها لها أنها طلبت منه (البارابول) فرفض
فهددته بأنها ستذهب عند جارتها لتشاهد المسلسلات
فحذرها من هذا الفعل
لكنها تجاهلت تحذيره فخرجت من البيت دون إذنه وذهبت لتشاهد المسلسلات عند جارتها
فأبرحها ضربا...

هل تستحق الضرب ؟؟؟

المشكلة أن معدة الروبورتاج قدمت هذه المرأة على أنها مظلومة ومقهورة ومسكينة ووو...
فالرجل إما أن يشتري بارابول أو يترك زوجته أن تذهب عند جارتها لتشاهد المسلسلات....

المصيبة هي أن الرجل الجزائري معروف بعصبيته الزائدة خصوصا إذا غضب
فإذا اضطره الحال إلى الضرب فلا تتوقعوا منه ضربا غير مبرح..

التطرق إلى موضوع ضرب المرأة أمر مهم فحتى الشريعة الاسلامية لم تغفله
لكن أن نتطرق إليه على طريقة تلك الصحفية التي أعدت الروبورتاجات في التلفزيون الجزائري
فهذا ما يعقد المشكلة ولا يحلها

[eBusiness]

واش نقولك أختي الكريمة إلهام الله يصبر أخوك الكريم لكني بصراحة أنتظر منه الحزم مع هذا النوع من النساء، كرامة الرجل فوق كل اعتبار والله يوفقه

[الأرض المقدسة]

قال صلى الله عليه وسلم "أكمل المؤمنين إيمانا أحسنهم خلقا و خياركم خياركم لنسائهم "
و عن إياس بن عبد الله بن أبي ذباب قال قال النبي صلى الله عليه و سلم " لا تضربن إماء الله فجاء عمر إلى النبي صلى الله عليه و سلم فقال يا رسول الله قد ذئر النساء على أزواجهن فأمر بضربهن فضربن فطاف بآل محمد صلى الله عليه و سلم طائف نساء كثير فلما أصبح قال لقد طاف الليلة بآل محمد سبعون امرأة كل امرأة تشتكي زوجها فلا تجدون أولئك خياركم"

عن عائشة قالت : " ما ضرب صلى الله عليه وسلم بيده خادما قط و لا امرأة ، و لا ضرب رسول الله صلى الله عليه وسلم بيده شيئا قط إلا أن يجاهد في سبيل الله ، و لا خير بين أمرين قط إلا كان أحبهما إليه أيسرهما حتى يكون إثما فإذا كان إثما كان أبعد الناس من الإثم ، و لا انتقم لنفسه من شيء يؤتى إليه حتى تنتهك حرمات الله عز وجل فيكون هو ينتقم لله عز وجل " .

[ABDOU ELE]

ســــــــــــــــــــــــلام

شكرا على المرور كل باسمه

[علي لقواطي]

الكف مليح ساعات

[ويناروز]

السلام عليك اخي عبدو
نعم اخي هناك من يجوز تأديبهن بما يوافق الشرع
هاك من توصل نها ا ذلك ولا تنصاع
تحيتي

[كلنا راحلون]

السلام عليكم
احيانا نعم ولكن احذر بعد الضرب ليس مبرح في الغد هدية ولو وردة اكيد بلاستيكية هههه كلمة صح تنقال المرأة او ب الاحرى الزوجة مهما تكون شديدة العناد والتمرد الا انها ضعيفة ومع ذلك تستحق الضرب احيانا واكدلي على وردة وربما لي عودة في الموضوع يستحق نقاش والسلام عليكم

[ABDOU ELE]

ســــــــــــــــــــــــلام

شكرا على المرور كل باسمه

[سهيلة2013]

لا يحق له ذلك

[lola22]

راني انشوف في ناس اتقول الكف ساعات مليح والسبب الله اعلم
في بالهم المرى ما ادير والو تربية الاولاد والغسيل والتطياب في بالكم حاجة ساهلة ؟؟؟ وكاين اللي يقولو هذي هي خدماتها ولا واش راهي ادير ياخي ما ادير والو لالالا راهم غالطين جربوا اقعدوا في الدار انهار وديروا هالجوايج كامل يا ترى تقدروا تصبرواا ولالا االاطفال ساعات كي يروح باباهم من الدار ويقعدوا معاه ويلعبوا وديفوا الصراااخ والتشيطين اكيد...... الخ شوي ويتقلقل ويقلهم روحو لماماكم وهي المسكينة نهار كامل وهي عقابهم تجري ... وابسط حاجة انها كي تخرج وتروح لاي دار ما تقعدش كي العباد تبقى غير عقاب ولادها وتعس فيهم واكيد النساء راح يفهموني واش نقصد ...
وفي الاخير تقولو الضرب نورمال ؟؟؟؟ علاه الراجل كي يغلط المرى تسامحوا والعكس لالا....
واكيد وحدة ما راح اتوصل روحها للضرب وكاينين رجال في بالهم انو الرجولة في ضرب المرى لالا راكم غالطين الرجولة كي تكون راجل فحل مع مرتك وتحترمها وتحترمك وتفهمها وتفهمك وتعذرها واتسامحها اذا غلطت واتحاورها واتفهمها مش ديراكت اتهز يدك .....
وفي الاخير ربي يهني كي عايلة ويبعد عليهم المشاكل
تقبلواا مروري ...

[ichrak03]

فكرتوني بحكاية راح تجاوب على عقلية الرجل الجزائري

كي كنت نقرا فالثانوية حصة علوم شرعية تطرانا لهذا الموضوع وقالتنا الاستاذة ان الرسول عليه الصلاة والسلام ضرب زوجته بعود المسك

فقال احد الزملاء ما دام الشرع يقول هكذا راح نغرس شجرة المسك في بيتي ونهار تقلقني نقلعها من جذورها ونضربها بيها ههههههههههها

ان شاء الله وصلكم المعنى

[ام ملاك.]

موضوع شائك جدا انا ضد ضرب المرأة تحت اي ظرف كان
لكن كاين شي نسا والله تقول الواحد يشدهم اضرب اضرب حتى تحرم تزيد تدير المشاكل ونميمة عندنا واحدة في العيلة بالطيف ماطلقت حتى واحد من مشاكلها وتلحقك يالوكان بعيد راجلها يظل يضرب فيها بصح مافهمتش من واش من طينة مخدومة الله يحفظ ماتعرفش حدودها خلاص الله يهديها
نرجعو لاسئلتك
ـ هل يحق للرجل ضرب المراة مهما كانت الاسباب وهل تؤيد ذلك.

لا يحق له ومهما كانت المراة تبقى مخلوق ضعيف الا لسانها السليط عند البعض فهو القوي لكن صراحة ماتقدرش على روحها تبين برك بللي قوية واذا ازعجته كثير فليرجعها لبيت اهلها لتتعقل او يتكفل بها اهلها

ـ اليس من واجب الاهل الوقوف في جانب المراة؟

اكيد اذا كانت مظلومة لازم يوقفو معها ومايخلوهاش وحدها ابدا

ـ ماهو واجب المجتمع والدوله امام هذه المشكله؟

راه كاين قوانين تمنع هاذ التصرفات بصح ياريت يزيدو يزيرو في القوانين خاصة على الرجال الحقارين اللي يضربو نساهم بلا سبة وبلا فايدة يعني يفش خلقو عليها وتلقاه بارة دجاجة وكي يرجع للدار يولي سبع على اضعف خلق الله (حاشا الجميع فانا اختص بعض الفئة المريضة)

ـ هل قيام مؤسسات خاصه تساعد على حماية المراة الحل البديل؟
مثل تلك التي باوروبا وامريكا انا معها لانه احياناتصل بالرجل لقتلها او تهديدها بالقتل فتبقى المراة في خوف دائم وهروب فمن الاحسن وجود مؤسسات ترعاها وتعطيها حقوقها

موضوع تالمون فيه بزاف هدرة لوكان نقعد نكتب من درك لغدوة مانكملش لكن احببت الاختصار

[mira92]

لايحق للرجل ضرب المراةاطلاقا

[كاميلا]

لانهم وبكل بساطة يتبعون السنة في التعدد اما في واش كان يدير الرسول والمعاملة ومساعدة اهل بيته هاذيك مش سنة تولي حاجة اخرى للاسف ينتقون من الدين ما يحبون ومايشتهون هه