حاجيني يا يما حاجيني

[طيبة نفس]

مالازمش نردو حتى تخلاص القصة كملوهاواش صرا للونجة عجبتنيييييي

[safia 35]

اين البقية.....................................

[نبض الفؤاد]

آسفــة على التأخر ..

إليــكم البقية

في القصر كان والدي زاهر يبكيان ليل نهار وقد اخذ منهما الحزن كل مأخذ ، اقتربت لونجة وهي ترتدي ملابس رثة

وقالت للحارس: دعني أقابل الملك أرجوك فالأمر هام .

لكن الحارس رفض فأخذت تحدث جلبة في المكان حتى تناهى إلى سمع الملك صوت أشبه بالاستنجاد فطلب الحارس

وفهم منه القصة ثم سمح لها بالدخول غير أنه تعجب من هيئتها وملابسها الممزقة ثم سمح لها بالحديث فقالت : سيدي لقد

خدمت في القصر مدة ورأيت حالكما والحزن الذي تعيشانه فأذن لي أن ابعد عنكما هذا الغبن ليحل محله الفرح .

أذن لها الملك وقد استبشرت ملامحه وحينها خرجت ليدخل الأمير زاهر وتتهلل وجوه والديه وهما يستقبلانه

بالأحضان ودموع الفرح ثم ابتعد عنهما وامسك بيد لونجة التي كانت قد تخلصت من الثياب البالية إلى أخرى جديدة وهو

يقول : هذه لونجة يا والدي وهي من ساندتني لذا فإني أريدها زوجة لي .





وقص عليهما الحكاية كاملة مع أنهم استغربوا الأمر واستهجنوه لكنهم سرعان ما وافقوا لأنها كانت السبب في إنقاذ

ابنهما كما أنها حسناء وذات أخلاق عالية ، فضربت الطبول في المدينة وأعلنت الأفراح سبعة أيام وليال لزواج الأمير

زاهر بلونجة الفاتنة.

أما مروان فقد فجع للخبر ومات غيضا وحسدا لما حل بأخيه من أفراح بينما هو في الأحزان غارق .

أرجو أن تكونوا قد اسمتعتم معنــا

إلى الملتقى مع قصة أخرى

[جوجوا 112]

كلام جميل شكرا لك

[ريماس وصهيب]

بسم الله.قالك واحد القرية كان فيها سلطان هداك السلطان كل لعشية يوقف فشرفة نتاعو يقابلو واحد لجبل هداك لجبل فيه واحد الكوخ صغير.سقسااا لوزير نتاعو قالو شكون يسكن في هكداك الكوخ راني نشوف االضو نتاع النار.قالو ثلاث بنات يتامى .غدوه من داك فالليل ركب السلطان وراح لهداك الكوخ وقف عند الباب وقعد يتصنت .كانو لبنات يحكو معا بعضاهم .لكبيرة قالت ياريت نتزوج بطباخ السلطان على الاقل نشبع في كرشي.والثانية قالت ياريت نتزوج بخباز القرية باه نشبع خيز.والثالثة قالت ياريت نتزوج بسلطان باه حاجة ماتخصني.
رجع السلطان للقصر وطلب يجيبلو لبنات بين ثلاثة وحكالهم القصة الي سمعها وحققلهم الامنية نتاعهم .
الاولى تزوجت بالطباخ والثانية بالخباز والثالثة بالسلطان.الي تزوجت بالسلطان حملت وكي قربت موعد الولادة قالت لسلطان انا جيبلى خواتاتى يخدمو عليا .وهوما كانو يدبرولها في مكيدة لانهم غارو منها لانها تزوجت بالسلطان،جاتها اعراض الولادة جاو خواتاتها ولدوها ،عسوها رقدت حطو امامها خشبة من حطب والطفل داروه في قفة ونزلوه من النافذة .كي دخل السلطان لقاا خشب استعجبب وقال هذا امر الله.ولما نزلوه جا مار من تما الى يعمل فالحديقة نتاع السلطان سمع صوت بكاء طل على القفة لقها طفل هو كان عقيم معندوش اولاد داه لداروورباه.
زادت حملت زوجة السلطان وانجبت طفل وعملولو نفس الشئ حطو خشبة والطفل نزلوه وداه الي يعمل فالحديقة ،وزادت حملت وانجبت بنت وعملولها نفس الشئ.
امر السلطان انهم يسجنوها فى بيت وحدها ويرجموها قاللهم هدي جنية الي تنجب الخشب .
مرت الايام والاولاد كبروو والاب نتاعهم الي رباهم توفى .وهوما كبرو وكانو هدوك زوج ذكور من اشجع الناس ،يروحو يصيدو وكانو ماهرين،والبنت كانت طفلة رزينة وجميلة.
في احدى الايام جات عاقبا عجوز من الدار طقطقت الباب على الطفلة طلبت منها شربة ماء ،البنت دخلتها للبت وعطتلها الماء ،نطقت لعجوز للبنت قالتلها رانى نشوف راهو عندك كلش ،قالتلها البنت انا خاوتى قالولى كلشي موجد في هدي الدنيا راني موفرينهولك ،ضحكت لعجوز وقالتلها مزال مزال وين راهي الشجرة الغناية،والعصفور الي يهدر ،واد الذهب .وراحت لعجوزة،البنت رجعو خاوتها من الصيد لقاوها مشنفاا،قالولها واش بيك ،قتلهم تمسخرتو بيا قلتولى هدا ماهو موجود فالدنيا وهي كاينا الشجرة الغناية والعصفور الي يهدر وواد الذهب.
ناض الاخ الاكبر وقاللها انا نروح نجيبلك هدو.....
يتبع.........

[fani09]

رووووووووووووووووووووووووووووووعة

نبض الحياة رديته ماهوش نبض القلب

ماشاء الله .حركت فيا مشاعر مختلفة ومتنوعة من الهدوء والسكينة

..........ام ريماس راني ننتظر في البقية

[نبض الفؤاد]

بارك الله فيك....قصة مثيرة ....رانا في انتظار البقية.....

[نبض الفؤاد]

المشاركة الأصلية كتبت بواسطة fani09

رووووووووووووووووووووووووووووووعة
نبض الحياة رديته ماهوش نبض القلب
ماشاء الله .حركت فيا مشاعر مختلفة ومتنوعة من الهدوء والسكينة
..........ام ريماس راني ننتظر في البقية

مشكورة اختي فاني .....وجديلنا قصة بعد ام ريماس.......

[ريماس وصهيب]

من قبيل نكتب وراح كلششش اممممممم

[ريماس وصهيب]

ناض الاخ الاكبر راح ونوى يجيب لختو واش حبت،بصح خلالها سكين قاللها خليه عند راسك اذا نضتى الصباح ولقيته فيه الدم اعرفي بلي منرجعش وادا لقيته ناشف راح نرجع،راح يمشي فالطريق حتى لقا شيخ كبير فالسن سقساه على طريق الشجرة الغناية ،تبسم الشيخ وقالو شحال ياوليدى عقبو قبل يحوسو عليها ومرجعوش قالو بصح اذا حبيت تروح ارمي هذى الحبة نتاع البرتقال وين حبست من ثما تبدا طريق .لاح الحبة نتاع البرتقال وكي حبست بدا من تما عيطلو الشيخ وقالو :ذرك يبداو يعيطو بزاف الاسموات لازم متتلفتش ادا تلفت راك ترجع صنم ،مشي راجل والاصوات تتعالى بالاسموات وفي لحظة غفلة عيطو على اسمو تلفت رجع صنم،فالصباح ناضت اختو لقات الدم فالسكين بدات تبكى ،ناض خوه الثانى قاللها انا نروح نرجع خويا ونجيبلك الي حبيته وخلالها سنسلة قاللها ادا لقيتها مقطعة معنتها منرجعش وادا متقطعتش راح نرجع ،راح الاخ وصراتلو نفس لحكاية ناع خوه وهي كي ناضت الصباح لقات السنسلة تقطعت بدات تبكى على خاوتها،قررت انها تلبس لباس نتاع راجل وتروح هي،مشات فالطريق لقات الشيخ

[ريماس وصهيب]

حكالها نفس لحكاية بصح هي ذكية دارت الصوف في وذنيها ومشات وتشوف فالعباد حتى لقات واد الذهب وقدامو شجرة كل مايضرب الريح تغنى وفوقها عصفور يتكلم،حكمت العصفور وقالتلو لازم نرجع خاوتى معايا ،قاللها عمري الماء من الواد وفرغى عليهم راح يرجعو يتحركو بدات تعمر الماء وتلوح على كل العباد هذا مشي هذا حتى لقات خاوتها،رجعت معاهم وجابت العصفور الي يهدر واغصان من الشجرة وعمرت من الواد ،رجعو لدار وهوما فرحانين غرسو الشجرة عند الباب ودارو خوض من ماء الذهب والعصفور رجع ينوسها ويدبر عليها.
فالصباح ناضو راحو للغابة يصيدوو والسلطان كان ثما شافهم من البعيد عجبوه فالمهارة نتاعهم والشجاعة،رجع للقصر وطلب يشوفهم وعينهم فرسان عندو وخضرلهم غداء كل انواع الاكل موجود،وطلب مهم انو هو غدو من ذاك يجي ليهم يتغدا عندهم ،كي رجعو لدار حكاو لختهم وطلبو منها تحضر الاكل،فالصباح هوما خرجو للغابة وهي بقات حايرا واش الطيب

[ريماس وصهيب]

قالت للعصفور يدبر عليها ،قاللها ديرلهم البغرير تعجبت قالتلو كيفاه ندير البغرير وخاوتى طلبو منى نطيب اكل متنوع،قاللها قتلك ديرلهم بغرير وروحى تحت الشجرة الغانية تلقاى الياقوت كل ماطيبى حبة بغرير فالوسط ديري حبة ياقوت ووجدى الطابلة وحطى ،دارت كيما قاللها العصفور،جاو وقعدو على الطابلة الي يشوف يلقا بغرير وفي وسطو حبة ياقوت تعجب السلطان من بغرير في وسطو حبة ياقوت،نطق العصفور وقال :ياسلطان كيفاه تتعجب من البغرير كاين فيه الياقوت،ومتعجبتش وصدقت امراة تجيب خشب.ناض السلطان وقالو يعاود لحكاية حكالو لحكاية قاع ،اخذ السلطان ولادو للقصر وجابلهم امهم والفرحة ملات القصر،وحكم بالموت لاخوات المراة ،وداااااامت الافراح فالقصر.
ان شاء لله تعجبكم القصة باه تزيد نحكيلكم اخرى،سلااااام ياكرام.

[ya-djaz]

بارك الله فيك و وفقك لكل خير

[" أبو عبود"]

القصة رائعة لكن فيها من الأخطاء ما يجعلها تفقد بهرجها وهو وصف الأمير بانه ازرق العينين وزرقة العينين لاهل جهنم بينما اهل الجنة حور العين وحتىفي الدنيا لا يوجد اجمل من الشعر الااسود الطويل والعيون الحوراء. كما أنك وصفت لونجة بنفس الطريقة وهنا فقدت القصة بهرجها بكل أسف

[nadia mimi]

روعة بورك فيكم