تعقيب يريد خطبتي - الصفحة 2

سطايفية بكل فخر · 2014-01-29, 20:16

اللاسم عليكم
لا حول ولا قوة الا بالله
مجنون يحكي وعاقل يسمع
ياختي واش بيك علاش راكي ديري لعمرك هكا
بداية افيشيتي روحك شكون نت هنا وهذا خطا روحي امحي ردك من الموضوع الاول لانو كل كلمة تقوليها ممكن تستخدم ضدك نصيحة لوجه الله
ثانيا يظهر انك صح مزلتي صغيرة على الزواج وانا لي كاتن في بالي راكي ناضجة وحابة تتزوجي
ياختي كملي قرايتك احسنلك وانسايه وقطعي علاقتك بيه نهائيا وين راكي رايحة واش حاطة الزواج روبة بيضا وخلاص
يابنتي انت قلتي عليه هكا وبن راكي رايحة انت كارهة روحك حابة زيدي تجيبي ولاد وتكرهيهم في حياتهم كيما كرهتي انت
وزيد واش من مشاكل عائلية
كان لازم عليك تحاولي تحليها مش تشبكي روحك في مشاكل اخرى
وزيد بيت اهلك اولى بيك على الاقل اهلك يمضعوطك وميبلعوكش
انما هذي لي تحكي عليه راهو يمضعك ويرميك للكلاب يوكلوك
وين راكي رايحة
اقطعي اتصالك بيه نهائيا ومتزيدي ديري حتى علاقة لطيحي من القفة تجي في عراها
بلاكي راكي صغيرة ومكي فاهمة من الدنيا والو
وزيدي انت ديماريتي على ساس رايب لي هو الكذب والثاني عارفة واش مديا
اكيد البيت كي يريب يجي على راسك
ربي يهديك ويوريلك طريق الخير
وان شاء الله هذا درس تتعلمي منو

كلنا راحلون · 2014-01-29, 21:00

السلام عليكم القانون لا يحمي المغفلين هزي راسك وانت تقرئين في ردي نعم هزي راسك مليح بائع مخدرات يقدر يجرك في فخة يقدر يفوت سلعته بدون ما تشعري ويقول هذه الفتاة اعرفها وناس شهود اختي ارجوك اسمعيني انت تلعبي بنار يبدو انك صفيرة في السن وما كي عايشة في كوكب الارض يا بنتي نتمنى تبعدي عليه في اقرب وقت وسلام

Amouna.DZ · 2014-01-29, 22:51

تخرجي من مشكل عائلي تدخلي في مشاكل كارثية مع هذا الشخص

خليك من كلمة تعلقت بيه خممي في روحك

الجليس الصلح · 2014-01-30, 10:47

السلام عليكم ورحمة الله
أختي الكريمة ما ورد في قصتك شيئ مألم لقد وقعت مع شخص اضاع
حياته والنصيحة ان تنهي علاقتك معه غيري شريحة الهاتف وانسي
الأمر والدنيا ما تزال بخير وستجدين احسن منه
ادعي الله وتوسلي اليه ليرزقك الزوج الصالح

djalal44 · 2014-01-30, 11:08

السلام عليكم
هما كانت مشاكلك العائلية لن تكون أسوأ من هذا الرجل المدمن و رد السجون و صاحب العلاقات ...
والله أنت تلقين بنفسك إلى التهلكة و صدقا مشكلتك لا تحتاج إلا إلى حل واحد و هو تركه فورااااااااااااااااااااا
وإستعيني بالصبر والصلاة

نوال زهرة · 2014-02-02, 19:02

اختي نصيحتي ليك توبي الى الله و اخطيك احنا قع بنات اتبعي الطريق الصحيح و عمري وقتك بالصلاة و الذكر و الاستغفار قبل ما تخمي تخرجي من داركم خمي ترتبطي بواحد يخاف ربي و يصلي و يتقي ربي فيك و يكون عون على طاعة الله و زعما هاذا اللي خرج من الحبس و يبيع المخدرات راح يحترمك راح قدرك راح يتهلى فيك ما تتسرعيش هاذا ما هوش حل للخروج من المشاكل و نشالله ربي يرزقك الزوج الصالح في اقرب الاجال

نوال زهرة · 2014-02-02, 19:05

اختي نصيحتي ليك توبي الى الله و اخطيك احنا قع بنات اتبعي الطريق الصحيح و عمري وقتك بالصلاة و الذكر و الاستغفار قبل ما تخمي تخرجي من داركم خمي ترتبطي بواحد يخاف ربي و يصلي و يتقي ربي فيك و يكون عون على طاعة الله و زعما هاذا اللي خرج من الحبس و يبيع المخدرات راح يحترمك راح قدرك راح يتهلى فيك ما تتسرعيش هاذا ما هوش حل للخروج من المشاكل و نشالله ربي يرزقك الزوج الصالح في اقرب الاجال وزيد راكي صغيرة هل انت قادرة على المسؤولية هاذا زواج ماشي لعب