شوفو العرضة اللي درناها لصحبات ماما

[mojab]

العرضة تشهي يعطيك اصحة:mh9 2:

[soussoudarine]

الله يبارك مائدة تشهي يعطيكم الصحة

[tiaretia]

ياطيكم الصحة سفرة تشهي ممكن وصفة خبز الدار والفطائر

[inaschimie]

يعطيكم الصحة انا تاني رايحا نعرض عروسي اخويا وراني محتارة واش نطيب
افيدوني يعطيكم الصحة

[lamiak1]

رغكم اكرمتو و زيادة خسارة ما كنتش والمدعوين. الشخشوخة امممممممم

[om assil]

شكرا و بارك الله فيكم على الردود و الدعاء لي و للوالدة و ربي يعطيكم ما تتمناو
وصفة الخبز راهو نتاع ام اماني و عاوداتو ام كوثر هاهو الرابط
https://djelfa.info:8080/vb/showthread.php?t=1238239
و الفطائر راهم بعجينة 10 دقائق اذا ما عندكش نكتبهالك بالتفصيل و الحشو درت لحم مرحي و بصل و ثوم و شوي زيتون و الملح و شوي قرفة و الفرماج درت قريار و معاهم عضمة تلمهم
وصفة قاطو البيستولي
درتو كيما ندير الصابلي هاهي الوصفة
امحري بيدك رطل مارغرين بدرجة حرارة الغرفة مع 12 مغرف كبير نتاع سكر قلاسي و زيدي بيضتان و الفاني و ربع كاس نشاء و كيس خميرة كيميائية و شيحي بالفرينة ما تيبسيش العجينة و اخدمي بالبستولي او ليمول و من بعد لصقي الحبات بالنوتيلا او شوكولا ذايبة او معجون
وصفة الحريرة
حنا نديرو فيها كل الخضر حبة بصلة و حبة طماطم و حبة كبيرة بطاطا و 3 او 4 حبات جزر و حبتين جريوات او حبة فقط و طرف كابويا و سنات ثوم و البطاطا قرنون اذا عندك راهي تمدلها ذوق رائع هاذو كل اغسليهم و قشريهم و قطعيهم قطع كبيرة و لوحيهم مع بعض في البرمة و زيدي قطع اللحم او الدجاج حنا درناها بلحم العجل و زيدي شوي زيت و ربطة منوعة فيها دبشة و معدنوس و كرافس اغسليهم و اربطيهم مع بعض بخيط رقيق نتاه الخياطة باه تنحيهم بسهولة في الاخير قبل رحي الحريرة هوما و ورقات رند
و الدواوات احنا نديرو فيها كلش عود قرفة و راس الحانوت و الكركم و الفلفل الاحمر الحار غبرة و شوي كروية و الملح طبعا
خليهم يتقلاو مليح على نار هادية ثم امرقي بماء سخون هاذ الكمية راهي تجيك بزاف نقصي الخضرة كان تحبي و كي يطيب اللحم نحيه هو و ربطة الحشاوش و الرند و عود القرفة و اذا لحتي فيها فلفلة حارة نحيها حتى هي و ارحي الباقي بالميكسار و رجعي قطع اللحم

[om inas]

الله يباااااااااارك هايلة

[أم إناس]

ماشاء الله ماءده تشهي يعطيك الصحه
وربي يحفظلك أمك

[مرام]

ماشاء الله سفرة هايلة ممكن تعطيني وصفة معجون السفرجل وطريقة العمل بالبيسطولي لاني شريتو مؤخرا وماعرفتش نخدم بيه يعني كي نخدم بيه الحبة ما تنصلش منو تبقا لاسقة في البيسطولي

[وبشر الصابرين]

اشاء الله رائع جدا عرضة وعليها الكلام

[malek nour hane]

ماشاء الله ربي يبارك ...ان شاء الله سفرة دائمة واله المنتدى هدا روووعة و انت و امثالك لي خليتوه يكون رائع كيما هك استفدت منك بزاااااااف .و ممكن اختي لو سمحتي وصفة معجون السفرجل لكي جزيل الشكر.تقبلي مروري

[om assil]

مربى السفرجل
اغسليه و قشريه و قطعيه قطع صغيرة حطيه في الككوط و زيدلو الماء قدر ما يتغطى و اقفلي عليه الككوط حوالي 15 الى 20 د
و من بعد اوزنيه وحده بدون الماء و ديري نفس المقدار سكر و رجعيهم في برمة او طاوة مع هذاك الماء و نقصي عليه النار و خليه حتان يطيب مليح حوالي 30 الى 45 د المهم ساعة ساعة نحي شوي في صحنة و شوفيه كي يبرد باه ما يعقدش بزاف و كي يقرب يطيب اعصريلو حبة قارس
قاطو البستولي كي يلصق معناتو العجينة طرية بزاف زيدي شوي فرينة و ابقاي جربي راهو صعيب رقلاج نتاعها و عندها 2 قياسات واحد صغير واحد كبير

[ام محمد78]

روعة يعطيك الصحة

[مرام]

شكراااااااااااااااااا

[مرام]

شكرا لانك جاوبتيني لكن بالنسبة للبيستولي ما فهمتنيش
انا قصدي كي ندير العجينة انا نديرها كيما تاع الصابلي العادي
وكي نجي نطبع تخرج نرمال مي الحبة ماتتقطعش يعني ما تنصلش كل حبة وحدها
تقعد العجينة تخرج طول يشكل المول لي درتو بلا ما تتقسم كل حبة وحدها فهمتيني؟
كيفاه ندير؟ جرت نحها بالسكين مي شكلها فسد وش هو الحل؟