السررررررررقة - الصفحة 2

فايزة1207 · 2014-01-03, 12:47

بالنسبة ليا نشوف انه الحل كل وحدة تكتب اسمها
اوذا على السرقة كلنا رانا نسرقوباه نستفادو ونلقاو ورشات وفيديوات واصحاهم حطوهم من اجل الاستفادة
انا ضد فكرة تبعثو على الخاص لانه بهاذ الطريقة ماتعمش الفايدة ممكن اشخاص فقط يستفيدو واللي يشوف الموضوع من بعد مايفهم فيها والو
اصلا هذا المنتدى مشهور غير على جال الفائدة عامة
اقتراح اللي يحطو الورشات علاه ماتحطوش الموضوع كامل والاجابة جاوبو غير اللي تحط تطبيق

loudjeine2000 · 2014-01-03, 16:37

انا بالنسبة ليا ما عنديش فرق يسرقو ولا ما يسرقوش هذا ما يهمنيش كل واحد و ضميرو المشكل كي تعود المواضيع تتباع ههههههههههههه والله صح كاينة وحدة دايرة مجموعة على الفيس بوك و تبيع في الدروس تاعنا منها دروسي على الفيس بوك كي دخلت على المجموعة قالولي دروسك تتباع انا دايرتها لوجه الله وهما يبروفيتيو شفتو وين وصل الحال كي سمعت رحت حرمت هههههههه عليهم و حطيت دروسي عندها قراتوي هههه كي شافتهم حدفتني عدت ما نقدرش ندخل للمجموعة حسبيا الله ونعم الوكيل و مع دالك مش رايحة نسكت رحت و فتحت مجموعة جديدة ونعلم فيها بلا نقود وش داي واحد من هاذ الدنيا غير دعاوي الخير ورانا اكل رابحين ما تخافوش لي يدير الخير دواه الخير

ام الاء وسدن · 2014-01-03, 17:04

^جيل كوبي كولي

الدر المكنون 7 · 2014-01-04, 16:25

كيما يقولو ناس بكري دير الخير وارميه في البحر
لي ديرالورشات ديرهم لوجه الله المهم تكتب اسمها وسط الصورة باش ما يقدروش يمحوه وماذابيها يسرقوه باش ينتشر أكثر وتكثر حسناتها وهكذا السراقين ينفعو من حيث أرادو الضرر
وفكرة الخاص والكود والخدمة في مجموعات ضيقة أو متخفية بصراحة أنا ضدها هكذا رايحين تحرمو فئة كبيرة من الخير لي راه في المنتدى
هذي على الأقل وجهة نظري

sakura be · 2014-01-05, 11:55

السلام عليكم
راني رجعت باه نقول رايي هاد المرة ودون نرفزة ههههه لخاطر المرة اللي فاتت كنت قلقانة من ضياع ملف الورشة واعصابي مشدودة وزدت قريت رد الاخت كرونو بلي نقلو الورشة وكاين حتى اللي نحاو الاسم ؟؟؟
ومع ذلك كيما قالوا الاخوات رانا هنا باه نفيدوا اخواتنا سواء الاعضاء والا الزوار وحتى اللي من منتديات اخرى واحنا مانسحقوا كان دعاوي الخيرلذا راني نسحب ردي السابق ونعتذر من الاخوات اللي ممكن حسوا بالظلم والتعسف ههههه والورشة رح تكمل وعلى العام اسيدي .

.................... فقط .....
*****لاتنسونا من صالح دعائكم******

amani32 · 2014-01-05, 12:13

اقتباس:

المشاركة الأصلية كتبت بواسطة sakura be

السلام عليكم
راني رجعت باه نقول رايي هاد المرة ودون نرفزة ههههه لخاطر المرة اللي فاتت كنت قلقانة من ضياع ملف الورشة واعصابي مشدودة وزدت قريت رد الاخت كرونو بلي نقلو الورشة وكاين حتى اللي نحاو الاسم ؟؟؟
ومع ذلك كيما قالوا الاخوات رانا هنا باه نفيدوا اخواتنا سواء الاعضاء والا الزوار وحتى اللي من منتديات اخرى واحنا مانسحقوا كان دعاوي الخيرلذا راني نسحب ردي السابق ونعتذر من الاخوات اللي ممكن حسوا بالظلم والتعسف ههههه والورشة رح تكمل وعلى العام اسيدي .

.................... فقط .....
*****لاتنسونا من صالح دعائكم******

شوفو لبنات نقولو الصراحة الورشات صح من تعب العضوات وشقاهم
لازم يحتارمو حقوق اصحابها ماشي حاجة مليحة مين يدو ورشة كيما هي ويقولو حنا درناها
بصح اذا درنا حاجة نديروها على وجه ربي باش نكسبوا حسنات
لازم نكتبوا منقول اذا نقلنا موضوع

انا بعض المواضيع نقلتها من مواقع اجنبية
مي
حطيت عليها توقيعي وتوقيع منتدى الجلفة
عارفين علاش حطيت توقيعي
صح مانيش انا لي خدمتهم مي كي تحوسي على حاجة وتحملي المجلة وتتعبي باش تنظفي الصورة وتديريلها تظليل وتعاودي ترسليها للنت سيرتوا اذا كانت النت عندك عيانة رايحة تديلك كامل النهار
........
المهم اذا خدمتو حاجة اخدموها لوجه ربي اكيد راح يجازيكم عليها
ماتنساوش تحطو توقيعكم على الصور واذا احتجتوا البرامج رانا هنا...........
أي برنامج للتواقيع او أي شيء ما تحيروش رانا معاكم
واذا جبتو حاجة من النت اكتبوا منقول

انا اخدمت مجلات للورشات ايييييييييييييـــــــــــــــــــــــه ولقيت الجوارين داوهم وقالك حصري لمنتدى.............؟؟؟
خطونا من الخاص اصلا اذا درتوا للورشات قسم خاص الفضوليين محال يخطوكم سير يسجلو و................

البحث هن العلم · 2014-01-05, 12:55

انت هدفك تعميم الفائدة واجرك محفظ اكتبي اسمك ولا يهمك سرقوا والا قعدو
شفي احنا كم نستفيد من الورشات الاجنبية معناها احنا سرقات ولا واش

البحث هن العلم · 2014-01-05, 12:59

هدفنا الفائدة ونشر الخير للجميع
اما اصحاب النفوس المريضة هذا حالهم
تقلي من تعبي ايش الفايدة وهي كاذبة في قرارات نفسها

لحن الحياة. · 2014-01-05, 17:45

انا وحد الوقت كنت مانعرفش لكروشي نعرف العمود والسلسلة فقططططططططططططططططط وواش سجلت في منتديات وطلبت المساعدة و ماكانش رد ولا منتدى لقيت فيه مساعدة ماعدا منتدى الجلفة
بصراحة انا لا اسامح من تاخذ مواضيعي و تنسبها لنفسها لاني انا كي تعجبني حاجة نتعب عليها اولا نخدمها تم ننفع بيها غيري ما نسرقش ونقول خدمت
و يبقى هاذا رايي الخاص

نهال13 · 2014-01-05, 17:53

جيل انتى درتى الخير وربي اكيد راح يجازيك عليه و ربي راهو يشوف اى وحدة تنسب عمل ليها لبنات ليرايحين يستفادو اكيد يدعو لصاحب العمل يعنى دعوى الخير رايحة ترجعلك انتى ما عليك غير توكليى ربى ولي وكل ربي معندو ما خلا

حورية38 · 2014-01-09, 19:48

مساء الخير اخت جيل انا لقيت مواضيعنا في منتدى اخر وناسبينها لمنتداهم وقالو لبنات الى هدا برنامج يرفد المواضيع تلقائيا لكن انا حاولت نفهم وحاولت ولقيت من خلال توقيع احد المشاركات في المنتدى نتحول للمنتدى الاخر //باب العرب //قلت بلاك مجرد برنامج لكن بعد عدة محاولات لقيت انو كامل مواضيعنا مرفوعة صورة طبق الاصل اما مواضيعها في المنتدى فهىمعدلة والمواضيع دات الصور المرفقة لا تتحول للمنتدى الاخر اضافة الى انو هناك توقيع لاحد المشاركين في المنتدى هو باب العرب ومن خلاله تتحولي لهاد المنتدى اناكنت حابة ندير موضوع منفصل للمشرفين بمنتدى الجلفة باش ينورونا ويفهمونا من الرغم انو الواحد يتعب ويخدملوجه ربي وكيما رانا نتعلمو كاين بزاف ناس تستفاد وبلاك بزاف بنات راهم لقاو مكاسب رزق من خلال واش تعلمو من المنتدى تاعنا او غيرو لكن كيما قلت ماحبيتش نظلم ونقول هوما لي راهم يسرقو في المواضيع نتمنى المشرفين يفهمونا وخصوصا انو كاين ركن خاص بالعرائس محضور على غير الاعضاء رفعت مواضيعونتمنى نلقاو الردوراهو دار الاخ صاحب المنتدى موضوع في منتدى الجلفة كاعلان عن افتتاح منتداه شوفي واش كاتب/////////////// يسرني ان اكتب هذا الموضوع الاشهار عن منتداي باب العرب

نبذة عامة عن المنتدى :

منتدى باب العرب منتدى شامل لجميع الاختصاصات المتداولة في مجتمعنا مثل التعليم مثلا فيتوفر في المنتدى جميع

الاقسام الضرورية التي يحتاجها الطالب العربي مثل اقسام شهادة التعليم المتوسط

وقسم تحضير شهادة التعليم المتوسط

هذا بالنسبة للمتوسط اما بالنسبة للثانوية فهناك اقسام السنة الثالثة ثانوي
التي يتضمنها جميع شعب شهادة البكالوريا
مثال على ذلك قسم تحظير شهادة البكالوريا
اما بالنسبة للاقسام الاخرى فهناك مجالات عديدة مثل قسم الطبخ و المأكولات , منتدى الحياة الزوجية , قسم التفصيل و الخياطة,, منتديات الجامعة و البحث العلمي ,منتدى التوظيف و المسابقات ,منتديات التصميم و الجرافيكس , منتديات أصحاب المواقع , منتدى عالم الرياضة ,منتدى المال و الأعمال

نبذة عن منشئ المنتدى :
منشيئ المنتدى هو وليد بن مبارك صاحب منتديات كثيرة ومواقع كثيرة و على راسها الموقع الفرنسي المشهور الذي يتم نشر فيه روابط تحميل الملفات
planete-lolo forum téléchargement film séries jeux logiciels gratuit
و
ومنتدى كونتر سترايك
ولا داعي لذكر المنتديات والمواقع الاخرى فالقائمة طويلة

واكديلي على هدى///////////////////////////////////يشتهر صاحب الموقع بالصدق والامانة فاينما تجد menimeVEVO تجد ان اعماله حصرية و ذو فائدة عامة لجميع اعضاء منتداه
دليل على ذلك انا مسؤول عن بيع الاعتمادات في احلى منتدى للجزائرين ولمن مهتم بهذا الامر هذا قسم خاص لشراء الاعتمادات في الجزائر
طلبات الإعتمدات لدولة الجزائر Algerian Requests

اما يمكنكم مشاهدة مواضيعي فاغلبها لبيع رصيد باي بال والتي لم ولن اخدع احدا فيها وكل زبائني يحتفظون برقم هاتفي وهذا لامناتي والحمد لله ربي العالمين

كتبت لكم موضوع اليوم عن منتدى باب العرب والذي سيتمتاز باذن الله تعالى باكبر مسابقات على الاطلاق مع مرور الوقت
حيث في القريب العاجل سيتوفر مسابقة انشط عضو لشهر كامل لتكون الجائزة مادية منحصرة بين 5000 حتى 20000 دينار جزائري يمكن دفعها على طرق عدة مثل باي بال او البريد الجزائري او فليكسي او حتى وسترن يونين للفائزين من خارج الوطن
من يقول كيف ستدف بالوسترن يونين في بلادنا لست انا من يدفع من الجزائر بل الدفع سيتم من فرنسا لهذا

fadilasor · 2014-01-10, 16:43

اللي يضحك انو حتى واش نكتبو على الموضوع ولو كان تافها من باب المزاح يسرقوه كون غير يغيرو شويا لقيت مواضيعي كلها مسروقةوعطيتها درس